0
AMA+ Scholarship — Koreya milliy sanʼat oliygohida bakalavr va magistraturada oʻqish uchun xarajatlari toʻliq qoplanuvchi grant dasturi

AMA+ Scholarship — Koreya milliy sanʼat oliygohida bakalavr va magistraturada oʻqish uchun xarajatlari toʻliq qoplanuvchi grant dasturi

  • 21/03/2024 Qabul boshlanishi
  • Toʻliq Moliyalash turi
  • Koreya Davlat
  • 31.03.2024 Oxirgi muddat

Mundarija

GrantGO

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Oliy ma'lumotli (bakalavr)
  • Dastur tili
    Ingliz tili, Koreys tili
  • Yosh chegarasi
    40 yoshgacha

Sohalar

Doʻstlar bilan ulashing

Umumiy maʻlumotlar

Art Major Asian plus (AMA+) grant dasturi — bu Koreya Respublikasi Madaniyat, sport va turizm vazirligining Official Development Assistance(ODA) loyihasi hisoblanadi. Dastur rivojlanayotgan mamlakatlarning ijodiy iqtidorga ega boʻlgan talabalarining ilgʻor akademik salohiyati va qobiliyatlarini qoʻllab-quvvatlash maqsadida yoʻlga qoʻyilgan.

Grant dasturi doirasida nomzodlar Korea National University of Arts oliygohida oʻqish uchun toʻliq grant yutib olish imkoniyatiga ega boʻladi. Shuningdek, aviachipta, yashash xarajatlari qoplanadi va koreys tili trening kurslarida ishtirok etishlari mumkin.

Ushbu AMA+ grant dasturi orqali 2005-yildan buyon dunyoning 32 mamlakatidan 325 nafar talaba tahsil oldi va ularning koʻpchiligi sanʼat va madaniyat hamda oliy sanʼat taʼlimi sohalarida mahalliy yoki xalqaro miqyosda faoliyat yuritib kelmoqda.

Rasmiy sayt orqali dastur haqida batafsil maʼlumot olish mumkin.

Maqbullik shartlari

Dastur talablari:

  • OECD DAC roʻyxatiga kiritilgan rivojlanayotgan davlatlar fuqarolari ishtirok etishi mumkin (Oʻzbekiston ham roʻyxatga kiritilgan);
  • Nomzodlar bakalavr dasturi uchun 12 yillik oʻrta taʼlimga ega boʻlishi kerak; 12 yildan kamroq boshlangʻich va oʻrta maktab taʼlimiga ega boʻlgan mamlakat talabalari, agar ular Koreya Taʼlim vazirligi tomonidan oʻrta maktab bitiruvchilari bilan teng deb tan olingan taʼlim dasturini tamomlagan boʻlsalar, munosib deb hisoblanadilar.
  • Magistratura dasturi uchun bakalavr darajasiga ega boʻlishi kerak; 2025-yil 28-fevralgacha oʼqishni tamomlaydigan bakalavriat talabalari ham topshirishi mumkin;
  • Nomzodlar topshirgan yoʻnalishida talab etilgan Koreys tili darajasiga ega boʻlishi lozim.
    • Yaroqli TOPIK balliga ega boʻlmasa, uning ekvivalenti, masalan, King Sejong instituti tomonidan berilgan kursni tamomlaganlik sertifikati yoki Koreya universitetlari tomonidan boshqariladigan koreys tili institutining 2 yil ichida berilgan sertifikati ham inobatga olinadi.
  • Nomzodlar oʻzlari tanlagan yoʻnalish/fakultet oʻquv talablariga mos kelishini tekshirish uchun portfellarini topshirishi lozim.

Barcha yoʻnalish talablari, til bilish va portfel topshirish uchun qoʻyilgan talablar bilan ushbu hujjat orqali tanishib chiqish mumkin.

