AQSHda to‘liq moliyalashtirilgan holda ilmiy tadqiqot qilish imkoniyatini beruvchi Fulbright Visiting Scholar Program dasturi

Umumiy maʻlumotlar

The Fulbright Visiting Scholar Program - universitet professor-oʻqituvchilari va kamida 10 yillik professional tajribaga ega mutaxassislar uchun Amerikada 3 oydan 5 oygacha to‘liq moliyalashtirlgan holda quyidagi yo‘nalishlarda tadqiqot olib borish imkoniyati beradi:

• Leksiya oʻtish boʻyicha: Universitetda kunduzgi taʼlimda leksiya qiladigan va konsultatsiya beradigan oʻqituvchilar uchun;
• Ilmiy izlanish boʻyicha: Post-doktorantura bosqichida kunduzgi taʼlimda tadqiqot olib boruvchi olimlar uchun;
• Leksiya/Ilmiy tadqiqot yoʻnalishi: Universitetlarda leksiya oʻtuvchi oʻqituvchilar va ilmiy izlanish olib boruvchi olimlar uchun;

Nomzodlar The Fulbright Visiting Scholar Program dasturining bir qismi bo‘lgan Fulbright Junior Faculty dasturiga ham ariza topshirishlar mumkin. Bunda alohida ariza to‘ldirish talab etilmaydi, ammo talablar biroz o‘zgaradi.

Fulbright Junior Faculty dasturi uchun oliy o'quv yurtida kamida 3 yillik to‘liq tajribaga ega ilmiy ish qilishni istaydigan o‘qituvchilar 1 semestrlik grantlarga ariza topshirishlari mumkin. Ushbu grantni yutish uchun nomzodlar kursda qanday ilmiy ish qilishlari va uning strategik ahamiyati haqida batafsil yozishlari so‘raladi. 

Fulbright Junior Faculty granti uchun nomzodlarga qo‘yilgan talablar:

• Yosh oʻqituvchilarni oʻqitish orqali taʼlim tizimida ijobiy oʻzgarish qilishga yordam berish;
• Oʻzbekiston va AQSh olimlari oʻrtasida uzoq muddatli hamkorlik va institutsional aloqalarni rivojlantirish;
• Ikki xalq olimlarning keng qamrovli hamjamiyatini yaratish va oʻzaro aloqalarni mustahkamlashga koʻmaklashish.