Jurnalistlar uchun xalqaro amaliyot dasturi — McGraw. Mukofot miqdori — $15,000
-
01/03/2024 Qabul boshlanishi
-
Mukofot Moliyalash turi
-
AQSh Davlat
-
31.03.2024 Oxirgi muddat
Umumiy maʻlumotlar
The Harold W. McGraw, Jr. Center for Business Journalism markazi tomonidan iqtisod, moliya yoki biznes jurnalistikasi sohasida ishlaydigan va ularga bag'ishlangan hikoyalarni, matnlarni yaratuvchi tajribali jurnalistlarga $15000 dollari miqdoridagi tadqiqot grantini eʼlon qiladi.
Nomzodlar ariza yuborish uchun, albatta biznes muxbiri boʻlishlari shart emas. Dastur oldingi yillarda umumiy mavzularda ijod qiladigan, shuningdek, sogʻliqni saqlash, taʼlim yoki atrof-muhit kabi yoʻnalishlarda hikoya yaratuvchi jurnalistlarni ham qabul qilgan. Grantni yutishda eng asosiysi — tadqiqot qilinayotgan mavzuning qanchalik dolzarbligi va qanday yoritib berilishi. Irqi va millatidan qatʼi nazar barcha jurnalistlar ariza yuborishlari mumkin.
Jurnalistlar ishlarini barcha turdagi ommaviy axborot vositalari — matn, audio va qisqa videolar holida yuborishlari mumkin va keyinchalik ushbu ishlardan foydalanib yaxlit obraz yaratiladi. Tadqiqotlar va hikoyalar muhim mahalliy yoki mintaqaviy mavzularga yoʻnaltirilgan, shuningdek, milliy yoki xalqaro ahamiyatga ega boʻlgan voqealarni, muammolarni ochib beradigan loyihalar boʻlsa, yanada qoʻllab-quvvatlanadi.
Bahorgi mavsum uchun ariza topshirishning soʻngi kuni 31-mart, 2024-yil.
Batafsil maʼlumotlarni ushbu havola orqali olish mumkin.
Maqbullik shartlari
- Irqi, jinsi va millatidan qatʼi nazar butun dunyodan barcha jurnalistlar ariza yuborishlari mumkin;
- Dasturga, asosan, biznes jurnalistikasi sohasi boʻyicha 5 yillik professional tajribaga ega jurnalistlar qabul qilinadi;
- Shuningdek, hozirda frilans jurnalist sifatida faoliyat olib borayotgan, axborot tashkilotlarda yoki notijorat axborot tashkilotlarda ishlayotgan muxbirlar va muharrirlar ham ariza topshirishlari mumkin;
- Dastur, faqat professional va tajribali mutaxassislarni qabul qilganligi sababli talabalar ariza topshira olmaydilar.
Foydali tomonlari
- Ishtirokchilarga hikoyalarini chop etish, sayohat va tadqiqot xarajatlarini qoplash uchun $15,000 gacha stipendiya beriladi.
Eslatma:
- Har bir ishtirokchi oladigan aniq miqdor loyihani yakunlash uchun ketadigan vaqtga va zarur xarajatlarga qarab belgilanadi;
- Frilans jurnalistlar stipendiyalarining bir qismini loyiha ustida ishlash vaqtida yashash xarajatlarini qoplash uchun ishlatishlari mumkin;
- Nashriyotlarda ishlaydiganlar uchun mablagʻning bir qismi ishlayotgan nashriyotida shu nomzodning oʻrniga vaqtinchalik ishlab tura oladigan odam uchun ajratilishi mumkin.
Qoʻshimcha maʻlumotlar
Qoʻshimcha savollar yuzasidan mcgrawcenter@journalism.cuny.edu murojaat qilish mumkin.