Amerika Elchixonasidan Ingliz tilini o’qitishni rivojlantiruvchi loyihalarni qo’llab quvvatlashga qaratilgan grant dasturlari. 15 ta loyiha $5000 dan $50,000 gacha grant bilan ta’minlanadi

AQSh Davlat departamenti AQSh elchixonasining Toshkentdagi jamoatchilik bilan aloqalar bo'limi (PAS) elchixonaning Ingliz Tili Kichik Grantlari Dasturini mamnuniyat bilan e'lon qiladi.

Ushbu grant mamlakatda ingliz tilini o'qitish sifatini yaxshilash; ingliz tilini o'qitishning innovatsion va interaktiv usullarini rag'batlantiruvchi asosiy omillarni aniqlash; ingliz tili o'qituvchilarining yangi avlodlarini tayyorlash; talabalarni ingliz tilini o'rganishda ustunlikka erishishini rag'batlantirish; va iqtisodiy o'sish va rivojlanishni qo'llab-quvvatlovchi ingliz tilidagi dasturlarni yaratishni qo'llab quvvatlaydi. Aniqrog'i, ushbu imkoniyat ingliz tili o'qituvchilarini ijodiy bo'lishga va talabalarining nafaqat ingliz tili qobiliyatini oshirishga, balki ularning tanqidiy fikrlash va qaror qabul qilish ko'nikmalarini rivojlantirishga, shuningdek, ularning salohiyatini namoyish etishga qodir markazlar / klublar / dasturlar yaratishga intiladi. Universitetlar va maktablarda ko'plab iqtidorli talabalar bor va sinfdan tashqari to'garaklarda yoki ingliz tilini o'rganish kabi dasturlarda qatnashish ular uchun foydali bo'lishi mumkin. Ushbu imkoniyat, o'z tengdoshlarini rag'batlantirish uchun g'oyalarni ishlab chiqadigan va amalga oshiradigan iste'dodli talabalarni topishga intiladi.

Loyiha maqsadi: O'zbekiston hukumatining ingliz tilidagi ta'lim islohotlari maqsadlarini qo'llab-quvvatlash uchun O'zbekistondagi ingliz tilini o'qitish va o'rganish sifatini oshirish

Loyiha auditoriyasi: Elchixona O'zbekistonning barcha mintaqalaridagi muassasalar va jismoniy shaxslardan hamda ayol va erkak murojaat etuvchilarning murojaatlarini rag'batlantiradi.

Hujjat topshiruvchi loyihalar quyidagi maqsadlardan biriga yoki bir nechtasiga erishishga qaratilgan bo'lishlari kerak:

1. Universitet ingliz tili o'qituvchilari ingliz tili darslarida zamonaviy interaktiv o'qitish usullaridan qanday foydalanishni o'rganishlari;

2. O'rta va oliy o'quv yurtlari talabalari ingliz tilida nutq, yozish, o'qish va tinglash qobiliyatlarini yaxshilashi;

3: O'rta va oliy o'quv yurtlari talabalari, ayniqsa qiz talabalar, o'qitish tili sifatida ingliz tili bilan mashg'ulotlarda qatnashib, innovatsion fikrlash, jamoat oldida so'zlash va tanqidiy fikrlash qobiliyatlarini yaxshilashi kerak.

Loyihalarga quyidagilar misol bo'lishi mumkin, lekin ular faqat bu bilan chegaralanmaydi:

• Suhbat guruhlari (Speaking clubs);
• Drama uchun ingliz tili;
• Debat klublari;
• Amerika adabiyoti yoki Amerika kino klubi kabi klublarni rivojlantirish
• Talabalar uchun ingliz tili lagerlari;
• O'qituvchilar uchun ingliz tilidagi treninglar yoki seminarlar;
• Ingliz tili va STEMni targ'ib qilish uchun dasturlash;
• Mehmonxonalarni boshqarish / turizm uchun ingliz tilini takomillashtirish uchun dasturlash;

