Amerika elchixonasining USAID dasturi tomonidan Oʻzbekistonda agrobiznes rivojiga koʻmaklashish maqsadida xususiy korxonalar oʻrtasida biznes loyihalar tanlovi

Toshkentdagi Amerika elchixonasi tomonidan (USAID) Agrobiznesni rivojlantirish loyihasi

Loyiha Agrobiznes yo‘nalishidagi quyidagi sohalarni rivojlantirishga qaratilgan:

1. Qishloq xoʻjaligi mahsulotlarini ishlab chiqarish, yigʻim-terimdan keyin ishlov berish, qayta ishlash va sotish sohasida yangi qoʻshimcha qiymatli texnologiya va boshqaruv amaliyotini joriy etish orqali agrobiznesning raqobatbardoshligini oshirish;
2. Ayollar va yoshlarga qishloq xoʻjaligi korxonalarida malakali ish joylarini egallash va oʻz agrobiznesini ochish uchun koʻnikma va bilimlarni berish;
3. Agrobiznes ehtiyojlarini qondirish uchun oʻquv dasturlarini takomillashtirish va maqsadli ilmiy tadqiqotlarni oʻtkazish uchun qishloq xoʻjaligi taʼlim muassasalarini xususiy sektor bilan bogʻlash;
4. Xususiy va davlat sektori qishloq xoʻjaligini kengaytirish xizmatlarini kuchaytirish va diversifikatsiya qilish;
5. Oʻzbekiston qishloq xoʻjaligining oʻsishi va rivojlanishiga koʻmaklashish siyosatini ishlab chiqish va takomillashtirish.

Loyiha, ayniqsa, ayollar va yoshlarni boshqaruv, texnik va/yoki boshqa rahbarlik qiluvchi lavozimlarga ishga joylashtirmoqchi boʻlgan xususiy sektor korxonalarini qoʻllab-quvvatlash va birgalikda investitsiyalar kiritishga katta eʼtibor qaratadi. Arizalar yuqorida aytib oʻtilganidek, qoʻshilgan qiymatli qishloq xoʻjaligi mahsulotlari va xizmatlarini ilgari surishga qaratilishi kerak. Ushbu eʼlonga koʻra, yoshlar 16 yoshdan 29 yoshgacha boʻlgan shaxslar sifatida belgilanadi. Loyiha doirasida, baʼzi nomzodlar qoʻshimcha texnologiya/uskunalarni toʻliq ishlatish uchun texnik yordam va/yoki oʻqitishga (malaka oshirishga) muhtoj boʻlishi mumkin. Shu sababli, nomzodlarga texnik yordam va/yoki oʻqishga (malaka oshirishga) boʻlgan ehtiyojlarini arizalarida koʻrsatib berish tavsiya etiladi.

• Nomzodlar Oʻzbekiston Respublikasida roʻyxatdan oʻtgan tadbirkorlar va/yoki xususiy sektor korxonalari boʻlishi kerak;
• Nomzodlar 16-29 yosh oralig'ida bo'lishi lozim;
• Jamg‘armadan 100,000,000 dan 300,000,000 so‘mgacha mablag‘ talab qiladigan arizalar qabul qilinadi;
• Korxonalar rasmiy ravishda tashkil etilgan, tan olingan va Oʻzbekistonning tegishli organlarida yaxshi obroʻga ega va amaldagi fuqarolik va soliq meʼyorlariga muvofiq boʻlishi kerak;
• Shuningdek, tijorat va notijorat tadbirkorlik tashkilotlari va nodavlat tashkilotlarning (NDT) arizalari ham koʻrib chiqiladi;
• Davlat tashkilotlari, shu jumladan davlat kapitali ishtirok etgan korxonalar va davlat tomonidan nazorat qilinadigan tashkilotlar, ushbu eʼlon doirasida arizalari qabul qilinmaydi.

Tanlov shartlari bilan batafsil ushbu link orqali tanishishingiz mumkin.

• 5 ta g'olib loyihaga so'ralgan budjetining yarmigacha bo'lgan miqdorda investitsiya kiritiladi

• Ariza shaklini ushbu havola orqali yuklab olish mumkin
• Arizalar (konsepsiya hujjatlari) elektron shaklda 002-sonli eʼlon bilan USAID Agrobiznesni rivojlantirish fondining fund@uzada.org elektron manziliga topshirilishi kerak;
• Arizalar (konsepsiya hujjatlari) 2021-yil 15-oktyabr kuni, mahalliy vaqt bilan 17.00 dan (GMT+5) kechiktirmay topshirilishi kerak. Kech topshirilgan yoki javob olinmagan arizalar koʻrib chiqilmaydi;
• Ushbu eʼlonga bilan bogʻliq barcha savollar 2021-yil 1-oktyabr mahalliy vaqt bilan soat 17.00 (GMT+5) gacha fund@uzada.org elektron pochta manzili orqali qabul qilinadi.

Tanlov bo‘yicha barcha savollar faqatgina fund@uzada.org orqali qabul qilinadi.