AQShning Simmons Universitetida bakalavr bosqichini oʻqish uchun toʻliq moliyalashtiriluvchi Kotzen Scholars grant dasturi

The Simmons Distinguished Scholar Award (ilgari Kotzen nomi bilan tanilgan) dasturi bu -  Simmons Universiteti tomonidan  taqdim etiladigan eng nufuzli grant dasturi bo‘lib, Simmons universitetida transformativ ta'limga qiziqqan eng yaxshi va eng yorqin talabalarni moliyaviy qo'llab-quvvatlaydigan grant hisoblanadi.

Grantga sazovor bo'lgan talabalar 4 yil davomida to‘liq o‘qish pulidan ozod qilinadi hamda yotoqxona bilan ta’minlanadi, shuningdek chet elda o‘qish, tadqiqotlarni qo‘llab-quvvatlash va  ilmiy izlanishlar uchun $3,000 stipendiya  taqdim etadi. Ushbu stipendiya 4 yillik bakalavr bosqichida beriladi.  

Simmons Universitetida o'qish mumkin bo'lgan bakalavr yo'nalishlari bilan ushbu havola orqali ma’lumot olish mumkin.

• Kuzgi semestr uchun birinchi kurs talabasi sifatida hujjat topshirish kerak;
• Ona tilisi ingliz tili boʻlmagan nomzodlardan til sertifikatlari (IELTS, TOEFL, SAT) soʻraladi;
• Simmons universitetining bakalavr bosqichiga faqat ayol-qizlar qabul qilinadi;
• Baholarining oʻrtacha bali (GPA) 3.50 yoki undan yuqori boʻlishi kerak;
• Ariza topshirgan talabalar standartlashtirilgan test ballarini topshirishlari shart emas. Test ballarini topshirishni tanlaganlar uchun ACT boʻyicha 28 va undan yuqori, SATda 1300 yoki undan yuqori ball tavsiya qilinadi.
• Katta sinf yoki litsey oʻquv dasturi doirasida chuqurlashtirilgan matematika oʻqigan boʻlishi lozim;
• Maktabda qoʻlga kiritilgan yutuqlar, AP (advanced placement) va IB (international baccalaureate) kurslarini oʻqiganlik toʻgʻrisida maʼlumot talab qilinadi.

• Oʻqish kontrakt pulidan toʻla ozod etiladi;
• Yotoqxona va tadqiqotlar uchun xarajatlar qoplanadi;
• Yiliga $3,000 stipendiya toʻlanadi.

Dastur imtiyozlari bilan bu yerda batafsil tanishish mumkin.

Grantga hujjat topshirish jarayoni quyidagicha:

1. Hujjatlar ugadm@simmons.edu elektron manzili orqali yuboriladi.
2. Elektron manzilga “Simmons Distinguished Scholar Award application” mavzusi bilan quyidagilarni yuborishi kerak:
   • Rezyume;
   • Nomzod liderlik mahoratini tasvirlab beradigan insho yozishi kerak: qanday tajribalar uni lider qilganini va Simmonsda qanday rahbar/lider boʻlishi haqida 300-500 soʻzdan iborat insho.

Eslatma: Faylni kerakli formatda (PDF yoki Word) topshirish nomzodning majburiyati, qabul komissiyasi mos kelmaydigan formatdagi fayllarni (masalan, Google Docs, Pages va boshqalarni) qabul qilmaydi.

Joʻnatilgan hujjatlarning har bir betida nomzodning ism-familiyasi aks etishi shart!

Bakalavrga hujjat topshirish jarayoni quyidagicha:

• Bakalavrga hujjat topshirish grantdan alohida amalga oshiriladi.
• Buning uchun quyidagi hujjatlar talab etiladi:

1. Umumiy ariza;
2. Ikkita tavsiyanoma (biri oʻqituvchidan, ikkinchisi maslahatchidan);
3. Rasmiy oʻrta maktab attestati (iloji boʻlsa, toʻgʻridan toʻgʻri maktab maʼmuriyatidan yuborilishi va ingliz tiliga tarjima qilingan boʻlishi kerak);
4. TOEFL/IELTS yoki SAT/ACT ballari (Agar ingliz tili npomzodning ona tilisi boʻlmasa, TOEFL/IELTS ballari talab qilinadi);
5. Intervyu (tavsiya etiladi, lekin shart emas);
6. Duolingo ingliz tili testi (tavsiya etiladi, lekin shart emas);

Simmons universitetiga kirish huquqini olgandan soʻng, oʻqishga kirish depozitini topshirgan talabalarga I-20 beriladi.

Bakalavrga hujjat topshirish jarayoni bilan bu yerda batafsil tanishish mumkin.

• Grant olish uchun tanlangan final bosqichidagilar bilan yanvar oyida intervyu oʻtkaziladi.
• Gʻoliblar 1-martgacha xabardor qilinadi.

Aloqa uchun:

• aloqa sahifasi