AQSh elchixonasi tomonidan 13 yoshdan katta ayol-qizlar uchun Toshkent shahrida oʻz-oʻzini himoya qilishga qaratilgan navbatdagi bepul oflayn mashgʻulotlar

AQShning Oʻzbekistondagi elchixonasi Fudokan Karate-Do boʻyicha professional instruktorlar, Amerika psixologlar assotsiatsiyasi aʼzosi boʻlgan professional psixolog – AQSh xalqaro almashinuvi dasturlarining bitiruvchilari – bilan hamkorlikda qizlar va ayollar oʻzlarini himoya qilishlari uchun zarur boʻlgan koʻnikmalar va oʻz-oʻziga boʻlgan ishonchni rivojlantirishga qaratilgan oʻz-oʻzini himoya qilish boʻyicha oʻquv dasturining 2025-yildagi navbatdagi raundini Toshkent shahrida boshlamoqda.

Mazkur loyihaning oʻtgan yilgi muvaffaqiyati, ishtirokchilarning ijobiy fikr-mulohazalari, mahalliy hamjamiyatga koʻrsatgan foydasiga tayangan holda hamda oʻz-oʻzini himoya qilish dasturlariga boʻlgan katta talabni inobatga olib, tashkilotchilar mazkur loyihani 2025-yilda ham davom ettirishga qaror qildi.

Mashgʻulotlar 2025-yil yanvar oyidan boshlab BeFit Box zamonaviy sport zalida uch oy davomida oʻtkaziladi. Mashgʻulotlarning aniq boshlanish sanasi boʻyicha maʼlumot tanlab olingan barcha ishtirokchilarga qoʻshimcha ravishda yetkaziladi. Ikkita yosh toifasida guruhlar tashkil etiladi:

• A guruhi: 13 yoshdan 17 yoshgacha boʻlgan qizlar – seshanba, payshanba va shanba soat 15:00 dan 16:00 gacha.
• B guruhi: 18 yoshdan oshgan ayollar – seshanba, payshanba va shanba soat 20:00 dan 21:00 gacha.

Har bir guruh ishtirokchilari soni 30 kishidan oshmaydi.

Mashgʻulotda qatnashish uchun ishtirokchilar quyidagi talablarga javob berishi lozim:

• Mashgʻulotlar jismoniy tayyorgarlik darajasidan yoki oldingi mashgʻulot tajribasidan qatʼi nazar, 13 yoshdan oshgan qizlar va ayollar uchun moʻljallangan;
• Nomzod ayol-qizlar 2025-yil yanvar oyidan boshlab 3 oy davomida Toshkent shahrida boʻlishi kerak.

Mashgʻulotga qabul qilingan ayol-qizlar quyidagi imtiyozlarga boʻladi:

• Mashgʻulotda bepul ishtirok etadilar;
• Oʻzlarini jismoniy zoʻravonlikdan himoya qilish, yaxshi jismoniy holat va osoyishtalikni saqlash uchun bir qator texnika va mashqlarni oʻrganadilar;
• Nizolarni hal qilish, ochiq muloqot va stressni boshqarish usullari haqida maʼlumotga ega boʻladilar;
• Fudokan Karate-Do boʻyicha professional instruktorlar, Amerika psixologlar assotsiatsiyasi aʼzosi boʻlgan professional psixolog – AQSh xalqaro almashinuvi dasturlarining bitiruvchilari – bilan hamkorlikda qizlar va ayollar oʻzlarini himoya qilishlari uchun zarur boʻlgan koʻnikmalar va oʻz-oʻziga boʻlgan ishonchni rivojlantirish imkoniga ega boʻladi.

Arizalarni qabul qilishning oxirgi muddati: 2024-yil 23-dekabr, dushanba.

Faqatgina 300 ta ariza ro’yxatga olinadi. Arizalar belgilangan muddat yoki 300 ta ariza kelib tushgunga qadar qabul qilinadi va ko’rib chiqiladi.

• A guruhi (13-17 yosh) mashg’ulotlarida ishtirok etish uchun ayol-qizlar ushbu ariza shaklini toʻldirishlari kerak;
• B guruhi (18 yosh va undan kattalar) mashg’ulotlarida ishtirok etish uchun ushbu ariza shaklini to’ldirish lozim. 

Muhim eslatmalar:

• Ushbu loyiha faqat qizlar va ayollar uchun moʻljallangan;
• Mashgʻulotlar bepul;
• Ishtirokchilar qatnashish uchun taqdim etilgan arizalar asosida tanlanadi;
• Darslar Toshkentdagi BeFit Box fitness-klubida oʻtkaziladi.

Murojaatlar uchun:

Tel.: +998 781205450.