AQShda xarajatlari qoplanadigan 1 haftalik intensiv dastur — Stanford Venture Fellowship

Stanford universiteti tomonidan AQShda xarajatlari toʻliq qoplanadigan 1 haftalik dastur — Stanford Venture Fellowship taqdim etiladi. Dastur uchun 10 nafar ishtirokchi saralab olinadi.

Dastur davomida ishtirokchilar katta va muhim loyihalar yaratish bilan bogʻliq gʻoyalar va loyihalar ustida ishlashadi hamda turli suhbatlarda qatnashadilar. Shu orqali biznes yoki startaplar yaratish boʻyicha bilim va koʻnikmalarga ega boʻlishadi.

Bir haftalik dastur kichik guruh mashgʻulotlari, munozaralar va biznesini boshlayotganlar, tadqiqot olib borayotganlar yoki katta loyiha ustida ishlayotganlar bilan suhbatlarni oʻz ichiga oladi.

Dastur AQShning Kaliforniya shtatida 2026-yilning 29-mayidan 3-iyunigacha oʻtkaziladi.

Dastur haqida batafsil ushbu havola orqali maʼlumot olish mumkin.

• Butun dunyo boʻylab sohasidan qatʼi nazar barcha qatnashishi mumkin (talaba, asoschi, tadqiqotchi, yetakchi va hokazo);
• 16 yoshdan katta boʻlish talab etiladi;
• Nomzodlarda tashabbuskorlik, qiziquvchanlik va yaratish boʻyicha tajriba boʻlishi kerak;
• Dastur doirasidagi barcha tadbirlarda toʻliq ishtirok etish shart. Faqat baʼzi kechki yigʻilishlar ixtiyoriy hisoblanadi.

Eslatma: 18 yoshdan kichik nomzodlar ariza topshirishdan oldin ota-ona yoki vasiy xabardorligiga ega boʻlishi kerak.

• Dasturda qatnashish va safar xarajatlari qoplanadi;
• Turar joy bilan taʼminlanadi;
• Vizani qoʻllab-quvvatlovchi hujjatlar beriladi;
• Universitet talabalari va professor-oʻqituvchilari bilan bevosita muloqot qilish;
• Startap, tadqiqot va innovatsion loyihalar jarayonini real misollar orqali oʻrganish;
• Qobiliyatli insonlar bilan tarmoq imkoniyati;

Eslatma: Rasmiy dastur tomonidan beriladigan ovqatlar odatda qoplanadi. Dastur tomonidan taqdim etiladigan imkoniyatlar haqida dastur boshlanishidan oldin toʻliq xabar beriladi.

Dasturga qiziqqanlar ushbu havola orqali ariza topshirishlari mumkin. Arizani toʻldirish uchun 10–15 daqiqa ketadi.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Taʼlimga oid maʼlumotlar;
• Nomzod qilayotgan ishi va nima yaratmoqchiligi haqida;
• Ishtirokchi egallagan koʻnikma va qobiliyatlar;
• 60 soniyalik video (ixtiyoriy);
• Rezyume (ixtiyoriy);
• Qoʻshimcha havolalar.

Muhim: Natijalar dastur boshlanishidan kamida bir oy oldin eʼlon qilinadi. Har bir ariza alohida baholanadi.

Baʼzi nomzodlar saralashdan soʻng suhbatga taklif qilinishi mumkin.

• Dasturga hujjat topshirish uchun oxirgi muddat: 4-aprel 2026-yil;
• Natijalar dastur boshlanishidan kamida bir oy oldin eʼlon qilinadi;
• Tanlangan ishtirokchilarga kelishdan oldin batafsil jadval taqdim etiladi;
• Takroran soʻraladigan savollarga javob bu yerda.