5-11-sinf oʻquvchilari uchun umumiy mukofot jamg'armasi $10000 bo'lgan dasturlash boʻyicha xalqaro onlayn olimpiada

Birlashgan Millatlar Tashkiloti Taraqqiyot Dasturining (UNDP) Qirgʻizistondagi akselerator laboratoriyasi tomonidan 5-12-sinf oʻquvchilari uchun xalqaro onlayn olimpiadada ishtirok etish imkoniyati.

Olimpiada 19-fevral kuni Balatech — Logo tilida dasturlashni oʻrganish uchun onlayn oʻyin platformasida boʻlib oʻtadi. Olimpiadada ishtirok etish uchun Balatech sayti orqali registratsiyadan oʻtiladi.

5-11-sinf oʻquvchilari 3 guruhga boʻlinadilar:

1-guruh: 5-7-sinf oʻquvchilari;

2-guruh: 8-9-sinf oʻquvchilari;

3-guruh: 10-11-12-sinf oʻquvchilari.

Olimpiada haqida ushbu videodan batafsil maʼlumotga ega boʻlish mumkin.

• 5-11-sinf oʻquvchisi boʻlgan barcha davlat fuqarolari qatnashishlari mumkin;
• Ishtirokchilardan dasturlash yoki aniq fanlar boʻyicha maxsus bilimlar talab etilmaydi, shu sohaga qiziqishi boʻlgan barcha ishtirok etishi mumkin;
• Tanlovda qatnashish uchun ishtirokchilar 3G/4G/5G internetga ulanish imkoniyati boʻlgan smartfonga ega boʻlishlari kerak.

• Tanlovning umumiy sovrin jamgʻarmasi 10 ming dollarni tashkil etadi va jami 189 ta oʻrin belgilangan;
• Shundan 9 tasi oltin, 30 tasi kumush, 150 tasi bronza medal bilan taqdirlanadi va har bir medal turiga qarab imkoniyatlar belgilanadi.

Medal turiga qarab quyidagi imkoniyatlar belgilangan:

• Oltin medal gʻoliblariga noutbuklar, smartfonlar, Buyuk Britaniya, Germaniya, Italiya va Malayziyaning yetakchi universitetlarida oʻqishga chegirmalar beriladi;
• Kumush medal gʻoliblariga taʼlim kurslariga bir yillik obuna, Italiya universitetlariga kirish uchun test sinovlari;
• Bronza medal gʻoliblariga dasturlash kurslariga chegirmalar beriladi.

• 18-fevralgacha Balatech sayti orqali registratsiyadan oʻtiladi;
• Registratsiyadan qanday oʻtish haqida ushbu video orqali batafsil bilib olish mumkin;
• Registratsiyadan oʻtgandan soʻng, “Story game” boʻlimi orqali Olimpiadaga tayyorgarlik koʻrish mumkin.

Timeline (Olimpiada oʻtkazilish tartibi):

• 12:00 — Olimpiadaning ochilishi;
• 12:30 — Musobaqa boshlanishi;
• 14:00 — Natijalarni eʼlon qilish;
• 14:30 — Olimpiadaning yopilishi.

Olimpiada UTC+6 vaqti bilan oʻtkaziladi, bu esa quyidagi shaharlardagi boshqa vaqtlarga toʻgʻri keladi. Vaqtlardagi farqlar:

• 12:00 — Olmaota-Bishkek;
• 11:00 — Dushanbe, Toshkent;
• 10:00 — Boku, Yerevan;
• 9:00 — Moskva, Minsk;
• 8:00 — Kishinyov, Kiev.

• O‘tgan yilda bo‘lib o‘tgan olimpiada haqida bu yerda batafsil bilib olish mumkin;
• Qo‘shimcha savollar uchun tech.balatech@gmail.com ushbu email manzilga murojaat qilish mumkin.