AQSh elchixonasidan universitet oʻqituvchilari uchun barcha xarajatlari qoplanadigan 4 oylik almashinuv dasturi — Faculty Enrichment Program
-
20/08/2024 Qabul boshlanishi
-
Toʻliq Moliyalash turi
-
AQSh Davlat
-
21/09/2024 03:00 Oxirgi muddat
Umumiy maʻlumotlar
Faculty Enrichment Program dasturi orqali Oʻzbekiston universitetlari instruktorlari, maʼruzachi oʻqituvchilari oʻzlarining pedagogik malakalari hamda oʻz sohalari boʻyicha professional mahoratlarini oshirishlari mumkin boʻladi. Ushbu dasturni tashkillashtirish orqali tashkilotchilar Oʻzbekiston va AQSh oʻrtasidagi oʻzaro munosabatlar, taʼlim aloqalarini rivojlantirish hamda kasbiy mahoratni oshirishni maqsad qilishgan.
4 oy davom etadigan dastur davomida ishtirokchilar turli kurslarda, akademik konferensiyalarda ishtirok etish hamda AQShdagi dasturga mezbonlik qilayotgan universitet fakulteti mentorlari bilan yaqindan ishlash imkoniyatini qoʻlga kiritishadi. Universitetda 4 oy davomidagi oʻqish va turar-joy xarajatlari Amerika Konsulligi tomonidan qoplanadi. Dasturga ariza topshirish jarayoni 2024-yil 20-sentyabrgacha davom etadi.
Dasturda quyida keltirilgan yoki shunga yaqin sohalar boʻyicha ishtirok etish mumkin:
- Buxgalteriya hisobi;
- Qishloq xoʻjaligi fanlari;
- Moliya;
- Biotexnologiya;
- Muhandislik;
- Axborot texnologiyalari;
- Kompyuter fanlari;
- Taʼlim;
- Energiya xavfsizligi;
- Sogʻliqni saqlash;
- Davlat boshqaruvi.
Muhim! Oʻzbekiston hukumati tomonidan tavsiya qilingan buxgalteriya hisobi/moliya, STEM sohalari, shu jumladan biotexnologiya, muhandislik va IT/kompyuter fanlari, qishloq xoʻjaligi fanlari, taʼlim, energiya xavfsizligi, sogʻliqni saqlash va davlat boshqaruvi kabi sohalardagi nomzodlarga saralash jarayonida imtiyozlar berilishi mumkin.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturda ishtirok etish uchun quyidagi talablar mavjud:
- Nomzodlar hozirda Oʻzbekistonda yashayotgan boʻlishi yoki Oʻzbekiston fuqarosi boʻlishi lozim;
- Dastur tomonidan qoʻyilgan talab va qoidalarga javob berishlari kerak;
- Nomzod dasturga ariza topshirish davrida Oʻzbekistondagi Oliy taʼlim muassasalaridan birida maʼruza oʻquvchi yoki administrator sifatida ishlagan va kamida 2 yillik ish tajribasiga ega boʻlishi kerak. Universitetda oʻqish davrida qoʻlga kiritilgan ish tajribasi hisobga olinmaydi;
- Ariza topshirish davrida nomzodning ingliz tilida gapirish va yozish koʻnikmalari boʻlishi zarur;
- Nomzod oʻzini Oʻzbekistonga bogʻlab turgan rishtalarni isbotlab berishi va dastur tugaganidan keyin oʻz yurtiga qaytib kelishini kafolatlashi zarur;
- Ishtirokchi 2025-yil yanvar yoki avgust oyidan boshlab AQShda almashinuv dasturi faoliyatini boshlashga tayyor boʻlishi kerak;
- Almashinuv dasturi boʻyicha AQShning fuqarolik kategoriyasiga kirmaydigan J-1 vizasini olishga tayyor boʻlishi lozim.
