AQShning Oʻzbekistondagi elchixonasi tomonidan barcha bosqich talabalari uchun Summer Work and Travel program dasturi

AQShning Oʻzbekistondagi elchixonasi “Summer Work Travel” - “Yozgi taʼtilda ish va sayohat” dasturining navbatdagi qabuli ochilganligini eʼlon qiladi.

“Summer Work Travel” dasturining maqsadi jahonni taʼlim va madaniy almashuv orqali oʻrganishdan iborat. Аlmashinuv dasturi boʻyicha kelgan barcha tashrif buyuruvchilar dasturlari tamomlangandan soʻng oʻz davlatlariga qaytib borib yangi tajribalarni oʻrtoqlashishlari va tarqatishlari kutiladi.

Ushbu dastur xorijiy talabalarga kollej yoki universitetdagi yozgi taʼtillari davomida Qoʻshma Shtatlarda yashash va ishlash imkoniyatini beradi. Eng muhimi, mazkur almashuv dasturi ishtirokchilar Аmerika xalqi bilan oʻzaro aloqa qilish hamda Аmerika madaniyati bilan tanishish imkoniga ega boʻladilar.

Dastur talabaning oʻqiyotgan oliygohi taʼtiliga qarab 4 oygacha davom etadi. Ushbu muddat talabalarning oʻqish kunlariga taʼsir qilmasligi kerak. Dastur davomiyligi jadvali bilan batafsil ushbu havola orqali tanishish mumkin. Dastur yakunlangandan soʻng talabalar oʻz davlatiga qaytishlari kerak boʻladi.

Dasturda qatnashish uchun nomzodlar avval turli xil amerikalik homiylar bilan aloqaga chiqishi va nima ish bilan mashgʻul boʻlishini aniqlashtirib olishi kerak.

Dasturda ishtirok etish uchun nomzodlar quyidagi talablarga javob berishi lozim:

• Doimiy ingliz tilida soʻzlashadigan muhitda qiyinchilikka duch kelmaslik uchun ingliz tilida erkin yaxshi soʻzlasha olishlari kerak;
• Qoʻshma Shtatlar hududidan tashqaridagi oliy oʻquv yurtining bakalavr yoki magistratura bosqichida kunduzgi oʻqish shaklida tahsil olishlari lozim;
• Oliy oʻquv muassasasining hech boʻlmaganda bir semestrini yoki unga teng oʻquv muddatini muvaffaqiyatli tamomlagan boʻlishlari kerak. Yakuniy kursda taʼlim olayotgan va shu yil oʻqishni bitiradigan talabalar oʻquv yili tugashi bilan boshlanadigan taʼtil davomida dasturda qatnashish uchun ariza berishlari ruxsat etiladi. Bunday talabalar arizalarini oʻquv dasturlari tamom boʻlmasdan turib topshirishlari kerak;
• Sirtqi, masofaviy shaklda taʼlim olayotgan talabalar hamda kasb-hunar kollejlari talabalari dasturda qatnashish huquqiga ega boʻlmaydilar.
• Viza olish uchun suhbatdan avval tegishli ishga joylashishlari shart. Bunda turli xil amerikalik homiylar bilan bogʻlanish tavsiya qilinadi;
• Suhbatdan oʻtishdan avval vakolatlarni taqsimlash va odam savdosi qurbonlarini himoya qilish toʻgʻrisidagi William Wilberforce Trafficking Victims Protection Act pamphlet (Uilyam Uilberfors Qonuni yozilgan risola)ni oʻqishlari va tushunib olishlari kerak. Risolaning elektron shaklini ushbu havola (yoki rus tilidagi variantini) yuklab olish mumkin;
• Dasturni toʻrt oy davomida yakunlab, yangi semestr boshlanishiga qadar qaytib kelish imkoniyatiga ega boʻlishlari lozim. Muddatlar boʻyicha talablar haqida qoʻshimcha ushbu havola orqali maʼlumot olish mumkin.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan talabalar quyidagi imtiyozlarga ega boʻladi:

• Summer Work Travel dasturi talabalarga yozgi taʼtil davomida Qoʻshma Shtatlardagi odamlar va turmush tarzi bilan tanishish va tajribaga ega boʻlish imkoniyatiga ega boʻladi;
• Ishtirokchilar AQSh boʻylab sayohat qilish bilan birga, yaxshigina daromad qilish imkoniga ham ega boʻladi.

Dastur manfaatli jihatlari haqida batafsil ushbu havola orqali maʼlumot olish mumkin.

Dasturda ishtirok etish uchun Jismoniy shaxslar DS-160 soʻrovnomasini toʻldirish va onlayn tarzda suhbatga yozilish orqali vizaga ariza topshirishning odatiy tartibida murojaat qilishlari mumkin.