Foydali tomonlari

Dastur xarajatlari toʻliq qoplanadi:

  • Koreyaga borish va qaytish uchun ekonom klass aviachiptalari;
  • Oylik stipendiya: 800,000 KRW ($600);
  • Koreys tilini oʻrgatish: dastur boshlanishidan avval 6 oylik intensiv til treningi;
  • Taʼlim toʻlovlari toʻliq qoplanadi (faqat oddiy semestrlarda);
  • Tibbiy sugʻurta xarajatlari qoplanadi;
  • Kоʼchib joylashish uchun bir martalik mablagʻ: 200,000 KRW ($150).

Hujjat topshirish

Rasmiy saytda onlayn ariza topshirish portali 21-martdan boshlab ochiladi va 31-martga qadar qabul davom etadi.

Kerakli hujjatlar:

  • Toʻldirilgan ariza;
  • Shaxsiy bayonot(personal statement);
  • Oʻquv rejasi;
  • Shaxsiy tibbiy baholash;
  • 3 ta tavsiya xati:
    • Soʻnggi 6 oy ichida imzolangan tavsiyanomalar qabul qilinadi. Davlat idoralari, xususan Rivojlanish boʻyicha rasmiy yordam agentliklari (ODA) va/yoki Koreya elchixonasi, davlat taʼlim/madaniy muassasa vakilining tavsiyalari qoʻshimcha qabul ballarini olishi mumkin.
  • Rozilik xati;
  • Rasmiy maktab attestati (boʻlajak bitiruv sertifikati) va/yoki universitet diplomi;
    • Tarjima qilingan va notarial tasdiqlangan va Koreya konsulligi tomonidan tasdiqlangan yoki apostillangan. 2-ilova — “Apostil sertifikatini topshirish boʻyicha qoʻllanma”.
  • Rasmiy oʻrta maktab/Universitet akademik transkripti(baholari):
    • Tarjima qilingan va notarial tasdiqlangan va Koreya konsulligi tomonidan tasdiqlangan yoki apostillangan. 2-ilova — “Apostil sertifikatini topshirish boʻyicha qoʻllanma”.
  • Pasport/ID nusxasi;
  • Tilni bilishni tasdiqlovchi hujjatning asl nusxasi
    • TOPIK yoki uning koreys tilidagi ekvivalenti;
    • TOEFL, IELTS, TEPS.
  • Portfel:
    • Har bir sahifa/ijodiy ishga muallifning ism-sharifi yozish soʻraladi.
  • Tegishli ish tajribasi, mukofot va/yoki boshqa yutuqlar toʻgʻrisidagi sertifikatlar (ixtiyoriy).

Eslatma: Qabul muddati qisqa boʻlganligi uchun kerakli hujjatlarni oldindan tayyorlash tavsiya etiladi!

Ushbu havola orqali hujjat topshirish uchun maxsus qoʻllanma bilan tanishib chiqish mumkin.

Rasmiy havola Hujjat topshirish

Qoʻshimcha maʻlumotlar

Barcha savol va murojaatlar uchun ama@karts.ac.kr.

Tez-tez beriladigan savollarga javoblarni ushbu havola orqali oʻqish mumkin.

Oʻxshash dasturlar

Magistr talabalari
Belgiyada magistratura bosqichini toʻliq moliyalashtirilgan holda oʻqish uchun Master Mind Scholarship granti
Bakalavr Magistr talabalari
Avstraliyadagi Macquarie universitetida bakalavriat va magistratura bosqichida o’qish uchun oʻzbekistonlik talabalar uchun maxsus grant
Magistr talabalari Doktorantura talabalari
Saudia Arabistonining King Abdulloh nomidagi fan va texnologiya universitetida magistratura va doktorantura bosqichida oʻqish uchun toʻliq moliyalashtiriladigan KAUST fellowship grant dasturi
Magistr talabalari Doktorantura talabalari
Global Korea Scholarship (GKS): Koreyada magistratura va doktorantura bosqichini toʻliq moliyalashtirilgan holda oʻqish uchun grant
Magistr talabalari
Angliyaning nufuzli Manchester universitetida magistratura bosqichini oʻqish uchun toʻliq grantlar
Koreya
AMA+ Scholarship — Koreya milliy sanʼat oliygohida bakalavr va magistraturada oʻqish uchun xarajatlari toʻliq qoplanuvchi grant dasturi
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar