2022 Green Talents Awards — yosh tadqiqotchilar uchun Germaniyada xalqaro forum va 3 oygacha bepul tadqiqot
  • 12/04/2022 Qabul boshlanishi
  • Toʻliq Moliyalash turi
  • Germaniya Davlat
  • 24.05.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Har yili, Germaniya Federal Taʼlim va Tadqiqot vazirligi (BMBF) barqaror rivojlanish sohasida innovatsion barqaror gʻoyalarning xalqaro almashinuvini ragʻbatlantirish maqsadida nufuzli Green Talents – International Forum for High Potentials in Sustainable Development forumiga mezbonlik qilib keladi.

Green Talents mukofoti Germaniya Federal Taʼlim va Tadqiqot vaziri homiyligida koʻplab mamlakatlardan, turli ilmiy sohalardan boʻlgan yosh tadqiqotchilarni oʻz mamlakatlari va jamiyatlarining yanada barqarorligini taʼminlash yoʻlidagi yutuqlari va saʼy-harakatlari uchun taqdirlaydi. Nemis ekspertlaridan iborat hakamlar hayʼati tomonidan tanlangan mukofot gʻoliblariga mamlakatning ilgʻor tadqiqot muhitiga kirish huquqi beriladi.

Oʻzining barqaror kelajak uchun ishlab chiqayotgan innovatsion gʻoyalari orqali BMTning Barqaror Rivojlanish Maqsadlarini amalga oshirishga hissa qoʻshmoqchi boʻlgan barcha yosh tadqiqotchilar tanlovda ishtirok etishi mumkin.

Mukofot uchun jami 25 nafar yosh tadqiqotchilar tanlab olinadi. Gʻoliblarga barqaror rivojlanish hududi boʻlgan Germaniyaning ilgʻor tadqiqot muhitiga kirish, xalqaro darajadagi soha mutaxassislari bilan fikr almashish, bepul amaliy tadqiqot olib borish imkoniyati beriladi.

Barqaror Rivojlanish Maqsadlari (BRM) bu yilgi tanlov uchun asos boʻlib xizmat qiladi va ariza beruvchilar tadqiqoti qaysi BRMlarga hissa qoʻshayotganini koʻrsatishlari kerak. Tadqiqotchilar barqaror rivojlanish bilan bogʻliq boʻlgan har qanday soha vakili boʻlishi mumkin.

Dastur imkoniyatlari bilan batafsil ushbu havola orqali tanishib chiqish mumkin.

Maqbullik shartlari

Nomzodlar quyidagi majburiy talablarga javob berishi kerak:

  • Magistratura/PhD dasturida o'qiyotgan yoki ariza kamida 3 yil oldin bitirgan va ilmiy darajaga (magistratura / PhD) ega boʻlishi kerak;
  • Barqaror rivojlanish bo'yicha kuchli qiziqish va shu sohaning istalgan doirasidagi tadqiqotiga fanlararo yondasha olish;
  • 3 yildan oshmagan professional ish tajribasiga ega boʻlish (ilmiy daraja doirasida olingan professional ish tajribasi bundan mustasno);
  • Ingliz tilini mukammal bilishi lozim (IELTS/TOEFL so'raladi);
  • Oʻrtachadan yuqori baholarga ega boʻlish;
  • Germaniya fuqarosi yoki Germaniya rezidenti boʻlmasligi lozim.

Dastur talablari haqida batafsil ushbu havola orqali tanishib chiqish mumkin.

Foydali tomonlari

2022-yilgi Green Talents mukofoti quyidagilarni oʻz ichiga oladi:

  • 2022-yil oktyabr oyida boʻlib oʻtadigan koʻp kunlik Virtual Fan Forumi(Virtual Science Forum)ga taklif:
    • Germaniyaning barqaror rivojlanish boʻyicha yetakchi obyektlari, institutlari va kompaniyalari bilan oʻzlarining ilgʻor tadqiqot va loyihalari haqida eksklyuziv maʼlumotlarni taqdim etadigan “Ilmiy sessiyalar”;
    • Kelgusi qoʻshma tadqiqot va hamkorlik harakatlari imkoniyatlarini muhokama qilish uchun nomzod tanlagan nemis mutaxassislari bilan virtual uchrashuvlar;
    • BRMlarga va nomzodlarning ilmiy salohiyatini rivojlantirishga bagʻishlangan keng doiradagi seminarlar;
    • Boshqa Green Talents gʻoliblari, bitiruvchilari va tadqiqotchilari bilan tanishish imkoniyatlari;
    • Dastur gʻoliblari va maxsus mehmonlar bilan rasmiy virtual taqdirlash marosimi;
  • Germaniyada 3 oygacha toʻliq moliyalashtirilgan holda tadqiqot olib borish;
  • Taniqli Green Talents bitiruvchilari jamiyati aʼzosiga aylanish.

Virtual fan forumidan keyingi yil gʻolib oʻzi tanlagan institutda tadqiqot oʻtkazish uchun Germaniyaga 3 oygacha kelish imkoniyatiga ega boʻladi. Gʻoliblar Germaniyaga tadqiqot uchun qaytgach, “Yashil isteʼdodlar” hikoyasi qanday davom etishi haqida koʻproq bilib oling.

Tadqiqot olib borish uchun Germaniyada qolish xarajatlari Germaniya Federal Taʼlim va Tadqiqot vazirligi (BMBF) tomonidan toʻliq moliyalashtiriladi.

Hujjat topshirish

  1. Dasturning barcha majburiy talablariga mos boʻlgan nomzodlar onlayn ariza toʻldirishi lozim. Tanlov nomzodlarning barqaror rivojlanish sohasidagi yutuqlari va nemis hamkorlari bilan birga ishlashga boʻlgan oʻziga xos qiziqishlariga asoslanadi.

Onlayn arizada quyidagilar talab qilinadi:

  • Shaxsiy maʼlumotlar: akademik va professional faoliyatga oid maʼlumotlar;
  • Motivatsion xat — onlayn arizada berilgan savollarga javob bergan holda yoziladi;
  • Ilmiy darajasi: tamomlagan eng soʻnggi OTM diplomi va transkripti (magistratura/PhD);
  • Nomzodning chop etilgan maqola, kitob, qoʻllanma va olgan patentlari haqidagi maʼlumotlar;
  • Tavsiyanoma — nomzodning oʻzi tomonidan yuklanadi yoki tavsiya qiluvchi shaxsning oʻzidan elektron pochta manzili orqali qabul qilinadi;
  • Til bilish darajasini isbotlovchi hujjat (majburiy) — TOEFL, IELTS sertifikatlari yoki OTMda ingliz tili boʻyicha oʻqigan fanlari/OTMda darslar ingliz tilida olib borilishini tasdiqlovchi hujjat.

Ushbu havola orqali ariza berish uchun kerakli hujjatlar va maʼlumotlar bilan tanishib chiqish mumkin.

Qoʻshimcha maʻlumotlar

Dastur doirasida Germaniyda tadqiqot olib borgan avvalgi ishtirokchilar bilan ushbu havola orqali tanishib chiqish mumkin.

Dasturga oid barcha maʼlumotlarni tez-tez soʻraladigan savollar(FAQs) qismidan olish mumkin.

Germaniya
2022 Green Talents Awards — yosh tadqiqotchilar uchun Germaniyada xalqaro forum va 3 oygacha bepul tadqiqot

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar