Angliyaning nufuzli Manchester universitetida magistratura bosqichini oʻqish uchun toʻliq grantlar

Angliyada joylashgan the Manchester University magistratura bosqichida tahsil olish uchun Alliance MBS Masters Scholarships for UK/EU/International students dasturini eʼlon qiladi. 

Dasturga yuqori akademik koʻrsatkichlarga ega buxgalteriya, moliya, biznes va boshqaruv sohalarida oʻqishni xohlagan davlat fuqarolari ariza topshirishlari mumkin. Dasturga qabul qilinish uchun roʻyxatda koʻrsatilgan magistratura kurslaridan biriga ariza topshirish va unga qabul qilingan boʻlish kerak. Shu bilan nomzod avtomatik ravishda grant ishtirokchisiga aylanadi. Dastur gʻoliblarining bir yillik kontrakt xarajatlari toʻliq qoplab beriladi.

Dasturga qabul uchun aniq vaqt belgilanmagan, lekin tanlangan yoʻnalishga qabul ochilishi bilan iloji boricha tezroq ariza topshirish tavsiya qilinadi. Universitetda hozirda, yaʼni mart-aprel oylarida kuzgi semestr uchun qabul davom etmoqda. Dasturga qabul qilinishi uchun nomzod The University of Manchesterning quyidagi magistratura yoʻnalishlaridan biriga hujjat topshirishi va unga qabul qilinishi lozim:

• MSc Accounting;
• MSc Accounting and Finance;
• MSc Business Analysis and Strategic Management;
• MSc Business Analytics: Operational Research and Risk Analysis;
• MSc Business Psychology;
• MSc Digital Marketing;
• MSc Finance;
• MSc Human Resource Management and Industrial Relations;
• MSc International Human Resource Management and Comparative Industrial Relations;
• MSc Innovation Management and Entrepreneurship;
• MSc International Business and Management;
• MSc Management;
• MSc Marketing;
• MSc Operations, Project and Supply Chain Management;
• MSc Organisational Psychology;
• MSc Quantitative Finance;
• MSc Sustainable Business.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Dasturda barcha davlat fuqarolari ishtirok etishlari mumkin;
• Dasturga qabul qilinishi uchun nomzod The University of Manchesterning magistratura yoʻnalishlaridan biriga hujjat topshirishi va unga qabul qilinishi lozim:
• Nomzodlar yuqori akademik koʻrsatkichlarga ega boʻlishlari lozim. Dasturga ariza topshirish uchun nomzodning akademik koʻrsatkichi 100 ballik tizimda kamida 70 ball boʻlishi kerak;
• Ishtirokchilar ingliz tilini yaxshi bilishlari lozim, dastur uchun nomzodlardan soʻraladigan sertifikat darajasi esa ularning tanlagan yoʻnalishlariga qarab farq qiladi;
• Dasturni boyitish va unga oʻz hissasini qoʻshishga tayyor boʻlishi lozim.

Dastur talablari haqida ushbu havola orqali toʻliq maʼlumot olish mumkin.

Dasturda ishtirok etishning quyidagi foydali jihatlari mavjud:

• Dastur davomida nomzodlarning kontrakt puli toʻliq toʻlab beriladi;
• Ishtirokchilar dunyodagi eng kuchli universitetlar roʻyxatida turgan nufuzli The University of Manchesterda bepul tahsil olish imkonini qoʻlga kiritishadi;
• Dasturni ixtiyoriy ravishda bir yil davomida toʻliq yoki ikki yil davomida sirtqi oʻqish imkoni mavjud.

Eslatma! Nomzodlarning kontrakt pulidan boshqa xarajatlari dastur maʼmuriyati tomonidan qoplanmaydi.

Dasturning foydali jihatlari haqida ushbu havola orqali toʻliq maʼlumot olish mumkin.

Dasturga qabul uchun aniq vaqt belgilanmagan, lekin tanlangan yoʻnalishga qabul ochilishi bilan iloji boricha tezroq ariza topshirish tavsiya qilinadi. Universitetda hozirda, yaʼni mart-aprel oylarida kuzgi semestr uchun qabul davom etmoqda.

Dasturga ariza topshirish jarayoni quyidagi bosqichlarda amalga oshiriladi:

• Grant uchun alohida ariza topshirish shart emas, avvalambor, berilgan magistrlik kurslaridan birini tanlang;
• Kurs ustiga bosish orqali “Overview” boʻlimida u haqidagi umumiy maʼlumotlar, “Entry requirements” boʻlimida yoʻnalish talablari bilan batafsil tanishib chiqing;
• “Application and selection” boʻlimi orqali ariza topshirish maʼlumotlari bilan tanishib chiqib, “Apply online” tugmasi orqali ariza topshirish boʻlimiga kiring;
• Arizani toʻldiring va dasturda soʻraladigan quyidagi kerakli hujjatlarni yuklang:

-Bakalavr diplomi va diplom ilovasining nusxasi;

-Ingliz tilini bilish boʻyicha xalqaro sertifikat (yoʻnalishga qarab IELTS 7 yoki shunga yaqin sertifikat so‘raladi);

-Pasport nusxasi;

-Maʼlumotnoma (moliyaviy holat haqida)-soʻralishi mumkin.

Muhim! Soʻraladigan hujjatlar roʻyxati kurs turiga qarab farq qiladi. Saralash jarayonida ishtirokchilarning akademik koʻrsatkichiga, faolligiga va ish tajribasiga alohida eʼtibor beriladi.

Manchester universiteti talabalari bilan ushbu havola orqali suhbatlashish mumkin.

Maʼlumot uchun:

Tel: +44 (0) 161 306 1339;

Email: pg.ambs@manchester.ac.uk.

Dastur haqida quyidagi ijtimoiy tarmoqlar orqali ham qoʻshimcha maʼlumotlar topish mumkin:

-Facebook;

-Twitter;

-YouTube;

-LinkedIn;

-Instagram;

-TikTok.