5 yoshdan 16 yoshgacha bo'lgan yosh rassomlar uchun xalqaro rasmlar tanlovi - Peace Pals International Art Contest

Dunyoda tinchlikni targʻib qiluvchi Peace Pals International dasturi Unity Earth bilan hamkorlikda 5 yoshdan 16 yoshgacha boʻlgan yosh rassomlar uchun “Peace Pals International Art Contest — 2025” tanlovini taqdim etadi. Ishtirokchilar “Freedom” (Erkinlik) mavzusida oʻz asarlarini yaratishlari lozim. Bu mavzu yoshlar uchun erkinlik nimani anglatishini aniqlash uchun tanlangan. Mavzu quyidagi yoʻnalishlarni oʻz ichiga olishi mumkin:

• ERKINLIK oʻzing xohlagan mevani tanlab yeyish boʻlishi mumkinmi — masalan, apelsinmi yoki shaftoli?
• ERKINLIK oʻzing xohlagan kiyimni tanlash huquqimi?
• ERKINLIK istagan joyga bemalol borib kelish boʻlishi mumkinmi?
• ERKINLIK eng yaqin doʻstingni oʻzing tanlay olishmi?
• ERKINLIK fikringni erkin ayta olish huquqi boʻladimi?

Unity Earth — bu yerda birlik va tinchlikni amalga oshirishni maqsad qilgan global tarmoq hisoblanadi. Global miqyosdagi muammolarni global oʻlchamdagi yechimlar bilan hal qilish istagidan kelib chiqqan holda, ushbu tarmoq tinchlikparvar tashkilotlar va shaxslarning taʼsirini yanada kuchaytirish uchun tashkil qilingan.

Tanlov haqida batafsil ushbu havola orqali maʼlumot olish mumkin.

• 5 yoshdan 16 yoshgacha bo'lgan barcha yoshlar tanlovda ishtirok etishi mumkin. To'rt yosh toifasi bo'yicha ishlar qabul qilinadi:
  • Birinchi yosh toifasi: 5-7 yosh;
  • Ikkinchi yosh toifasi: 8-10 yosh;
  • Uchinchi yosh toifasi: 11-13 yosh;
  • To'rtinchi yosh toifasi: 14-16 yosh;
• Nomzodlar ijodiy ishlarni o'zlari yaratishlari kerak.

Ijodiy ishga qo'yilgan talablar:

• Ijodiy ish gorizontal tomondan 17,7 sm, vertikal tomondan 12,7 sm bo'lishi lozim;
• Ishlar asl nusxada taqdim etilishi va qo'lda qog'ozga chizilgan yoki bo'yalgan bo'lishi kerak. Agar ijodiy ish oldingi yuborilgan ishlardan yoki boshqa tanlovlardan ko'chirilgan bo'lsa, ishtirokchi tanlovdan chetlashtiriladi;
• Kompyuterda yaratilgan ishlar qabul qilmaydi;
• Taqdim etilgan ish "Freedom" (Erkinlik) mavzusiga mos kelishi hamda "May Peace Prevail On Earth" (Yer yuzida tinchlik hukmron bo'lsin) shiori orqali butun dunyoni tinchlikka chaqirishi kerak.

Muhim: Taqdim etilgan ishlar ilgari nashr etilmagan bo'lishi lozim. Agar ijodiy ishlar berilgan mavzuni yoritib bermasa va nomzoddan boshqa har qanday shaxs tomonidan yaratilgan bo'lsa, ular tanlovdan chetlashtiriladi. 

• Taqdim qilinadigan mukofotlar:
  • Birinchi o'rin g'oliblari — 6 futli (182,88 sm) oq rangli tinchlik ustuni (statuetka);
  • Ikkinchi o'rin g'oliblari — 17 dyumli (43,18 sm) tinchlik ustuni (ish stoli uchun) yoki shunga teng qiymatdagi boshqa mukofot;
  • Uchinchi o'rin g'oliblari — 8 dyumli (20,32 sm) tinchlik ustuni (ish stoli uchun) yoki shunga teng qiymatdagi boshqa mukofot.
• Finalchilarga sertifikatlar va xatlar yuklab olish va chop etish qulay bo'lishi uchun onlayn papka ko'rinishida taqdim etiladi.

• Hujjat topshirish quyidagi bosqichlarda amalga oshiriladi:
  • Ishtirok etish istagida bo'lganlar avvalo ushbu havola orqali ro'yxatdan o'tadilar;
  • Ro'yxatdan o'tgandan so'ng nomzodlarga ijodiy ishni yuklash uchun shaxsiy boshqaruv paneliga havola yuboriladi. Bu paneldan foydalanish tartibi bilan ushbu havola orqali tanishib chiqish mumkin; 
  • Barcha ishlari yuqori aniqlikda (300 DPI) skanerdan o'tkazilishi hamda qoida va ko'rsatmalarga amal qilgan holda JPG formatida saqlanishi lozim.
• Ijodiy ishlar yuklanganidan so'ng ishtirokchilar tanlovda qatnashganlik haqida sertifikatni yuklab olishlari mumkin. Buning uchun boshqaruv paneliga qayta kiriladi va tayyor sertifikat yuklab olinadi.
• Agar ijodiy ishlarni onlayn yuklashni iloji bo'lmasa, ularni pochta orqali yuborish mumkin.  Faqat unda ro'yxatdan o'tish raqamini ko'rsatish kerak. Chunki ro'yxatdan o'tmagan ishlar inobatga olinmaydi.

Eslatma: Bir nomzod faqat bir marta ariza topshirishi mumkin.

• G'oliblar 2025-yil 22-noyabrda e'lon qilinadi;
• Oxirgi muddat: 31-avgust, 2025-yil;
• Email: peacepals@worldpeace.org 
• Tel: (845) 877-6093.