30 yoshgacha boʻlgan yosh mutaxassislar uchun YXHT Bishkekdagi Akademiyasi tomonidan Issiqkoʻlda bir haftalik bepul trening dasturi — Model OSCE Workshop
-
15/06/2022 Qabul boshlanishi
-
Qisman Moliyalash turi
-
Qirgʻiziston Davlat
-
03.07.2022 Oxirgi muddat
Umumiy maʻlumotlar
Model OSCE workshop — interaktiv va simulyatsiya mashgʻulotlaridan iborat boʻlgan 6 kunlik dastur yosh mutaxassislarga YXHT qanday ishlashi haqida maʼlumot berishni maqsad qilgan.
YXHT Modeli YXHTning Bishkekdagi Dasturlar byurosi tomonidan 2022-yilning 18-23-iyul kunlari Qirgʻiziston, Issiqkoʻlda tashkil etiladi. Dasturning asosiy maqsadi boʻlajak yetakchilar va faollarga koʻp tomonlama institut qanday ishlashi haqida tushuncha berishdan iborat.
Dastur doirasida simulyatsiya mashqlari oʻtkaziladi. Bundan tashqari, ishtirokchilar xalqaro va mahalliy ekspertlar tomonidan olib boriladigan muzokaralar va diplomatiya boʻyicha bir qator brifinglar, mashgʻulotlar va interaktiv sessiyalarda ishtirok etadilar hamda YXHTning Bishkekdagi Dasturlar byurosi xodimlari bilan uchrashish imkoniga ega boʻladilar.
Dastur haqida batafsil rasmiy eʼlon orqali maʼlumot olish mumkin.
Maqbullik shartlari
Ishtirok etish talablari:
- Nomzod 30 yoshdan oshmagan boʻlishi kerak;
- YXHT(OSCE)ga aʼzo davlat fuqaroligiga ega boʻlishi lozim (Oʻzbekiston ham kiradi);
- Nomzod Qirgʻizistonga kelish va dastur davomida u yerda qolish imkoniyatiga ega boʻlishi kerak. Xalqaro sayohat xarajatlari tashkilotchilar tomonidan qoplanmaydi;
- Ingliz tilini mukammal bilish talab etiladi;
- Aspirantlar (magistrlar, PhD nomzodlari) va tegishli ilmiy va/yoki kasbiy maʼlumotga ega yosh mutaxassislarga ustunlik beriladi.
Foydali tomonlari
- Ishtirokchining Qirgʻizistongacha boʻlgan xalqaro sayohat xarajatlaridan tashqari barcha xarajatlar tashkilotchilar tomonidan qoplanadi;
- xalqaro va mahalliy ekspertlar tomonidan olib boriladigan muzokaralar va diplomatiya boʻyicha bir qator brifinglar, mashgʻulotlar va interaktiv sessiyalarda ishtirok etadilar.
Dastur haqida batafsil rasmiy eʼlon orqali maʼlumot olish mumkin.
Qoʻshimcha maʻlumotlar
Qabul qilingan nomzodlar 2022-yil 6-iyulgacha eʼlon qilinadi.
Savol va murojaatlar uchun: youth-poib@osce.org.