Ekologik muammolarni bartaraf etishga qaratilgan €2000 dan pul mukofoti taqdim qiluvchi Energy Globe Award tanlovi
  • 20/02/2022 Qabul boshlanishi
  • Mukofot Moliyalash turi
  • Germaniya Davlat
  • 30.03.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili, Nemis tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Dunyoning nufuzli mukofotlaridan biri Energy Globe Awards 2022-yil o‘tkaziladigan tanlov uchun arizalar qabul qilib boshlaganini e'lon qiladi. Tanlovga resurslarni tejash, havo va suv sifatini yaxshilash, energiyadan samarali foydalanish, qayta tiklanadigan energiya manbalarini joriy etish, shuningdek, iqlim o‘zgarishi bilan bog‘liq muammolar bo‘yicha loyihalarni taqdim qilish orqali ishtirok etish mumkin. 

Dastur maqsadi muvaffaqiyatli barqaror loyihalarni global auditoriyaga taqdim etish va ko‘pgina ekologik muammolar uchun amalga oshirish mumkin bo‘lgan yechimlar allaqachon mavjud ekanligini ko‘rsatishdir.

Xalqaro mukofotlar “Yer”, “Suv”, “Olov”, “Havo”, “Yoshlar” va “Doimiy loyihalar” nominatsiyalari uchun taqdim etiladi. Ushbu nominatsiyalar haqida ushbu havola orqali batafsil tanishib chiqish mumkin.  Tanlov g‘oliblari €2000 dan  pul mukofotiga ega bo‘lishlari mumkin.

Dastur bilan ushbu havola orqali batafsil tanishib chiqish mumkin.

Maqbullik shartlari

Tanlov uchun nomzodlar quyidagi talablarga javob berishlari kerak:

  • Iqlim o‘zgarishiga va boshqa ekologik muammolarga hissa qo‘shadigan har qanday kompaniya, xususiy yoki davlati tashkiloti (masalan, NNT, klub, maktab, universitet) bo‘lishi;
  • Tanlov havo, tuproq va suv ifloslanishiga yechim topadigan, qayta tiklanadigan manbalardan foydalanish va energiya samaradorligini oshirish, sayyoramiz resurslaridan barqaror foydalanishni namoyish etish va ekologik ta’limga hissa qo‘shadigan loyihalarni  qo‘llab-quvvatlaydi;
  • Nomzodlar tanlovga bir necha loyihalarni taqdim qilishlari mumkin;
  • Bir ishtirokchi tanlovning  bir necha loyihalarida ishtirok etishi mumkin.

Eslatma: Energy Globe mukofoti uchun asosan  amalga oshirilgan loyihalar ko'rib chiqiladi. “Amalga oshirildi” degani loyihaning baholanishi uchun yetarli muvaffaqiyatga erishilgan bo‘lishi kerakligini anglatadi. Ammo hali tugallanmagan, lekin dastlabki natijalarni ko‘rsatayotgan doimiy loyihalar va tashabbuslar (masalan, chiqindilarni yig‘ish va qayta ishlash tashabbuslari) ham kiritilishi mumkin.

Tanlovda ishtirok etish shartlari bilan ushbu havola orqali batafsil tanishib chiqish mumkin.

Foydali tomonlari

Tanlov g‘oliblari quyidagi imkoniyatlarga ega bo‘ladilar:

  • Har bir davlatdagi eng yaxshi loyiha National Energy Globe Award bilan taqdirlanadi;
  • Har bir Energy Globe World Award sovrindoriga (5 ta kategoriya bo'yicha)  €2000 dan pul mukofoti beriladi;
  • “Yer”, “Olov”, “Suv”, “Havo”, “Yoshlar” va “Doimiy loyihalar” nominatsiyalari bo‘yicha eng yaxshi loyihalar tantanali ravishda butun dunyo bo‘ylab efirga uzatiladigan va xalqaro ommaviy axborot vositalarida e'lon qilinadigan marosim doirasida taqdirlanadi; 
  • Ishtirokchilar taniqli atrof-muhit faollari bilan muloqotda bo‘lish imkoniyatiga ega bo‘lishadi.

Tanlov imkoniyatlari bilan batafsil ushbu havola orqali tanishib chiqish mumkin.

Hujjat topshirish

  • Nomzodlar ariza to‘ldirayotganda ushbu ro'yxatdan  (PDF/Word) foydalangan holda  loyihalarini taqdim qilishlari kerak;
  • Tanlovga ushbu havola orqali ariza topshiriladi;
  • Arizalar ingliz yoki nemis tilida to‘ldirilishi kerak
  • Tanlovda ishtirok etish bepul.

Dastlab loyihalar Energy Globe milliy mukofotlari ishtirok etadigan har bir mamlakat (hozirda 180 dan mamlakat ishtirok etadi) doirasida  aniqlanadi va o‘z mamlakatida taqdim etiladi.
Keyin har bir mamlakatning eng yaxshi loyihalari 5 xil nominatsiyada taqdim etiladigan Energy Globe World Award (xalqaro mukofotlar)ga nomzodlikka qo‘yiladi: “Yer”, “Olov”, “Suv”, “Havo” va “Yoshlar”. Energy Globe World Award  yilning eng muhim tadbiri bo‘lib, unda eng yaxshi loyihalar global auditoriyaga taqdim etiladi.

Qoʻshimcha maʻlumotlar

Qo‘shimcha ma'lumotlar:

  • Tez-tez beriladigan savollar va ularning javobi bilan ushbu havola orqali tanishib chiqish mumkin;
  • Qo'shimcha savollar uchun email: contact@energyglobe.info.
Germaniya
Ekologik muammolarni bartaraf etishga qaratilgan €2000 dan pul mukofoti taqdim qiluvchi Energy Globe Award tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar