AQShdagi Jahon bankida ish haqi toʻlanadigan stajirovka — Young Professional Program dasturi

Young Professionals Program (YPP) dasturi Jahon Banki tomonidan tashkillashtirilgan stajirovka hisoblanadi. Dastur xalqaro rivojlanish, taʼlim, oʻz sohasida ish tajribasi orttirishga qiziquvchi, oʻz ishlayotgan muassasasida yetakchilik qiluvchi va rivojlanuvchi nomzodlar uchun moʻljallangan. Dasturda magistratura yoki doktoranturada oʻqigan va dastur talablariga javob beradigan barcha, hattoki nogironligi bor shaxslar ham ishtirok etishi mumkin.

Dastur gʻoliblari AQShning Vashington shahrida The World Bank, The International Finance Corporation (IFC) va the Multilateral Investment Guarantee Agency (MIGA)dan biri bilan besh yillik shartnoma imzolanadi. Stajirovka davomida ish haqi toʻlanadi va bir qator xarajatlar qoplanadi.

Eslatma: stajırоvka Vashingtonda yoki Jahon Bankining har qanday mamlakatdagi ofislarida joylashgan boʻlishi mumkin va shunga koʻra boshqa joyga koʻchib oʻtishga tayyor boʻlish kerak.

Dasturga ariza tорshirish 2024-yil 1-оktyabr 04:59 gacha davоm etadi.

Dastur haqida batafsil ushbu havola orqali maʼlumot olish mumkin.

Dasturda qatnashish uchun quyidagi talablar mavjud:

• Nomzod 1992-yil 1-oktyabrdan keyin tugʻilgan boʻlish kerak;
• Magistratura yoki doktorantura bosqichini 2025-yil 1-sentyabrgacha tugatgan boʻlishi lozim;
• Mutaxassisligi Young Professional Program dasturida belgilangan yoʻnalishlardan biriga mos kelishi kerak;
• Kamida toʻrt (4) yillik toʻliq kunlik ish tajribasi (doktoranturada oʻqish uchun oʻtkazilgan vaqt, shuningdek tegishli sohalarda yarim kunlik ish tajribasi va amaliyotlar talab qilinadigan umumiy ish tajribasiga kiritilishi mumkin)
• Nomzod ingliz tilini yaxshi bilishi lozim;
• Jahon banki maʼmuriyati nomzodlarni iloji boricha kengroq geografik hududni qamrab olgan holda, Jahon bankiga aʼzo davlatlar roʻyxatiga kiruvchi davlatlardan saralab olishga harakat qiladi. Oʻzbekiston ham roʻyxatda mavjud.

Nogironligi boʻlgan shaxslar ham qatnashishlari mumkin. Ular uchun maxsus stajirovkaga qabul qilish jarayoni boʻlib oʻtadi. Bu haqida ushbu havola orqali batafsil bilib olish mumkin. Nogironligi bor shaxslar uchun kerak boʻladigan qoʻshimcha maʼlumotlarni ushbu manzildan soʻrash mumkin.

Dastur uchun toʻgʻri keladigan mutaxassisliklar roʻyxati bilan ushbu havola orqali batafsil tanishish mumkin.

Dastur talablari haqida ushbu havola orqali batafsil maʼlumot olish mumkin.

Dastur uchun qabul qilinganlar quyidagi imkoniyatlarni qoʻlga kiritishadi:

• The World Bank, The International Finance Corporation (IFC) va the Multilateral Investment Guarantee Agency (MIGA)dan biri bilan 5 yillik shartnoma tuzib beriladi;
• Stajirovka davomida oylik ish haqi toʻlanadi;
• Tibbiy sugʻurta, shaxs sugʻurtasi va halokat sugʻurtasi ham dastur tomonidan qoplanadi;
• Jahon banki talablariga asosan pensiya haqi, kelib joylashish uchun joy hamda ishga kelish uchun sharoitlar yaratib beriladi;
• AQShning Vashington shahrida stajirovka yuzasidan intensiv mashgʻulotlar olib boriladi. Bu jarayonda yetakchilik asoslari, muassasalarda rivojlanish jarayonlari va imkoniyatlardan unumli foydalanish borasidagi mashgʻulotlar boʻlib oʻtadi;

Dasturning imkoniyatlari haqida ushbu havola orqali batafsil tanishib chiqish mumkin.

Dasturga ushbu havоla оrqali hujjat tорshirish mumkin.

Eslatma! Ariza topshirishdan oldin dastur talablari bilan batafsil tanishib chiqish hamda barcha kerakli hujjatlar bor-yoʻqligini tekshirish maslahat beriladi. Ariza topshirish jarayonida nomzod stajirovka amalga oshiradigan joyni tanlashi kerak (The World Bank, The International Finance Corporation (IFC) va the Multilateral Investment Guarantee Agency (MIGA))dan birini. Bir martadan koʻp hujjat topshirish ularning dasturda gʻolib boʻlishlarini anglatmaydi va bunday holatlarda nomzodlik uchun koʻrib chiqilmaydi.

Dasturda ishtirok etish uchun quyidagi hujjatlar soʻraladi:

• Rezyume/CV (1 bet bоʼlishi afzal kоʼriladi)
• pasport (rasmiy pasport boʻlmasa, unga tenglashtirilgan hujjat);
• Akademik hujjatlari (diplom, oʻqishni shu yili tugatishi haqidagi xat, maʼlum bir bosqichda oʻqishni isbotlovchi bitirish sanasi va baholar transkripti keltirilgan maʼlumotnoma);
• Nоmzоdni professional darajada yaxshi biladigan shaxslardan ikkita (2) tavsiyanоma.

Stajirovka uchun soʻraladigan hujjatlar roʻyxati bilan ushbu havola orqali batafsil tanishib chiqish mumkin.

Muvaffaqiyatli nomzodlar dekabr-yanvar oylarida intervyu va/yoki baholashga taklif qilinadi, yakuniy natijalar esa fevral oyida takliflar yuborilishi kutilmoqda.

Jahon bankining aʼzo davlatlari roʻyxati bilan ushbu havola orqali batafsil tanishish mumkin.

Young Professional Program dasturi va dastur kelajagi, oʻtmishi va u haqidagi dastur ishtirokchilari fikri aks ettirilgan maxsus videolavhalar bilan ushbu havola orqali tanishish mumkin.