“Yozgi taʼtilda ish va sayohat” dasturida ishtirok etish uchun quyidagi hujjatlar talab etiladi:

• DS-160 soʻrovnomasining elektron shakli. Mazkur ariza ushbu havola boʻyicha elektron shaklda toʻldirilishi mumkin. Viza turi almashuv dasturi boʻyicha, yaʼni ISQ dasturi uchun tanlanadi va sizning vizangiz turi J1 boʻladi;
• Xorijga chiqish uchun haqiqiy boʻlgan pasport;
• Soʻnggi 6 oy ichida olingan fotosurat (fotosurat rangli, 5sm x 5sm hajmda va oq fonda boʻlishi kerak);
• Аlmashinuv dasturi boʻyicha viza olish uchun DS-2019 shakli. Mazkur shakl homiylik qiluvchi tashkilot tomonidan beriladi;
• Qoʻshma Shtatlarda sizga taklif etilayotgan ish haqida maʼlumot;
• SEVIS (Student and Exchange Visitor Information System – Talabalar va almashuv dasturlari qatnashchilari toʻgʻrisidagi maʼlumot tizimi) toʻlovini tasdiqlovchi I-901 yoki I-797 shakli;
• Talabalik maqomini tasdiqlovchi hujjatlar, masalan talabalik guvohnomasi, reyting daftarchasi va h.k.

Toʻlovlar:

• Har bir ariza topshiruvchidan ariza topshirish uchun — 160 АQSh dollar;
• “Yozgi taʼtilda ish va sayohat” dasturida ishtirok etish uchun SEVIS toʻlovi 35 АQSh dollar;

Dasturining istiqboldagi qatnashchilariga turli xil amerikalik homiylar bilan bogʻlanish tavsiya qilinadi. Work and Travel dasturining mahalliy agentlari xususiy kompaniyalar boʻlib, ular haq evaziga xizmat koʻrsatadilar va odatda malakali amerikalik homiy bilan bogʻlangan boʻladilar. Ishtirokchilar Oʻzbekistondagi turli xil Work and Travel dasturi vakillari tomonidan taklif etiladigan toʻlov va xizmatlarni solishtirishlari lozim.

DIQQАT: Toshkentdagi АQSh elchixonasining Konsullik boʻlimi “Yozgi taʼtilda ish va sayohat” dasturiga ariza topshirishga yordam beruvchi Oʻzbekistondagi hech qaysi muayyan agentlik yoki tashkilotni qoʻllab-quvvatlamasligini eslatib oʻtadi.

Anketadagi fotosurat soʻnggi olti oy mobaynida olingan boʻlishi kerak. Talablarga javob bermaydigan fotosurat topshirish viza berilishining kechikishiga sabab boʻladi. Fotosuratlarga talablar haqida batafsil ushbu havola orqali maʼlumot mavjud.

Muhim maʼlumotlar:

• DS-160 shaklidagi anketa;
• Talab etilgan hujjatlarni tayyorlash;
• Qoʻshimcha hujjatlarni tayyorlash;
• Suhbatga yozilish;
• Suhbat kunini oldinroq belgilash;
• Vizani suhbatsiz yangilash;
• Maʼmuriy toʻlovni toʻlash;
• Koʻp beriladigan savollar bilan tanishish;
• Guruhlar uchun suhbat vaqtini belgilash.

Quyida АQShdagi almashuv dasturi homiylaridan DS-2019 olishga yordam berishi mumkin boʻlgan, АQShdagi almashuv dasturi homiylarining Oʻzbekistondagi vakil hamkorlarining roʻyxati keltirilgan.

АQShning Oʻzbekistondagi missiyasining Konsullik boʻlimi quyidagi shaxslar yoki firmalar tomonidan taqdim etiladigan xizmatlarning sifati yoki kasbiy mahoratlari darajasi uchun hech qanday javobgarlik yoki masʼuliyatni oʻz zimmasiga olmaydi. Ushbu roʻyxatga kiritilishi АQSh davlat departamenti, yoki АQSh elchixonasi, yoki АQSh bosh konsulligi tomonidan tasdiqlanmagan. Аgentliklarning nomi alifbo tartibida keltirilgan boʻlib, boshqa ahamiyat kasb etmaydi.

Yozgi taʼtilda ish va sayohat mavsumi uchun quyidagi tashkilotlar roʻyxatga olingan:

• Exchange Uz LLC;
• GLF-Global Friends;
• International Exchange Center;
• International Exchange Center-Uzbekistan;
• J1United;
• Life Adventures Consulting;
• LLC Lifeway Consulting dba Global Friends;
• CAEP, Center For American Exchange Programs.

Qoʻshimcha murojaatlar uchun:
AQShning Toshkentdagi elchixonasi
Yunusobod tumani, Moyqoʻrgʻon koʻchasi, 3-uy, 5-uy
100093, Toshkent, Oʻzbekiston Respublikasi

Email: ACSTashkent@state.gov
ConsularTashkent@state.gov
TashkentIV@state.gov

Tel: +998 781205450;
Fax: +998 781206335.