AQSHda yetakchilik mahoratini oshirishga qaratilgan 3 oylik Hurford Youth Fellowship dasturi

15/06/2024 Qabul boshlanishi
Toʻliq Moliyalash turi
AQSh Davlat
31.07.2024 Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi
Dastur tili

Ingliz tili
Yosh chegarasi

30 yoshgacha

Doʻstlar bilan ulashing

Umumiy maʻlumotlar

Hurford yoshlar dasturi (Hurford Youth Fellowship Program) liderlik va tashkilotchilik koʻnikmalarini shakllantirish, oshirish hamda demokratiya sohasida dunyoning yetakchi liderlaridan saboq olishga moʻljallangan uch oylik, toʻliq moliyalashtiriluvchi dasturdir.

Dastur davomiyligi 3 oy boʻlib, 2025-yilning 1-martidan 31-mayiga qadar nomzodlar demokratiya sohasidagi asosiy muammolar boʻyicha strategik uchrashuvlarga qatnashish, tadqiqot va taqdimotlar oʻtkazish, maʼlumot almashinuv seanslari, onlayn muhokamalar tashkil etish imkoniyatga ega boʻlishadi.

Ular quyidagi mavzularda boʻlishi lozim:

• Yoshlar uchun fuqarolik makonini kengaytirish (Expanding Civic Space for Young People)

• Dezinformatsiyaga qarshi kurash (Countering Disinformation)

• Fuqarolar uchun javobgarlikni shakllantirish (Building Citizen-Centric Accountability)

• Demokratiyani taʼminlash (Delivering Democracy)

Batafsil maʼlumotni dastur yoʻriqnomasida oʻqish mumkin.

Maqbullik shartlari

Nomzodlar quyidagi maqbullik shartlariga mos tushishlari talab etiladi:

30 yoshdan yuqori boʻlmasligi;
Ingliz tili bilish darajasining yaxshi boʻlishi (arizalar hamda dastur ingliz tilida olib boriladi);
Dunyo boʻylab demokratiyani rivojlantirishga hamda demokratik faollikka chuqur qiziqishi lozim;
Dasturda barcha davlat fuqarolari qatnasha oladi.

Foydali tomonlari

Dastur doirasida nomzodlar quyidagi imkoniyatlarga ega boʻlishi mumkin:

Yashash xarajatlari (turar joy, oziq-ovqat va boshqa muhim xarajatlar) uchun oylik stipendiya beriladi;
Vashingtongga borish-kelish yoʻl xarajatlari qoplanadi;
Tibbiy sugʻurta xarajati beriladi;
Internet, e-maildan foydalanish imkoniyati, dastur bilan bogʻliq, uzoq hududlarga amalga oshirish imkoniyati boʻlgan qoʻngʻiroqlar uchun chegaralangan budjet mavjud boʻlgan, toʻliq jihozlangan ofis beriladi;
20 mingga yaqin asar, demokratiya haqidagi kitoblar, jurnallar, grant oluvchilarning hisobotlari va boshqalarni oʻz ichiga olgan Demokratiya Resurs Markazi (DRC) dan foydalanish imkoniyati beriladi;
Demokratiya Resurs Markazi (DRC)ning 5 nafar xodimidan tadqiqotchilarning ilmiy izlanishlariga beriladigan yordam;
Zarur holatlarda boshqa mahalliy kutubxonalardan ham foydalanish imkoniyati boʻladi.

Eslatma: Nomzodlar oʻzlari bilan oila aʼzolaridan birini olib kelishmoqchi boʻlishsa, ularning borish-kelish yoʻl xarajatlari va yashash xarajatlari qoplanadi. Biroq, tibbiy sugʻurta qilish xarajatlarini qoplamaydi.

Batafsil maʼlumotni dastur yoʻriqnomasida oʻqish mumkin.

Hujjat topshirish

Dasturga ariza topshirish uchun:

Dastlab hurford sayti orqali shaxsiy sahifa (account) yaratiladi;
Sahifa ochilgandan soʻng u yerda koʻrsatilgan tartibda ariza topshiriladi;
Ushbu havola yordamida ariza topshirish yoʻriqnomasi bilan batafsil tanishib chiqish lozim.

Ariza toʻldirishda soʻraladigan maʼlumotlar:

Shaxsiy maʼlumotlar.
Shaxsiy loyiha taklifi.
CV yoki Rezyume.
Ikki tavsiyanoma .

Maʼlumot oʻrnida:

Loyiha taklifi arizaning eng muhim qismi boʻlib, u quyidagi demokratiyaga oid uch mavzuning biriga tegishli boʻlishi va mavzuni toʻliq va aniq yoritib berishi lozim:

Yoshlar uchun fuqarolik makonini kengaytirish (Expanding Civic Space for Young People);
• Dezinformatsiyaga qarshi kurash (Countering Disinformation);
• Fuqarolar uchun javobgarlikni shakllantirish (Building Citizen-Centric Accountability);
• Demokratiyani taʼminlash (Delivering Democracy).

Eslatma:

Arizalar 2024-yilning 31-iyuliga qadar topshirib boʻlinishi kerak;
Ushbu dasturga oʻtgan yili ham ariza topshirgan murojaatchilarga boshqa e-mail yordamida yangi sahifa (account) ochishlari talab etiladi;
Ariza toʻldirish bilan bogʻliq texnik muommolar yuzasidan youthfellows@ned.org e-mailiga murojaat qilish mumkin.

Rasmiy havola Hujjat topshirish