AQShning Maryville College oliygohida to'liq bepul o'qish imkoniyatini taqdim etuvchi International Diversity Scholarship grant dasturi

International Diversity Scholarship — AQShdagi Maryville College oliygohi tomonidan har yili eng iqtidorli xalqaro talabaga taklif etiladigan grant dasturi. Ushbu grant dasturi oliygoh tomonidan taqdim etiladigan eng nufuzli grant dasturlaridan biri hisoblanadi va barcha bakalavr dasturlari uchun amal qiladi.

Grant dasturi faqat 1 nafar talabaga taqdim etiladi

Grant sohibi 4 yillik bakalavr darajasida oʻqish toʻlovidan toʻliq ozod etiladi va boshqa xarajatlar talaba tomonidan qoplanishi kerak.

Bakalavr dasturlari haqida batafsil ushbu havola orqali tanishib chiqish mumkin.

• Nomzod AQSh fuqarosi boʻlmasligi kerak;
• Universitetda bakalavr darajasida oʻqish uchun toʻliq arizani taqdim etgan va qabul qilingan boʻlishi kerak;
• Nomzod yuqori akademik yutuqlarga erishgan boʻlishi va kuchli xarakter, yetakchilik salohiyatiga ega boʻlishi kerak;
• Maryville College kampusidagi xalqaro xilma-xillikni boyitish boʻyicha aniq rejaga ega boʻlishi kerak;
• Maryville College kampusida xalqaro talabalar orasida yetakchilik salohiyatini koʻrsatish uchun aniq rejaga ega boʻlishi kerak (inshoda bayon etilishi lozim);
• Kelajakda boshqalarni ushbu grant dasturiga va universitetga hujjat topshirishga ragʻbatlantirishga tayyor boʻlishi kerak;
• Nomzod ajoyib tashkiliy va muloqot qobiliyatlariga ega boʻlishi kerak;
• Toʻrt yillik oʻqish davrida kampusda yashashi kerak.

Maryville College bakalavr dasturlarida oʻqish talablari bilan ushbu havola orqali tanishib chiqish mumkin.

• Maryville College Diversity Scholarship grant dasturi sohibi 4 yillik oʻqish toʻlovidan toʻliq ozod etiladi.

Muhim: Har yili grantga ega boʻlishi uchun talaba oliygohning Global Ishtirok Markazi(Center for Global Engagement) bilan haftasiga 2 soat ishlashi kerak, oʻrtacha bahosi (GPA) 3.0/4.0 dan tushib ketmasligi va F-1 viza holatini saqlab qolishi kerak boʻladi.

1. Nomzod Maryville College bakalavr darajasida oʻqish uchun toʻliq arizani taqdim etishi lozim. Bakalavr dasturlariga onlayn ariza toʻldirish va hujjat topshirish boʻyicha ushbu havola orqali maʼlumot olish mumkin.
2. Bakalavr dasturida oʻqish uchun qabul qilingandan soʻng nomzodga MaryVille Portal (MVP) tizimida grant dasturiga ariza berish uchun ruxsat beriladi.

Grant uchun ariza berish davomida, nomzoddan 250 soʻzli insho soʻraladi. Nomzod inshoda quyidagi savollarga javob bergan holda aynan nima sababdan uni grant dasturi uchun tanlanishi kerakligi haqida bayon etishi lozim:

• How will studying at Maryville College advance your academic and career goals?
• Explain your plan for sharing your culture on the Maryville College campus as part of our Cultural Ambassadors program.
• Give examples of previous experiences that have prepared you to implement your plan successfully.

Oliygohda mavjud bakalavr dasturlari haqida batafsil ushbu havola orqali tanishib chiqish mumkin.

Bakalavr dasturida oʻqish uchun talab etiladigan ayrim hujjatlar:

• Onlayn ariza;
• Maktab yoki kollej/litsey diplomi nusxasi;
• Motivatsion xat yoki tarjimayi hol (resume);
• Ingliz tilini bilish sertifikati (minimum IELTS 6.5; TOEFL IBT 80);
• SAT/ACT test ballari (ixtiyoriy.

Eslatma: tanlangan dasturga qarab talab etiladigan hujjatlar roʻyxati oʻzgarishi mumkin.

Qoʻshimcha savollar bilan rasmiy sayt orqali onlayn murojaat etish mumkin. Yoki ushbu elektron manzil orqali murojaat etish mumkin: international@maryvillecollege.edu