Quyidagi nomzodlar dasturda ishtirok eta olmaydilar:
- AQSh fuqarosi boʻlgan yoki hozirda AQShda istiqomat qilayotgan fuqarolar;
- AQShda akademik trening yoki tadqiqot dasturlarida ishtirok etayotgan fuqarolar;
- Oʻz fuqaroligi boʻlgan davlatdan tashqarida yashayotgan yoki ishlayotgan nomzodlar;
- AQSh hukumati (AQSh davlat departamenti, AQSh fuqarolik ishlari boʻyicha boʻlimi, AQSh elchixonalari, Xalqaro rivojlanish boʻyicha va boshqa AQSh agentliklari) tomonidan tashkillashtirilgan yoki moliyalashtirilgan 6 oydan koʻp muddatdagi almashinuv dasturlarida qatnashgan yoki ariza topshirish paytigacha oʻz davlatida 2 yildan kam istiqomat qilgan fuqarolar;
- Oxirgi uch yil ichida AQSh fuqaroligini olish uchun ariza topshirgan nomzodlar;
- Amerika konsulligi va AQShning chet eldagi davlat departamenti yoki AQShning xalqaro rivojlanish agentligi tashkilotlari xizmatchilari yoki ishdan boʻshaganiga bir yil toʻlmagan ishchilar;
- Amerika konsulligi, AQSh xalqaro rivojlanish agentligi va AQSh davlat departamenti ishchilari yoki ishdan boʻshaganiga bir yil toʻlmagan ishchilarining oila aʼzolari (turmush oʻrtogʻi yoki qaramogʻidagi farzandi). Bu qoida oʻz-oʻzini taʼminlovchi va mustaqil yashovchi oila aʼzolari uchun amal qilmaydi;
- Biror bir jinoyat uchun qamalgan yoki sudlangan fuqarolar (yoʻl qoidasi bilan bogʻliq kichik qoida buzilishlari bundan mustasno).
Dastur talablari haqida ushbu havola orqali batafsil maʼlumot olish mumkin.
Foydali tomonlari
Dasturning quyidagi foydali jihatlari mavjud:
- Dastur davomida ishtirokchilar turli kurslarda, akademik konferensiyalarda ishtirok etish hamda AQShdagi dasturga mezbonlik qilayotgan universitet fakulteti mentorlari bilan yaqindan ishlash imkoniyatini qoʻlga kiritishadi;
- Shuningdek, oʻzlari faoliyat yuritayotgan fakultetda maʼruza oʻqish va oʻzlariga biriktirilgan talabalarni oʻqitish bilan ham shugʻullanishadi;
- Sinfda va sinfdan tashqarida talabalar hamda fakultet bilan shugʻullanish davomida nomzodlar AQSh oliy taʼlim tizimi haqidagi bilimlarini sezilarli darajada oshirishlari mumkin boʻladi;
- Dastur davomida ishtirokchilar oliy taʼlimning asosiy xususiyatlariga urgʻu berilgan bir nechta vebinarlarda qatnashish imkonini qoʻlga kiritishadi. Vebinarlar oʻquv rejasi, talabalarga moʻljallangan pedagogika, akademik halollik, professor-oʻqituvchilar malakasini oshirish, taʼlim texnologiyasi, oʻquv dasturlarini xalqaro talablarga moslashtirish, kredit tizimi yoki akademik yozuvlarni ham oʻz ichiga oladi. Veb-seminarlar AQSH oliy taʼlimi mutaxassislari tomonidan olib boriladi va talabalarning AQSh oliy taʼlimi boʻyicha universitetdagi tajribasini oshiradi.
- Universitetda almashinuv dasturi davomida oʻquv xarajatlarini qoplash uchun Amerika konsulligi tomonidan $1,800 mablagʻ ajratiladi;
- Dastur davomida ishtirokchilar yashashlari uchun universitet yotoqxonasi yoki boshqa turar-joy bilan taʼminlanadilar. Turar-joy xarajatlari Amerika konsulligi tomonidan qoplanadi.
Dasturning foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Tez-tez soʻraladigan savоllarga javоblarni (FAQs) ushbu havоla оrqali oʻqish mumkin.
Maʼlumot uchun:
Manzil: 1828 L Street NW Suite 1200 Washington, DC 20036;
Tel: (202) 833-7522;
E-mail: fep@americancouncils.org.
Dastur boʻyicha maʼlumot olish uchun Amerika konsulligining Oʻzbekistondagi quyidagi manziliga murojaat qilish mumkin: Grand Business Center ofisi #307, Shota Rustaveli koʻchasi 12,
100070 Toshkent, Oʻzbekiston.
tel:
+998 78 150 71 50