Ruminiya hukumatidan bakalavr, magistratura, doktorantura bosqichida oʻqish uchun toʻliq moliyalashtiriluvchi grant

Ruminiya hukumati bakalavr, magistratura va doktorantura bosqichida oʻqish uchun toʻliq moliyalashtiriluvchi grant dasturi e'lon qiladi. Dasturga tibbiyot, stomatologiya, farmatsevtika sohalaridan tashqari barcha yoʻnalishlarga ariza topshirish mumkin.

Dastur barcha xarajatlarini qoplab beradi. Bakalavr, magistratura bosqichini davom ettirish uchun Ruminiya tilini bilish talab etiladi chunki darslar shu davlat tilida olib boriladi. 

Agar nomzodlar Ruminiya tilini bilmasalar, 1 yil davomida til kursida oʻqishlari kerak, kurs ham hukumat tomonidan moliyalashtiriladi. Doktorantura bosqichini esa ingliz tilida davom ettirish mumkin. Bakalavrda o'qish davomiyligi 3-6 yil, magistraturada 1 - 1.5 - 2 yil, doktaranturada 3-5 yil.

Dasturga ariza topshirayotganlar Ruminiya tili va madaniyatiga qiziqishlari afzallik hisoblanadi.

Eslatma: Dastur qoidalari va talablari haqida batafsil bu yerda tanishish mumkin.

• Nomzodlar Yevropa Ittifoqi tarkibiga kirmaydigan davlat fuqarosi boʻlishi talab etiladi;
• Tibbiyot, stomatologiya, farmatsevtika sohalaridan boshqa barcha sohalar va universitetlarni tanlab ariza topshirish mumkin;
• Akademik koʻrsatkichlari yuqori boʻlishi, Ruminiya davlat tili va madaniyatiga qiziqishi kerak;
• Bakalavr va magistratura bosqichidagi barcha darslar Ruminiya tilida olib boriladi, Ruminiya tilini bilmaganlar 1 yil davomida til kursida oʻqishlari kerak;
• Doktorantura bosqichidagi kurslar va yoʻnalishlarni ingliz tilida tanlab, oʻqish mumkin.

Dastur talablari bilan bu yerda batafsil tanishish mumkin.

• Kontrakt toʻlovidan ozod etiladi va bepul turarjoy bilan taʼminlanadi;
• Ruminiya tilini 1 yillik kurs mobaynida bepul oʻrganish imkoniyati beriladi va bu muddat ichida stipendiya oladi;
• Oylik stipendiya beriladi;
• Ariza topshirish jarayonidagi toʻlovlardan ozod qilinadi;
• Favqulodda holatlarda va kasallikka chalinganda bepul tibbiy yordam koʻrsatiladi.

Grantga arizalar faqat Study in Romania platformasida Apply for MFA boʻlimi orqali topshiriladi yoki ushbu link orqali toʻgʻridan-toʻgʻri ariza yuborish mumkin.

Kerakli hujjatlar:

• Diplomlarning nusxalari va ularning ingliz, fransuz, ispan yoki rumin tiliga tarjima qilingan shakli;
• O'qigan kurslari va fanlarining transkripti va ularning tarjimasi;
• Tugʻilganlik toʻgʻrisida guvohnoma va uning tarjimasi;
• Pasportning dastlabki uchta betining nusxasi va tarjimasi;
• Ingliz yoki fransuz tillarida soʻralgan formatga koʻra tayyorlangan CV.
• Doktoranturada o'qishni istaydiganlar uchun maqolalar, ilmiy ishlar ro'yxati.

Eslatma: Hujjatlarni .pdf shaklida skaner qilib yuborilishi soʻraladi.

• Qoʻshimcha savollar bilan ushbu link orqali tanishib chiqish mumkin.
• Maʼlumot uchun: Ruminiya Yevropada joylashgan va ajoyib tabiati, qadimiy meroslari boʻyicha UNESCO roʻyxatiga kiritilgan. Yashash, oʻqish boshqa Yevropa davlatlariga solishtirganda ancha arzon va qulay.
• Yakuniy natijalar 2025-yil iyul oyida e'lon qilinadi.