Amerika Konsulligi tomonidan bakalavr talabalari uchun mintaqaviy “Central Asian Spelling Bee Contest 2022” tanlovi

Oʻzbekistondagi Xalqaro Taʼlim boʻyicha Amerika Kengashi AQShning Toshkentdagi elchixonasi bilan hamkorlikda “Central Asian Spelling Bee Contest – 2022” tanlovini tashkil etmoqda. 

Tanlovda hozirda bakalavr bosqichida oʻqiyotgan barcha ingliz tili va inglizcha soʻzlar imlosiga qiziquvchi yoshlar ishtirok etishi mumkin.

Tanlov 3 bosqichda amalga oshiriladi:

• 1-bosqich. Oʻzbekiston viloyatlarida hududiy bosqich — 2022-yil sentyabr oyida;
• 2-bosqich. Hududiy bosqich gʻoliblari ishtirokida Toshkentda respublika bosqichi — 2022-yil oktyabr oyida;
• 3-bosqich. Mintaqaviy bosqich respublika gʻoliblari ishtirokida Toshknetda “Central Asian Spelling Bee Contest – 2022” — 2022 yil noyabr oyida. 

Talablar:

• Nomzod Oʻzbekiston fuqarosi boʻlishi kerak;
• Oliy taʼlimning kunduzgi bakalavr bosqichida oʻqiyotgan boʻlishi zarur;
• 2022-yil 31-yanvar holatiga koʻra, 18-25 yosh orasida boʻlishi lozim;
• Ushbu tanlovning avvalgi yillarda Bishkek yoki Olmaota shahrida oʻtkazilgan mavsumlarida ishtirok etmagan boʻlishi kerak.

Talablar bilan batafsil ushbu havola orqali tanishish mumkin.

• Har bir hududning eng yaxshi ishtirokchilari Toshkentda boʻlib oʻtadigan National Spelling Bee musobaqasida respublika bosqichida ishtirok etadi;
• Eng yaxshi toʻrtta ishtirokchi Toshkentda boʻlib oʻtuvchi mintaqaviy Central Asian Spelling Bee tanlovida ishtirok etadi;
• Tanlov gʻolibi maxsus esdalik sovgʻalar bilan taqdirlanadi. Oʻtgan mavsum gʻolibiga noutbuk topshirilgan;
• Tanlovda ishtirok etish mutlaqo bepul.

Tanlov imkoniyatlari haqida batafsil ushbu havola orqali maʼlumot olish mumkin.

Tanlovda ishtirok etish uchun onlayn ariza shaklini toʻldirish lozim.

Tanlov oʻtkazilish sanasi elektron pochta orqali roʻyxatdan oʻtgan ishtirokchilarga alohida yuboriladi. Agar ishtirokchi yashash hududi roʻyxatda boʻlmasa, eng yaqin manzilni topib va roʻyxatdan oʻtish mumkin.

Tanlovga oid qoʻshimcha yangiliklar ushbu rasmiy telegram kanalda berib boriladi.