20 ta qimmatbaho sovrinlar ajratilgan “Giyohvandlikka qarshimiz!" videoroliklar tanlovi

Narkotik moddalarni nazorat qilish boʻyicha Oʻzbekiston Respublikasi Davlat komissiyasi, Yoshlar ishlari agentligi, Oʻzbekiston yoshlar ittifoqi, Oʻzbekiston Respublikasi Prezidenti Adminstrasiyasi qoshidagi ommaviy Axborot kommunikatsiyalar agentligi, Oʻzbekiston milliy teleradiokompaniyasi va Ichki ishlar vazirligi hamkorligida “Giyohvandlikka qarshimiz” mavzusida tanlov eʼlon qiladi.

Dasturda barcha ishtirok etishi mumkin. Ijodiy ishlar 21-iyundan 29-iyun kunduzgi 12:00 gacha qabul qilinadi!

Tanlovning gʻoliblari tashkilotchilar va homiylar mablagʻlari asosida tegishli tartibda ragʻbatlantiriladi hamda eʼtirof etilgan videoroliklar respublika va mahalliy telekanallar orqali belgilangan grafiklar asosida efirga uzatib boriladi.

Dastur haqida ushbu havola orqali batafsil maʼlumot olish mumkin.

• Tanlovda barcha ishtirok etishi mumkin.

Taqdim etiladigan videoroliklar uchun quyidagi talablar mavjud:

● Telekanallar uchun 1:30 — 2:00 daqiqa. (FullHD (1920x1080) formatida boʻlishi lozim);

● Ijtimoiy tarmoqlar uchun 1:00 — 1:30 daqiqa. (FullHD (1920x1080) formatida boʻlishi lozim);

Tanlovga joʻnatilgan videoroliklar quyidagi maqsad va vazifalarni oʻz ichiga olishi kerak:

• Aholi va yoshlar oʻrtasida giyohvandlik vositalari, psixotrop moddalar va kuchli taʼsir qiluvchi preparatlarning salbiy oqibatlari haqidagi tushunchalarini yanada mustahkamlash, sogʻlom turmush tarziga qatʼiy rioya qilishlarini taʼminlash;
• Aholi va yoshlarning huquqiy ongi va madaniyatini yuksaltirish, ularda qonunga itoatkorlik hissini kamol toptirish;
• Ijodkor yoshlarni izlab topish, ularni qoʻllab-quvvatlash va ragʻbatlantirish;
• Yosh avlodni har tomonlama sogʻlom va barkamol etib tarbiyalash, oʻz iqtidorlarini namoyish etishlari uchun shart-sharoitlar yaratish hamda ularni qoʻllab-quvvatlash;
• Aholi va yoshlar oʻrtasida giyohvandlik vositalari, psixotrop moddalar va kuchli taʼsir qiluvchi preparatlar taʼsiriga tushib qolishiga barham berishga erishish.

Eslatma! Videorolikni tayyorlashda mutaxassislar va ijodkorlar yordamidan foydalanish mumkin. Rolikni yaratishda boshqa roliklardan koʻchirib olib foydalanish taʼqiqlanadi.

Tanlov talablari bilan ushbu havola orqali batafsil tanishish mumkin.

Tanlov gʻoliblari quyidagi imkoniyatlarni qoʻlga kiritishadi:

• Sovrindorlarning eʼtirof etilgan videoroliklari respublika va mahalliy telekanallar orqali belgilangan grafiklar asosida efirga uzatib boriladi;
• 2ta oliy oʻringa — Noutbuk (Lenovo — Intel core i3);
• 6ta birinchi oʻringa — Velosiped;
• 6ta ikkinchi oʻringa — Televizor (Artel);
• 6ta uchinchi oʻrin — Planshet (G-Tab).

Dasturda beriladigan sovrinlar va imkoniyatlar haqida ushbu havola orqali maʼlumot olish mumkin.

Dastur uchun ijodiy ishlar 21-iyundan 29-iyun kunduzgi 12:00 gacha qabul qilinadi! Tanlov uchun ijodiy ishlaringizni telegramdagi @giyohvandlikkaqarshimizbot ga yuborishingiz mumkin.

Kelib tushgan videoroliklar quyidagi mezonlar asosida baholanadi:

• Mavzuning mazmun-mohiyati toʻlaqonli ochib berilganligi – 20 ball;
• Videorolikda sohaga oid eng soʻngi qonunchilik (soʻngi 5 yil 2018-2022 yillar)ning yoritilishi – 20 ball;
• Videorolikdagi mantiqiylik, ishtirokchining dunyoqarashi, fikrlash doirasi va eʼtiborni jalb qila olish xususiyati – 20 ball;
• Videorolik mazmuni, uning yuqoridagi mavzular boʻyicha qamrovi, unga bogʻliq boʻlgan jarayonlarni kreativ nuqtai nazardan aks ettirish darajasi – 20 ball;
• Videorolikning oʻziga xosligi, boshqa videorolikdan ajralib turishi — 20 ball;

Dasturga ijodiy ishlarni joʻnatish va roʻyxatdan oʻtish jarayoni haqida ushbu havola orqali batafsil maʼlumot olish mumkin.

Tanlov haqidagi maʼlumotlar bilan quyidagi ijtimoiy tarmoqlar orqali ham tanishishingiz mumkin:

-Twitter;

-Facebook;

-Telegram.

Qoʻshimcha savollar tugʻilgan taqdirda ushbu havola orqali kirib sayt oʻng burchagida koʻrsatilgan joydan savollar bilan murojaat qilib javob olish mumkin.