25 yoshgacha boʻlgan barcha uchun umumiy mukofot jamgʻarmasi $15,000 ga teng bo'lgan ClimateScience onlayn olimpiadasi
-
01/01/2023 Qabul boshlanishi
-
Mukofot Moliyalash turi
-
Misr Davlat
-
10.08.2023 Oxirgi muddat
Umumiy maʻlumotlar
Climate Science tashkiloti dunyo boʻylab iqlim fanlariga qiziquvchi barcha yoshlar uchun Climate Science Olympiad 2023 tanlovini taqdim etadi. Ushbu olimpiadada Climate Science sohasi boʻyicha bilimga ega 25 yoshgacha boʻlgan barcha ishtirokchilar yakka tartibda yoki 2 kishidan iborat jamoa tarzida ishtirok etishi mumkin.
Olimpiada 3 xil yosh kategoriyasida oʻtkaziladi:
- 16 yoshgacha boʻlganlar;
- 17-19 yoshdagilar;
- 20-25 yoshdagilar.
Lekin yoshidan qatʼi nazar barcha ishtirokchilar bir xil saralash bosqichida raqobatlashadilar.
Olimpiada onlayn tarzda ingliz tilida boʻlib oʻtadi. Gʻoliblar pul mukofoti bilan taqdirlanadi. Umumiy mukofot jamgʻarmasi – $15,000.
Maqbullik shartlari
Tanlovda ishtirok etish uchun talablar:
- Tanlovda 25 yoshgacha barcha davlat fuqarosi qatnasha oladi;
- Yakka tartibda yoki 2 kishilik jamoa sifatida ishtirok etish mumkin;
- Ingliz tilini yaxshi bilishi lozim. Sertifikat talab etilmaydi;
- Iqlim fanlari (Climate Science) yoʻnalishiga katta qiziqishga ega boʻlishi kerak;
- Ushbu tashkilot aʼzolari, xodimlar va ularning yaqinlari olimpiadada ishtirok eta olmaydilar.
- Qatnashchilkar ushbu tillardan birini bilishi kerak: ingliz tili, ispan, fransuz, portugal, yapon, xitoy, rus, italyan, nemis, polyak, golland, rumin.
Tanlov shartlari bilan batafsil ushbu havola orqali tanishish mumkin.
Foydali tomonlari
Tanlov gʻoliblari quyidagicha taqdirlanadi:
- 1-oʻrin uchun – $5,000;
- 2-oʻrin uchun – $3,000;
- 3-oʻrin uchun – $2,000;
- 4-7-oʻrinlar uchun – har biriga $1000;
- 8-10-oʻrinlar uchun – har biriga $500;
- Har bir final ishtirokchilari bronza medal bilan taqdirlanadi;
- Eng yaxshi 20 nafar ishtirokchi kumush medal bilan taqdirlanadi;
- Eng yaxshi 10 nafar ishtirokchi oltin medal bilan taqdirlanadi.
Bundan tashqari, eng yaxshi 3 ta jamoa Dubayda bo'ladigan BMTning Iqlim boʻyicha oʻtkaziladigan 2023-yilgi sammitida oʻz yechimlarini taqdim etish imkoniyatiga ega boʻlishi mumkin.
Tanlov mukofotlari bilan batafsil ushbu havola orqali tanishish mumkin.
Qoʻshimcha maʻlumotlar
- Tanlovda ishtirok etish mutlaqo bepul;
- Tanlov maktablarda ham tashkillanishi mumkin;
- Olimpiadada pul mukofotiga ega boʻlgan jamoalar sovrinni barcha jamoa aʼzolari oʻrtasida teng taqsimlaydilar. Climate Science Ltd barcha aʼzolarga teng ulushlarni beradi va buning uchun barcha aʼzolarning bank maʼlumotlarini talab qiladi. Olimpiada yakunlangandan va gʻoliblar aniqlangandan keyin mukofot pullari 30 kun ichida tashlab beriladi;
- Qoʻshimcha savol va murojaatlar uchun: olympiad@climatescience.org