AQShda toʻliq moliyalashtirilgan holda 10 oy malaka oshirish imkonini beruvchi Humphrey hamdoʻstlik dasturi

Humphrey stipendiya dasturi Fulbright almashuv dasturlaridan biri boʻlib, oʻzbekistonlik mutaxassislarga AQSHga kelib, 10 oy davomida ilmiy unvonsiz magistratura darajasida tahsil olish va oʻz mutaxassisliklari boʻyicha tegishli amaliy tajribaga ega boʻlish imkonini beradi. Stipendiyalar davlat va jamoat tashkilotlari yoki xususiy sektorda ishlayotgan, boshqaruv qobiliyatiga ega faol, tashabbuskor mutaxassislarga tanlov asosida beriladi.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Talablar:

• Oʻzbekiston fuqarosi boʻlishi yoki Oʻzbekiston tomonidan berilgan amaldagi pasportga ega boʻlishi, ariza berish va saralash jarayonida mamlakatda istiqomat qilishi
• Bakalavr taʼlimini tugatgan, bakalavr diplomi yoki bakalavr darajasiga ega boʻlgan sertifikatning boʻlishi
• 2021-yil avgustgacha kamida 5 yillik toʻliq ish tajribasiga ega boʻlishi

Bundan tashqari ariza topshiruvchilardan quyidagilar kutiladi:

1. Yetakchilik salohiyati va oʻz jamoasiga manfaat koʻrsatish istagi;
2. Kasbiy rivojlanish uchun qobiliyat hamda oʻz ixtisoslashgan sohalarining siyosiy koʻrinishlariga qiziqishi;
3. darsdan tashqari mashgʻulotlarida va jamoat ishlarida faol boʻlish;
4. Intellektuallik, tashabbuskorlik va AQSH tashkilotlari va mutaxassislari bilan aloqa oʻrnatish qobiliyati;
5. Dasturda ishtirok etish uchun oʻzini koʻrsata olishi;
6. Ariza topshiruvchilar dastur asosida olingan tajribalarini oʻz mamlakatlari va tashkilotlarida ham qoʻllash imkoniyati;
7. AQSHda oʻqish uchun ingliz tilini yetarlicha bilishi;
8. Humphrey dasturini targʻib qilish va oʻz yurtiga qaytish istagi;

1. Ushbu universitetlarga kirish uchun talab qilinadigan standartlashtirilgan test xarajatlari;
2. J-1 vizasini olishga yordam (Viza almashinuvi dasturi)
3. Ekonom-klass toifasidagi ikki tarafga uchish aviachiptasi;
4. Tibbiy sugʻurta;
5. AQSHda yashash xarajatlari;
6. AQSHda oʻqish boshlanishidan oldingi tanishtiruv dasturi;

Eslatma: Dastur ariza topshiruvchining unga hamroh boʻlgan oila aʼzolarining xarajatlarini qoplamaydi;

Topshirish uchun quyidagi hujjatlar talab qilinadi:

• Bakalavr diplomi yoki bakalavr darajasini tasdiqlovchi sertifikat;
• TOEFL/IELTS (ixtiyoriy) sertifikati;
• Tavsiyanoma xati 2 ta;
• Reyting daftarchasidan nusxalar;

Eslatma: Tavsiyanomalardan biri hozirgi ish beruvchingizdan boʻlishi lozim. Tavsiyanomalar tavsiya etuvchilar tomonidan onlayn tizimda topshiriladi. Agar onlayn topshirish imkoni boʻlmasa, tavsiya etuvchilar tavsiyanoma shaklini yuklab olib, uni toʻldirib TashkentFulbright@state.gov elektron manziliga yuborishlari soʻraladi. Fulbright idorasi tavsiyanomalarni qabul qilgach, tavsiyanoma bergan shaxslarga javob xati joʻnatadi. Tavsiyanomalar ingliz tilida boʻlishi kerak.

• Humphrey stipendiya dasturi juda raqobatbardosh boʻlib, ariza topshiruvchilar yuqorida koʻrsatilgan talablarga toʻla javob berishlari kerak.
• Ariza topshirish muddati tugagandan soʻng, barcha yuborilgan onlayn arizalar texnik koʻrikdan oʻtkaziladi.
• Texnik koʻrikdan oʻtgan arizalar elchixona rasmiylari va sobiq grant yutganlardan tashkil topgan tanlov komissiyasi tomonidan koʻrib chiqiladi.
• Ular har bir arizani standart mezonlarga asoslanib baholaydi.
• Soʻngra eng yuqori ball toʻplagan ariza topshiruvchilar AQSh elchixonasida boʻlib oʻtadigan suhbatga taklif qilinadi.
• Yuqori ball toʻplagan ariza topshiruvchilar AQSH elchixonasi taqdim etgan vaucherlardan foydalanishi uchun TOEFL ga roʻyxatdan oʻtishlari talab qilinadi.
• Tanlangan nomzodlarning ismlari yakuniy tasdiqlash uchun Vashington shtatidagi J.William Fulbright nomidagi chet el stipendiyalari kengashiga yuboriladi.
• Grant gʻoliblari 2022- yilning kuzida AQSHdagi oʻz universitetlariga yoʻl oladilar.