3-4-kurs bakalavr/magistratura talabalari va bitiruvchilarga Indoneziyada amaliyot qilish imkoniyati — CSIS Internship program

Jakartadagi Strategik va xalqaro tadqiqotlar markazi(SXTM) bakalavriat/magistratura talabalari va yangi bitiruvchilari uchun amaliyot dasturlariga qabul qilmoqda.

SXTM mustaqil, notijorat tashkilot boʻlib, mamlakatlardagi ichki va xalqaro muammolar boʻyicha siyosatga yoʻnaltirilgan tadqiqotlarga eʼtibor qaratadi.

Dasturda aynan bir hujjat topshirish muddati yoʻq, lekin dasturda uch mavsum mavjud boʻlib, shu mavsum boshlanishidan kamida bir oy oldin ariza topshirish lozim. 

Tashkilotning amaliyot dasturlari quyidagicha:

1. Ilmiy tadqiqotlar boʻyicha amaliyot dasturi;
2. Axborotlarni boshqarish boʻyicha amaliyot dasturi.

Dastur talabalarga Indoneziya bilan bogʻliq masalalar boʻyicha ishlash va tadqiqot oʻtkazish imkoniyatini taqdim etishga qaratilgan. Amaliyot muddati 10-16 haftani tashkil etadi. Dastur Indoneziyaning Jakarta shahrida tashkil etiladi, va masofaviy ishtirok etish imkoniyati ham mavjud.

Dastur haqida batafsil rasmiy sayt orqali maʼlumot olish mumkin.

Ilmiy amaliyot talablari quyidagilardan iborat:

• Iqtisodiyot/siyosat/xalqaro munosabatlar boʻyicha 3-4-kurs bakalavr talabasi, magistratura talabasi yoki yangi bitiruvchilar hujjat topshirishi mumkin;
• Nomzodlarning xalqaro, mintaqaviy (Sharqiy Osiyo, Osiyo Tinch okeani yoki ASEAN) va Indoneziyaning ichki muammolarini oʻrganishga qiziqishi boʻlishi lozim;
• Miqdoriy va/yoki sifat metodologiyalari va tadqiqot usullari boʻyicha tajribaga ega bo'lish kerak;
• Kuchli tahliliy yozish, muloqot va jamoada ishlash qobiliyatlariga ega boʻlishi lozim.

Axborot boshqarish amaliyoti talablari:

• Aloqa, vizual aloqa dizayni, informatika, kutubxonashunoslik, iqtisod, xalqaro munosabatlar, ijtimoiy-siyosiy fanlar yoki boshqa tegishli sohalar boʻyicha 3-4-kurs bakalavriat talabasi yoki yangi bitiruvchilari hujjat topshirishi mumkin;
• Nomzodlar quyidagi koʻnikmalarning bir yoki bir nechtasi boʻyicha bilim va tajribaga ega boʻlishi lozim:
  • Ijtimoiy tarmoqlarni boshqarish;
  • Grafika dizayni;
  • IT va kompyuter tarmoqlari;
  • Raqamli kutubxonani boshqarish va arxivlash;
  • Fotografiya;
  • Video tahrirlash;
  • Ijtimoiy fanlar sohasida tadqiqot;
  • Statistika va axborot vizualizatsiyasi. 
• Yuqori darajadagi ingliz tilini bilish juda muhim.

Amaliyot dasturi taqdim etadigan imkoniyatlar quyidagicha:

• Tadbirlarda ishtirok etish (masalan, milliy/xalqaro konferensiya, seminar va munozaralar) va kutubxonaga kirish imkoniyati;
• Tashqi va Indoneziyaning ichki siyosatida tadqiqot tajribasiga ega boʻlish;
• Tadqiqotchilar bilan ishlash va hamkorlik qilish imkoniyati;
• Mintaqadagi soha mutaxassislari jamiyatiga kirish;
• Tadqiqot jurnallarida chop etish imkoniyati.

Amaliyot dasturiga onlayn ariza formasi orqali hujjat topshiriladi. Arizada nomzoddan CV, yaqinda olingan fotosurat va motivatsion xat yozish soʻraladi.

Dasturda aynan bir hujjat topshirish muddati yoʻq, lekin dasturda uch mavsum mavjud boʻlib, shu mavsum boshlanishidan kamida bir oy oldin ariza topshirish lozim. Dastur mavsumlari quyidagicha:

• Kuz (sentyabr-dekabr);
• Bahor (yanvar-aprel);
• Yoz (may-avgust).

Onlayn ariza formasi uchun havolalar:

• Ilmiy tadqiqotlar boʻyicha amaliyot dasturi;
• Axborotlarni boshqarish boʻyicha amaliyot dasturi.

Tanlangan nomzodlarga ish hajmi, lavozim tavsifi hamda boshqa tegishli vazifalar toʻgʻrisida tegishli boʻlim boshligʻi tomonidan xabar qilinadi. Agar nomzodga hech qanday xabar berilmasa, qabul qilinmagan hisoblanadi.

Qoʻshimcha savol va murojaatlar uchun: csis@csis.or.id.