AQShning Oʻzbekistondagi elchixonasi tomonidan Fargʻona vodiysi ayol-qizlari uchun Academy for Women Entrepreneurs (AWE) dasturi
-
26/09/2022 Qabul boshlanishi
-
Bepul Moliyalash turi
-
Oʻzbekiston Davlat
-
26/09/2022 20:00 Oxirgi muddat
Umumiy maʻlumotlar
Tadbirkor ayollar akademiyasi (AWE) kichik biznesiga ega boʻlgan ayollar uchun maxsus ishlab chiqilgan trening va murabbiylik dasturidir. Bu dastur tashabbuskor ayollarga muvaffaqiyatli biznesni boshlash va kengaytirish uchun zarur boʻlgan bilim, hamkorlar topish imkoniyatini beradi.
AQShning Oʻzbekistondagi elchixonasi va Tech4Impact nodavlat notijorat tashkiloti hamkorligida butun dunyo boʻylab tadbirkor ayollarni qoʻllab-quvvatlovchi AQSh hukumati tashabbusi bilan Oʻzbekistonda ilk bora Tadbirkor ayollar akademiyasini (AWE) tashkil etilmoqda. Dastur Fargʻona vodiysidagi tadbirkor ayollar uchun taqdim etiladi.
AWE dasturi Arizona shtat universiteti tomonidan ishlab chiqilgan DreamBuilder deb nomlangan onlayn kursga asoslangan holda olib boriladi. Oʻzbekistonning yetakchi mahalliy biznes rahbarlari 2022-yil oktyabrdan 2023-yil fevraligacha davom etishi rejalashtirilgan intensiv dasturda ishtirok etishlari mumkin.
AWE dasturi orqali ishtirokchilar asosiy biznes koʻnikmalariga ega boʻladilar va tajribali dasturchilar, mahalliy murabbiylar va AQSh almashinuvi bitiruvchilari bilan qizgʻin muhokama olib borish imkoniyatiga ega boʻladi.
Saralangan ishtirokchilar avval onlayn kurslarni yakunlaydi va mahalliy tashkil etiladigan oflayn kurslarni davom ettiradi.
Maqbullik shartlari
- Dasturda 25-40 yoshdagi Fargʻona vodiysida istiqomat qiluvchi ayol-qizlar ishtirok etishi mumkin;
- Dastur ingliz tilida olib borilgani sabab ingliz tilini mukammal darajada bilish zarur. Sertifikat talab etilmaydi;
- Kamida 1 yildan beri faoliyat yuritayotgan biznesiga ega boʻlishi kerak;
- Noutbukdan foydalanish imkoniyati mavjud boʻlishi lozim;
- Haftada 4+ soat vaqt ajratgan holda onlayn va oflayn sessiyalarda qatnasha olishi lozim;
- Ushbu dasturda ishtirok etish uchun kuchli motivatsiyasiga ega boʻlishi va uni ariza topshirishda koʻrsata olishi kerak.
Dastur talablari bilan batafsil ushbu havola orqali tanishish mumkin.
Foydali tomonlari
Dasturda ishtirok etish quyidagi imkoniyatlarni taqdim etadi:
- Dasturda bepul ishtirok etish;
- Ichki transport xarajatlari uchun moddiy yordam;
- Biznesni boshqarish boʻyicha jahon darajasidagi onlayn treninglarda, shuningdek, mahalliy biznes rahbarlari bilan murabbiylik mashgʻulotlarida, mahalliy tadbirkorlar bilan aloqa oʻrnatishda ishtirok etish;
- Ishtirokchilar dasturni tugatgandan soʻng sertifikat va US Exchange Alumni jamoasiga aʼzo boʻlish.
Maʼlumot uchun: Dasturning 2021-yilgi mavsumi tamomlagan 80 ta mamlakat ayollarining 74 foizi biznes daromadlarini oshirdi va 29 foizi koʻproq xodimlarni ish bilan taʼminladi,
Dastur imkoniyatlari bilan batafsil ushbu havola orqali tanishish mumkin.
Qoʻshimcha maʻlumotlar
Muhim sanalar:
- Saralangan nomzodlar bilan intervyu — 2022-yil 3-4-oktyabr;
- Intervyu bosqichi natijalari — 2022-yil 7-oktyabr;
- Dreambuilder onlayn kursi, mahalliy biznes sessiyalari, xalqaro ekspertlar bilan seminarlar (onlayn va shaxsan), Fargʻonada muvaffaqiyatli biznesga sayohat — 2022-yil oktyabr-noyabr;
- Namangan shahrida individual biznes-mentorlik mashgʻulotlari va o'zaro aloqaga kirish tadbiri: 2022-yil dekabr — 2023 yil yanvar;
- Toshkentdagi Final Pitching tadbiri va taqdirlash marosimi : 2023-yil fevral.
AWE xalqaro dasturi haqida batafsil ushbu havola orqali maʼlumot olish mumkin.
Dastur talablari va foydali tomonlari bilan ushbu havola orqali tanishish mumkin.