35 yoshgacha boʻlgan yoshlar harakatlarini moliyalashtirishga qaratilgan tanlov — YCJF 2026

Butun dunyo boʻylab iqlim inqiroziga qarshi kurashishda yechim va loyihalarga ega yoshlar yetakchiligidagi jamoalarni moliyalashtirishga qaratilgan maxsus tanlov — YCJF (Youth Climate Justice Fund) taqdim etiladi.

Dasturdan asosiy maqsad yoshlar boshchiligidagi yangi shakllanayotgan ijtimoiy-ekologik guruhlarga moliyaviy yordam taqdim etib, faoliyatini qoʻllab-quvvatlashdan iborat.

Jamoalar yoki guruhlar tarmogʻi quyidagi mintaqalarda joylashgan boʻlishi kerak:

• Sharqiy Osiyo va Tinch okeani;
• Yaqin Sharq va Shimoliy Afrika;
• Sub-Sahroi Afrika;
• Lotin Amerikasi va Karib havzasi;
• Janubiy Osiyo;
• Yevropa va Markaziy Osiyo;
• Shimoliy Amerika.

Harakatlarning rasmiy yoki qonuniy roʻyxatdan oʻtgan boʻlishi va tajribasi ahamiyatga ega emas. Saralashdan asosan dasturning tamoyil va qadriyatlariga mos kelishi inobatga olinadi. Har tomonlama mos deb topilgan mahalliy guruhlar uchun 20,000 AQSh dollarigacha, milliy darajadagi guruhlar uchun 40,000 AQSh dollarigacha moliyaviy yordam berish rejalashtirilgan.

Dastur haqida batafsil ushbu havola orqali maʼlumot olish mumkin.

• Dasturda yoshlar boshchiligidagi, iqlim oʻzgarishiga qarshi jamoaviy harakatni ilgari surayotgan har qanday tashkilot, guruh yoki jamoa qatnashishi mumkin;
• Jamoalar 35 yoshgacha boʻlgan yoshlar tomonidan boshqarilishi va jamoadagi qaror qabul qilish vakolatiga ega shaxslar 35 yoshgacha boʻlishi kerak;
• Agar nomzodning faoliyati maʼlum bir jamoa yoki iqlim sohasiga oid guruhning bir qismi boʻlsa yoki uni qoʻllab-quvvatlasa individual tarzda ham arizalar qabul qilinadi;
• Yuqori daromadli mamlakatlardan ariza beruvchilar moliyalashtirishga loyiq boʻlishi uchun yetarlicha vakili boʻlmagan (underrepresented) jamoalarga mansub boʻlishi lozim;
• Jamoalar partiyaviy boʻlmasligi, zoʻravonlikka asoslanmasligi hamda qonuniy boʻlishi shart;
• Taklif etilayotgan loyihalar jamoa kuchi, tenglik va adolatni mustahkamlovchi yechimlarga ega boʻlishi kerak.

Eslatma: Yangi tashkil etilgan yoki bir necha yillik tajribaga ega jamoalar birday ariza topshirishi mumkin.

Faqat xalqaro faoliyatga qaratilgan va jamoaga asoslangan ish olib bormaydigan guruhlar ariza topshira olmaydi.

• Mahalliy guruhlar uchun 20,000 AQSh dollarigacha, milliy darajadagi guruhlar uchun 40,000 AQSh dollarigacha pul ajratiladi.

Dasturga qiziqqanlar ushbu havola orqali shaxsiy hisob yaratib ariza topshirishlari mumkin.

Ariza topshirish uchun 30-60 minut vaqt ketadi.

Hujjat topshirishda quyidagilar soʻraladi:

• Maqbullik talablariga mosligini tekshiruvchi savollar;
• Jamoa turi;
• Jamoada qaror qabul qiluvchilarning yosh oraligʻi;
• Jamoa faoliyatining siyosatga aloqasi;
• Guruh faoliyatining adolatliligi, tenglikka asoslanganligi va iqlim oʻzgarishlariga yechim topishga qaratilganligi;
• Guruhning yillik byudjeti haqida maʼlumotlar;
• Guruh/Loyihaning tavsifi va unga doir maʼlumotlar;
• Moliyaviy yordamni qanday ishlatishi haqida.

Muhim: Arizalar arab, ingliz, fransuz, hind, portugal, ispan va suaxili tillarida topshirilishi mumkin.

Arizalarni saqlab qoʻyib keyinroq davom ettirish imkoniyati ham beriladi.

Ariza topshirish haqida batafsil bu yerda.

• Dasturga hujjat topshirish uchun oxirgi muddat: 2-mart 2026-yil (04:59);
• Email: hello@ycjf.org;
• Takroran soʻraladigan savollarga javob bu yerda.

Dastur quyidagi bosqichlarda iborat:

1. Ariza topshirish;
2. Dastlabki saralashda jamoalar dasturning asosiy maqsadlari, qadriyatlari va tamoyillariga mos kelishi tekshiriladi;
3. Maxsus qoʻmita tomonidan takliflarni mintaqaviy ustuvorliklarga muvofiq koʻrib chiqiladi;
4. Yakuniy qarorlar ikkala qoʻmita (Grants Committee, Regional Committee) tomonidan birgalikda qabul qilinadi;
5. Tanlangan guruhlar bilan bogʻlaniladi va ularga grant mablagʻini olishda yordam beriladi;
6. Grantlar gʻolib jamoalarga topshiriladi;
7. Guruhlar YCJF qabul uchrashuviga taklif qilinadi va u yerda ular bilan birgalikda salohiyatni oshirish resurslarini ishlab chiqish ishlari olib boriladi.