Amerika elchixonasi tomonidan PR, marketing va SMM sohalarini rivojlantirish uchun Samarqandda barcha xarajatlari qoplanadigan 4 kunlik seminar

Amerika elchixonasi tomonidan 18-21-yanvar kunlari Samarqandda boʻlib oʻtadigan 4 kunlik barcha xarajatlari qoplanadigan #GoSkillz seminariga qabul davom etmoqda.

GoSkillz seminari netvorking, tovarlar va xizmatlarni onlayn reklama qilish uchun yangi koʻnikmalarni egallashga qaratilgan. Seminarda, asosan, biznes, media, texnologiya va madaniyat sohasida ishlayotgan/ishlashni maqsad qilgan, internetda oʻz xizmatlarini yoki mahsulotlarini promout (targʻib) qilishni istagan barcha yoshlar qatnashishlari mumkin.

Seminar davomida:

• netvorking;
• kontent yaratishning asosiy teoriyasi va amaliyoti;
• target (maqsadli) auditoriyani aniqlash, kontent rejasini tuzish va asosiy xabarlarni yozish;
• muhokama, jamoada ishlash, ekspertlarning fikr-mulohazalari va insaytlarini oʻrganish imkoniyati mavjud.

Seminarning birinchi yarmi timbilding va netvorking uchun ajratiladi, qolgan 2, 3, 4- kun davomida amaliy seminarlar orqali yangi media-kontent yaratish koʻnikmalarni rivojlantirish mumkin.

Seminarga 30 kishi qabul qilinadi va joylar soni cheklangan!

• Biznes, media, texnologiya va madaniyat sohasida ishlayotgan/ishlashni maqsad qilgan, internetda oʻz xizmatlarini yoki mahsulotlarini promout (targʻib) qilishni istagan barcha yoshlar qatnashishlari mumkin;
• Seminar davomida PR, marketing va SMM sohalarini yaxshiroq tushunishni, shuningdek, netvorking, inqirozli vaziyatlarda qanday kommunikatsiya qilishni oʻrganish imkoniyati mavjud.

• Samarqandda yashamaydigan ishtirokchilar uchun trening davomida yo`l va turar joy xarajatlari qoplanadi;
• Seminarning barcha kunlarida toʻliq qatnashgan va uy vazifalarini bajargan ishtirokchilarga sertifikat beriladi.

1. Ushbu link orqali ro‘yxatdan o‘tish mumkin.
2. Qabul qilingan ishtirokchilarga 10-yanvar kuni elektron pochta orqali xabar beriladi.

• Oʻrinlar soni cheklangani tufayli oldinda roʻyxatdan oʻtish soʻraladi. Maksimal sigʻim — 30 kishi;
• Butun mashgʻulot davomida niqob kiyish majburiy!