Amerika elchixonasidan Qarshi shahrida xotin-qizlar uchun oʻz-oʻzini himoya qilish bo'yicha "self-defence" mashg'ulotlari

Oʻzbekistonning ayol va bolalar huquqlarini himoya qilish borasidagi saʼy-harakatlarini qoʻllab-quvvatlash maqsadida AQSh elchixonasi xotin-qizlar uchun oʻz-oʻzini himoya qilish mashg’ulotlarini respublikaning boshqa viloyatlarida ham o’tkazilishini mamnuniyat bilan eʼlon qiladi.

Mashg’ulotlar endi Qashqadaryo viloyatida tashkil etilib, u yerdagi ayollar va qizlar uchun o’z-o‘zini himoya qilish usullarini o‘rganishda imkoniyat yaratiladi.

AQShning O’zbekistondagi elchixonasi “Sports Visitor” – AQSH xalqaro almashinuv dasturlarining bitiruvchisi hamda professional taekvondo murabbiyi bilan hamkorlikda xotin-qizlar o’zlarini himoya qilishlari uchun zarur bo’lgan ko’nikmalar va o’z-o’ziga bo’lgan ishonchni rivojlantirishga qaratilgan o’z-o’zini himoya qilish bo’yicha o’quv dasturining ikkinchi bosqichini Qashqadaryo viloyatida boshlamoqda.
Mashg’ulotlar 2025-yil fevral oyidan boshlab Qarshi shahridagi suv sporti majmuasida uch oy davomida o’tkaziladi.

• A guruhi: 13 yoshdan 17 yoshgacha bo’lgan qizlar – dushanba, chorshanba va juma kunlari soat 15:00 dan 16:00 gacha;
• B guruhi: 18 yoshdan oshgan ayollar –  dushanba, chorshanba va juma kunlari soat  16:00 dan 17:00 gacha.

Mashg’ulotlarning aniq boshlanish sanasi haqidagi ma’lumot tanlab olingan barcha ishtirokchilarga qo’shimcha ravishda yetkaziladi. Yoshi turlicha bo’lgan xotin-qizlar uchun alohida ikkita guruh tuziladi. Har bir guruhdagi ishtirokchilar soni 30 kishidan oshmaydi.

• Nomzod A guruh uchun 13-17 yosh oralig'ida bo'lishi;
• B guruh uchun 18 yosh yoki undan oshgan bo'lishi (yuqori limit yo'q);
• Qarshi shahrida bo'lib o'tuvchi mashg'ulotlarga qatnasha olishi kerak.

Ishtirokchilar 

• O’zlarini jismoniy zo’ravonlikdan himoya qilish; 
• Yaxshi jismoniy holat va osoyishtalikni saqlash uchun texnika va mashqlar;
• Nizolarni hal qilish, ochiq muloqot va stressni boshqarish usullarini o’rganadilar

• Arizalar ushbu havola orqali topshiriladi.

Eslatma

Arizalarni qabul qilishning oxirgi muddati: 2025-yil 24-yanvar*

*Har bir guruhga faqatgina 150 ta ariza ro’yxatga olinadi. Arizalar belgilangan muddat yoki 150 ta ariza kelib tushgunga qadar qabul qilinadi va ko’rib chiqiladi.

• Ushbu loyiha faqat qizlar va ayollar uchun mo’ljallangan.
• Mashg’ulotlar bepul.
• Ishtirokchilar qatnashish uchun taqdim etilgan arizalarga ko’ra tanlab olinadi.
• Darslar Qarshi shahridagi Suv sporti majmuasida o’tkaziladi.