AQSh davlati tomonidan bakalavr talabalari uchun xarajatlari toʻliq qoplanadigan 10 haftalik yozgi amaliyot dasturi

01/11/2023 Qabul boshlanishi
Toʻliq Moliyalash turi
AQSh Davlat
12/12/2023 22:59 Oxirgi muddat

Umumiy maʻlumotlar

AQShning Texas shtatidagi Xyuston shahrida joylashgan Oy va sayyoralar instituti tomonidan yozgi amaliyot dasturi eʼlon qilinadi. The LPI Summer Intern Program dasturi astronomiya sohasidagi bakalavr talabalariga zamonaviy tadqiqotlar olib borish, astronomiya sohasi boʻyicha yetakchi mutaxassislardan dars olish va va ushbu soha boʻyicha ajoyib karyerasini yaratganlar bilan tanishish imkoniyati yaratadi. Dasturga qabul qilingan ishtirokchilar 2024-yil 3-iyundan 7-avgustgacha yaʼni 10 hafta davomida amaliyot olib borishadi. Amaliyot davomida talabalar soha boʻyicha bilimlarni oshirishga moʻljallangan maʼruza va seminarlarda ishtirok etishadi. Dasturda 50 kredit soatdan ortiq oʻqigan (kamida 1-kursni tugatgan) barcha bakalavriat talabalari ishtirok etishlari mumkin. Ammo, fizika, tabiiy fanlar, kompyuter fanlari va matematika sohasi talabalariga ustunlik beriladi.

Dasturga ariza topshirish jarayoni 2023-yil 12-dekabrgacha davom etadi. Amaliyot NASA Jonson Koinot markazi (NASA Johnson Space Center)da boʻlib oʻtadi. Dastur davomida ishtirokchilarning turar-joy, yashash, transport va shu kabi xarajatlarni qoplash uchun $8220 miqdordagi bir martalik stipendiya taqdim etiladi. Xalqaro talabalarga AQShga kelish uchun $1000 mablagʻ ajratiladi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Dasturda kamida 50 kredit soat oʻqigan talabalar ishtirok etishlari mumkin (Bu Oʻzbekistondagi taʼlim tizimida 2 yoki 3 semestrga toʻgʻri keladi);
Nomzodlar fizika, tabiiy fanlar, kompyuter yoki matematika sohasida oʻqiyotgan boʻlsalar, saralash jarayonida ustunlik beriladi;
Dasturga jinsi, yoshi, nogironligi, tashqi koʻrinishi, irqi, dini va boshqa holatlardan qatʼi nazar barcha ishtirok etishi mumkin;
Nomzodlar ingliz tilini yaxshi bilishlari va xalqaro sertifikatga (IELTS yoki TOEFL) ega boʻlishlari kerak.

Nomzodlarni saralashda quyidagi mezonlardan foydalaniladi:

Stipendiya, oʻquv dasturi va tajriba;
Ilmiy qiziqish va karyera maqsadlari;
Nomzod qiziqishlarining mavjud tadqiqot loyihalariga mosligi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

AQShga chet eldan keladigan nomzodlarga davlatga kelish xarajatlari uchun 1000 dollargacha mablagʻ ajratiladi;
Amaliyot davomida ishtirokchilarning transport, yashash va turar-joy xarajatlarini qoplash maqsadida $8220 miqdoridagi bir martalik stipendiya toʻlab beriladi (10 hafta uchun).

Dasturning foydali jihatlari haqida ushbu havola orqali batafsil maʼlumot topish mumkin.

Hujjat topshirish

Dasturga ro'yxatdan o'tish jarayoni quyidagicha:

Dasturda ishtirok etish uchun onlayn ariza shaklini to'ldirish lozim. Qog'oz variantda topshirilgan arizalar qabul qilinmaydi;
Ariza topshirish jarayonida berilgan barcha savollarga javob yozilishi zarur. Arizani yakunlashdan oldin e-mail manziliga ariza raqamini tasdiqlovchi xat va 2 ta tavsiyanomani (nomzodning ta'lim muassasidan taqdim etilgan) yuklash uchun havola jo'natiladi. Ishtirokchilar kamida 2 ta (3 tadan ko'p emas) tavsiyanoma yuklashlari talab qilinadi;
Nomzodlarning rasmiy transkriptlari esa nomzod tahsil olayotgan muassasa,ma'riyati tomonidan ushbu havolaga jo'natilishi zarur;
Xorijlik nomzodlar IELTS yoki TOEFL sertifikatlarini ham taqdim etishlari talab qilinadi. Bundan tashqari, ishtirokchi ingliz tili kafedrasida ishlovchi professordan ingliz tilida gapirish va yozish ko'nikmalari hamda dasturda ishtirok etishga layoqatliligi to'g'risidagi xatni ham taqdim etishlari lozim;
Dasturga ariza topshirish jarayoni 2023-yil 12-dekabr Amerika vaqti bilan soat 11:59 gacha (O'zbekiston vaqti bilan 22:59) davom etadi.

Muhim sanalar: