AQSHdagi eng nufuzli oliygohlardan biri - Coe Collegeda bakalavr bosqichida bepul o‘qish uchun Global Leadership Scholarship grant dasturi

AQSH davlati yetakchi oliygohlardan biri bo‘lgan Coe College oliygohining bakalavr bosqichida  o‘qish uchun  Global Leadership Scholarship dasturini e’lon qiladi.

Dastur oliygohning barcha yo‘nalishdagi bakalavr bosqichida hujjat topshirish imkoniyatini beradi, shuningdek dasturga qabul qilingan talabalar o‘quv to‘lovidan ozod qilinadi.  Bir yillik kontrakt puli $48 822ni tashkil qiladi. Coe College oliygohi talabalarga amaliyot o‘tash, tadqiqot olib borish hamda  kampusdan tashqari o‘qishlariga kafolat beradi. Bundan tashqari, talabalar dastur davomida Xitoy, Yaponiya, Nepal, Vyetnam, Germaniya va Hindiston kabi mamlakatlarning 80 dan ortiq  talabalar bilan birgalikda o‘qish, fikr almashish, izlanishlar olib borish imkoniyatiga ega bo‘lishadi.

Coe College mamlakatning yetakchi Fulbrigt  oliygohlaridan biridir. So‘nggi to‘qqiz yil ichida 32 nafar talaba Fulbright dasturi g‘olibi bo‘lishgan.

• Nomzod AQSH fuqarosi yoki doimiy rezidenti bo‘lmasligi;
• O‘rta maktab, kollej yoki litseyni tugatgan  bo‘lishi;
• Coe College oliygohining kunduzgi bakalavr kurslaridan biriga qabul qilingan bo‘lishi;
• Coe College oliygohining kirish talablariga javob berishi lozim.

Ushbu havola orqali dastur bilan batafsil tanishib chiqish mumkin.

• Kontrakt puli to‘liq qoplanadi.

     Muhim: Universitetning bir yillik kontrakt miqdori $48 822ni tashkil qiladi. Boshqa xarajatlar bilan quyidagi havola orqali batafsil tanishib chiqish mumkin.

Coe College oliygohiga hujjat topshirish quyidagi tartibda amalga oshiriladi:

Ushbu havola orqali ro'yxatdan o'tiladi.

Hujjat topshirishda quyidagilar so‘raladi:

• Nomzodning o‘rta ta’limda olgan baholari (ingliz tilidagi tarjimasi bilan);
• Agar mavjud bo‘lsa, milliy imtihon natijalari (masalan, WAEC, WASSCE, ‘O’ darajasi,  ‘A’ darajasi, SLC va boshqalar);
• SAT, ACT, TOEFL, IELTS yoki DET sertifikatlaridan biri;
• International Student Financial Statement- nomzodning moliyaviy ahvoli haqida hujjat;
• Barcha hujjatlar admission@coe.edu  elektron manziliga yuboriladi.

Global Leadership Scholarship dasturiga  onlayn shaklda ariza topshiriladi.

Arizada quyidagilar so‘raladi:

• Nomzodning shaxsiy va  akademik  ma’lumotlari, darsdan tashqari faolligi;
• Rezyume;
• “To live is to choose. But to choose well, you must know who you are and what you stand for, where you want to go and why you want to get there.” - Kofi Annan mavzusida  500-1000 so‘zdan iborat esse.

Qo'shimcha ma'lumot uchun:

admission@coe.edu