AQShdagi Top 50talik universitet qatoriga kiruvchi University of South Floridada bakalavr darajasini bepul o'qish imkoniyatini taqdim qiluvchi grant dasturlari

AQSh ning Top 50 talik universitetlar ro'yxatiga kiruvchi University of South Florida (USF) oliygohi bakalavr darajasida o'qimoqchi bo'lgan xalqaro talabalarga o'qish to'lovini qoplash uchun quyidagi grantlarni taqdim etadi:

USF Green & Gold Presidential Waiver Award. 

Umumiy miqdori: $48,000 (yiliga $12,000 gacha)

USF Green & Gold Directors Waiver Award. 

Umumiy miqdori: $36,000 (yiliga $9,000)

USF Green & Gold Scholars Waiver Award. 

Umumiy miqdori: $24,000 (yiliga $6,000)

USF International Student Scholarship. 

Umumiy miqdori: $4,000 (yiliga $1,000)

Nomzodlarga taqdim etiladigan grant miqdori ularning akademik yutuqlari va salohiyatiga qarab belgilanadi. 

• Nomzod universitetda bakalavr darajasida o'qish talablariga mos kelishi lozim;
• 2022-yil kuzgi semestrdan o'qishni boshlaydigan xalqaro talabalar grant yutishlari mumkin;
• Nomzodlar ingliz tilini yaxshi bilishlari lozim ( IELTS minimum 6.5);
• O'zlashtirishing o'rtacha natijasi (GPA) 4.0 dan kamida 3.30 bo'lishi kerak (grant turiga qarab o'zgarishi mumkin);
• SAT yoki ACT test ballariga ega bo'lishi kerak;
• Nomzod grantga da'vogarlik qilish uchun 2022-yil 1-fevralgacha to'liq shakldagi onlayn arizani topshirishi lozim;

Aynan O'zbekistondan bo'lgan nomzodlar uchun qo'yiladigan talablar, kerakli hujjatlar haqida batafsil ushbu havola orqali tanishib chiqish mumkin.

• Grant sohiblari to'liq yoki qisman o'qish to'lovidan ozod etiladi (masalan, umumiy $48,000 gacha);
• Universitetda bakalavr darajasida o'qish uchun to'liq shakldagi arizani taqdim etgan nomzodlar to'g'ridan-to'g'ri grantga da'vogarlik qiladi.

Nomzodlarga taqdim etiladigan grant miqdori ularning akademik yutuqlari va salohiyatiga qarab belgilanadi.

Ushbu havola orqali xalqaro talabalar uchun grant dasturlari haqida batafsil ma'lumot olish mumkin.

1. Onlayn tarzda ariza to'ldiriladi ($30 ariza to'lovi to'lanishi kerak).
2. Talab qilingan hujjatlarning nusxalari va ingliz tilidagi tarjimalari (agar ingliz tilida bo'lmasa) bilan birgalikda taqdim etilishi kerak:

• Maktab shahodatnomasi (attestati) nusxasi;
• Akademik transkript(baholar) va GPA ko'rsatkichi;
• Pasport nusxasi;
• Til bilish sertifikati;
• SAT/ACT balli.

Bakalavr darajasida o'qish uchun hujjat topshirish jarayoni, talablar bilan ushbu havola orqali to'liq ma'lumot olish mumkin.

Aynan O'zbekistondan bo'lgan nomzodlar uchun qo'yiladigan talablar, kerakli hujjatlar haqida batafsil ushbu havola orqali tanishib chiqish mumkin.

• Nomzodga taqdim etilgan grant miqdori haqidagi xabarnoma qabul qilinganlik xati yoki qabul qilingandan keyin yuboriladigan alohida xatga kiritiladi. Grant miqdori nomzodning OASIS akkauntida ham ko'rsatiladi.
• Universitetga qabul jarayonida hech qanday insho, motivatsion xat talab etilmaydi.
• Qo'shimcha savol va murojaatlar uchun: international@usf.edu