Akfa universitetining taʼlim maktabi tomonidan respublika boʻylab ESL—ingliz tili ustozlari uchun bepul malaka oshirish dasturi

Oʻzbekistonda chet tillarini oʻqitish va oʻrgatishni rivojlantirish maqsadida AUning taʼlim maktabi butun mamlakat boʻylab tanlangan ESL oʻqituvchilari/instruktorlari uchun bepul oʻqituvchilar tayyorlash dasturini taklif qiladi.

Dasturga 60 nafar ingliz tilida oʻqituvchilari qabul qilinadi.

Ishtirokchilarga qulaylik yaratish maqsadida bir haftalik (Dushanba-Juma kunlari) yozgi intensiv dasturi tashkil etiladi. Dastur ishtirokchilari oʻz pedagogik mahoratlarini oshirish va uni yangi bosqichga olib chiqish imkoniyatiga ega boʻlishadi.

“Ingliz tilini ikkinchi til sifatida oʻqitish” yoʻnalishi boʻyicha xalqaro magistr darajasiga ega professorlar tanlab olingan oʻqituvchilarning talablari asosida oʻqitish, sinfni boshqarish, baholash va ingliz tilini oʻqitishning boshqa koʻplab noyob jihatlari boʻyicha oʻz tajribalari bilan oʻrtoqlashadilar. Dastur yakunida barcha ishtirokchilarga sertifikat taqdim etiladi.

Dastur haqida batafsil ushbu havola orqali tanishish mumkin.

Dasturda qatnashish uchun nomzodlardan quyidagilar talab qilinadi:

• Nomzodlar kamida bakalavr darajasini tamomlagan boʻlishi lozim;
• Ishtirok etish uchun qatnashchilar umumiy oʻrta taʼlim maktablarida ishlayotgan boʻlishi kerak.

Dastur maqbullik shartlari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imkoniyatlarga ega boʻladilar:

• Dasturda qatnashish mutlaqo bepul;
• Nomzodlar professional, tajribali va bilimdon oʻqituvchilardan dars olish imkoniyatiga ega boʻladi;
• Intensiv, maxsus ishlab chiqilgan interaktiv dasturlarda qatnasha oladi;
• Ishtirokchilarga sertifikat taqdim etiladi;
• Bepul turar joy bilan taʼminlanadi.

Dastur imtiyozli jihatlari haqida batafsil ushbu havola orqali tanishish mumkin.

Dasturga ariza topshirish uchun ushbu havola orqali ariza shakli toʻldiriladi.

Dasturga qabul qilingan nomzodlar roʻyxati 15-iyundan 15-iyulgacha eʼlon qilinadi.

Dastur Toshkentning Akfa Universitetida boʻlib oʻtadi.