1. Speaking klub, debat klub, talabalar; ingliz tili va STEMni targ'ib qilish uchun dasturlash; o'qituvchilar uchun treninglar yoki seminarlar va boshqa shu kabi loyihalar 
2. Loyihalar ingliz tilini o'qitish yoki o'rganishga yordam berishi kerak.
3. O’zbekistonda joylashgan, akkreditatsiyadan o’tgan tashkilotlar yoki shu kabi tashkilotlarda ishlovchi ingliz tili mutaxassislari hujjat topshirishlari mumkin.
4. Tashkilotlar boshqa subyektlar bilan hamkorlik shartnomalari tuzishlari mumkin, ammo faqat bitta, nodavlat-notijorat tashkilot mukofotning asosiy qabuli qiluvchisi bo'lishi mumkin. Boshqa subyektlar bilan hamkorlik shartnomasini tuzishda har bir subyektning javobgarligi taklifda aniq belgilanishi kerak.
5. Ushbu grant uchun xarajatlarni taqsimlash (cost sharing) yoki moslashtirish (cost matching) talab qilinmaydi.
6. Ushbu grant doirasida mukofotlashdan oldingi xarajatlar (grant mukofotining rasmiy boshlanish sanasidan oldin sarflangan mablag'lar) grant hisobidan qoplanishi mumkin emas. Faqatgina grant rasmiy ajratilgan sanadan keyingi xarajatlar uchun mablag'larni ishlatishga ruxsat beriladi.
7. Mukofot olish huquqiga ega bo'lish uchun barcha tashkilotlar Data Universal Numbering System/DUNS da takrorlanmas shaxsiy identifikatorga ega bo'lishlari, shuningdek www.SAM.gov da ro'yxatdan o'tgan bo'lishlari talab etiladi. Jismoniy shaxslardan identifikator yoki SAM.gov da ro'yxatdan o'tishlari talab qilinmaydi. Tanlab olingan loyihalarga ariza topshirish muddati tugagandan so'ng bu jarayon bo'yicha qo'shimcha ko'rsatmalar beriladi; hujjat topshirish payti bu jarayondan o'tish shart emas.
8. Ushbu grant quyidagilarga taqdim qilinmaydi:
   • partiyaviy siyosiy faoliyatga tegishli loyihalar;
   • xayriya loyihalari;
   • qurilish loyihalari;
   • ma'lum bir diniy faoliyatni qo'llab-quvvatlovchi loyihalar;
   • mablag' yig'ish (fund-raising) kompaniyalari;
   • muayyan qonunchilik yoki dasturlarni lobbichilik qilish;
   • Ilmiy tadqiqotlar, doktorlik dissertatsiya ishlari, individual tadqiqot loyihalari yoki so'rovnomalar;
   • tijorat loyihalari;
   • tashkilotning o'sishi yoki institutsional rivojlanishi uchun mo'ljallangan loyihalar;
   • mavjud loyihalarni takrorlovchi loyihalar;
   • noqonuniy faoliyatlar;
   • xususiy til maktablarida talabalar o'qish to'lovini qoplash;
   • taklif qilingan loyiha yoki dasturni amalga oshirish uchun talab qilinmagan holatda ham, kompyuter yoki boshqa jihozlarni sotib olish;
   • muassasa ishchilari ish haqi yoki ma'muriy xarajatlarini to'lash;
   • foyda olish uchun biznesni qo'llab-quvvatlash yoki;
   • O'zbekistondan tashqarida bo'lgan xalqaro sayohatlar yoki konferensiyalarni moliyaviy qo'llab-quvvatlash

To’liq ma’lumotni ushbu havola orqali olishingiz mumkin

• Jami mukofot jamg'armasi hisobidan taxminan 15 ta g'olib tanlab olinadi va ularning aksariyati $5000 dan $50,000 gacha mablag' bilan ta'minlanadi. 
• Mukofot jamg’armasi: $250,000 
• Mukofotlar tahminan 30-iyun 2021-yil sanasida taqdim etiladi

Hujjat topshirish formasini ushbu havola orqali yuklab olish mumkin.

Hujjat topshirishning ikki xil usuli mavjud. Nomzodlar o'z arizalarini quyida keltirilgan A yoki B usul orqali topshirishlari mumkin:

• A usul (osonroq): Barcha ariza materiallarini to'g'ridan-to'g'ri quyidagi elektron pochta manziliga yuborish: TashkentEnglish@state.gov. Bunda nomzodlar email sarlavhasiga grant sarlavhasi va grant raqamini kiritishlari shart. Ya'ni "English Language Small Grants Program TASHKENT-PAS-FY21-02"
• B usul: Barcha ariza materiallarini Grants.gov orqali yuborish. Grants.gov orqali ariza topshirishni istaganlar uchun http://www.grants.gov veb-saytida ariza berish jarayoni to'g'risida batafsil ko'rsatmalar mavjud. Grants.gov bilan bog'liq savollar uchun Grants.gov aloqa markazining 1-800-518-4726 raqamiga qo'ng'iroq qilishingiz yoki https://www.grants.gov/support.html manziliga o'tishingiz mumkin. Iltimos, shuni yodda tutingki, TashkentEnglish@state.gov hujjat topshiruvchilarning Grants.gov bilan bog'liq bo'lgan texnik savollarida yoki muammolarida yordam bera olmaydi.

Hujjat topshirishda inobatga olish so'raladi:

1. Ariza loyihaning maqsadlari, auditoriyasi va vazifalarini aniq ochib berilishi;
2. Barcha hujjatlar ingliz tilida bo'lishi;
3. Barcha summalar AQSh dollarida ko'rsatilishi;
4. Barcha sahifalar raqamlangan bo'lishi;
5. Barcha hujjatlar 8 1⁄2 x 11 qog'ozga formatlangan bo'lishi;
6. Barcha Microsoft Word hujjatlari bitta intervalli, 12 razmerli Times New Roman shrifti, kamida 1 dyuymli hoshiyalar bilan ajratilgan bo'lishi;
7. Barcha talabnoma beruvchilarning vakolatli imzolari har xil, kerakli shakllarda taqdim etilishi kerak

Yordam uchun quyidagi emailga murojaat qilishingiz mumkin: TashkentEnglish@state.gov.

Grants.gov bilan bog'liq savollar uchun Grants.gov aloqa markazining 1-800-518-4726 raqamiga qo'ng'iroq qilishingiz mumkin.

Jamoatchilik bilan aloqalar bo'limi (PAS) talabnoma beruvchilar va so'rovlarning ko'pligi sababli ariza berishdan oldin niyat xatlari, konsepsiya hujjatlari yoki uchrashuvlar va telefon orqali qo'ng'iroqlarni qabul qilmaydi.

Ariza paketining to'liq qabul qilinishini ta'minlash murojaat etuvchining javobgarligi hisoblanadi. To'liq bo'lmagan arizalar yaroqsiz deb hisoblanadi. Hujjat topshiruvchi arizalarini tayyorlasni muddati tugashidan ancha oldin boshlashlari so'raladi. Kerakli talablarni bajarmagan tashkilotlarga istisnolar qilinmaydi.