Apple Developer Academy tomonidan Italiyada dasturlash, dizayn, biznes va marketing sohalarida o‘qish uchun 220 o‘rinli grant
-
20/01/2025 Qabul boshlanishi
-
Bepul Moliyalash turi
-
Italiya Davlat
-
21/03/2025 09:00 Oxirgi muddat
Umumiy maʻlumotlar
Italiyaning Naples Federico II universiteti Apple Developer Academy dasturi uchun 220 o‘rinli (300 gacha ko‘paytirilishi ham mumkin) grant e’lon qiladi. Kurs dasturlash, dizayn, biznes va marketing sohalari bo‘yicha bo‘lib, 2025-yil 29-sentyabrdan 2026-yil 30-iyungacha davom etadi. Dasturda qatnashish uchun nomzodlar 2025-yil 29-sentyabrgacha 18 yoshga to‘lgan bo‘lishi, maktab shahodatnomasi yoki litsey/kollej diplomiga ega bo‘lishlari kerak. Ular ingliz tilini bilishlari kerak, lekin til sertifikati talab qilinmaydi. Saralash jarayoni 2 bosqich, onlayn test (60 ball) va onlayn suhbat (40 ball) shaklida bo‘lib o‘tadi. Dasturda ishtirok etish mutlaqo bepul, kursning 80%ida qatnashgan talabalarga stipendiya berilishi mumkin. Shuningdek, talabalarga Macbook va iPhone ham beriladi.
Dasturga hujjatlarni qabul qilish jarayoni 2025-yil 21-martgacha davom etadi.
Dastur haqida ushbu havola orqali batafsil ma’lumot olish mumkin.
Maqbullik shartlari
Dasturda qatnashish uchun quyidagi talablar mavjud:
- Nomzodlar 2025-yil 29-sentyabrga qadar 18 yoshga to‘lgan bo‘lishi lozim;
- Maktab shahodatnomasi yoki litsey/kollej diplomiga ega bo‘lishlari kerak;
- Dasturda qatnashish uchun ikki bosqichli imtihondan o‘tish kerak bo‘ladi. Birinchi bosqichda onlayn test bo‘lib o‘tadi (60 ball), ikkinchi bosqichda esa onlayn suhbat olib boriladi (40 ball);
- Nomzodlar ingliz tilini bilishlari kerak, lekin til sertifikati talab qilinmaydi, nomzodning til billish darajasi suhbat davomida aniqlanadi.
Dastur talablari haqida ushbu havola orqali batafsil ma’lumot olish mumkin.
Foydali tomonlari
- Dasturda ishtirok etish mutlaqo bepul;
- Kursning 80%ida qatnashgan talabalarga stipendiya berilishi mumkin (Annex A.8);
- Talabalarga Macbook va iPhone beriladi.
Qoʻshimcha maʻlumotlar
Test to‘g‘risida ushbu havola orqali batafsil ma’lumot olish mumkin.
Dastur bo‘yicha qo‘shimcha savollarga ushbu havola orqali javob olish mumkin.