AQShning Toshkentdagi elchixonasi homiyligida grant takliflarini tayyorlash va grant yozish boʻyicha 4 kunlik bepul seminar-trening

Appalachian Davlat Universiteti tomonidan foydali loyihalarini qoʻllab-quvvatlash maqsadida grant takliflarini tayyorlash va grant yozish boʻyicha 4 kunlik seminar-trening taqdim etiladi. Ushbu dastur Oʻzbekistondagi AQSh elchixonasi tomonidan moliyalashtiriladi.

Seminar 2025-yil may-iyun oylarida Nukus, Qarshi va Andijonda oʻtkazilishi rejalashtirilgan boʻlib unda grant yozish bosqichlari koʻrsatiladi, soha boʻyicha ilgʻor tajribalar yoritiladi hamda seminarlarda trenerlarni tayyorlash (TOT) yondashuvidan foydalaniladi. Seminar yakunida har bir ishtirokchi amalga oshirish uchun Harakatlar rejasi va moliyalashtiruvchi tashkilotga taqdim etish uchun kamida bitta grant taklifini ishlab chiqishi kutilmoqda.

Onlayn seminarlar (Zoom orqali) 2025 yil 4-7 fevral kunlari, oflayn seminarlar esa 2025-yil 19-maydan 2-iyungacha boʻlib oʻtadi.

Dastur haqida batafsil ushbu havola orqali maʼlumot olish mumkin.

• Hozirda Oʻzbekistonda istiqomat qilayotgan boʻlish;
• Oʻzlarining tashkilotlarida yoki jamoalarida oʻzgarishlar qilishga ishtiyoqmand boʻlish;
• Dastur yakunida har bir ishtirokchi Harakatlar rejasi va (moliyalashtiruvchi tashkilotga taqdim etish uchun) kamida bitta grant taklifini ishlab chiqishi kerak;
• Mustaqil ishlashga qodir boʻlish;
• Dasturdan soʻng kamida yana besh kishini tayyorlash, yaʼni oʻrgangan bilimlarini berishi lozim;
• Tashkilot yoki jamoalarda oʻzlari tanlagan loyihalarni ishlab chiqishga chin dildan qiziqish kerak.

Eslatma: Dastur Nukus, Qarshi va Andijonda oʻtkazilsa-da, boshqa shaharlarda istiqomat qiluvchilarning arizalari ham qabul qilinadi.

• Dasturda bepul qatnashish mumkin;
• Ham onlayn ham oflayn qatnashish imkoniyati mavjud;
• Seminar davomida tushlik bilan taʼminlanadi;
• Jamiyatda oʻzgarish qiladigan loyihalar ustida ishlash imkoniyati.

Muhim: Eʼlon qilingan shaharlardan boshqa hududlardan kelgan ishtirokchilar sayohat, turar joy va boshqa tegishli xarajatlarni oʻzlari qoplanishi kerak.

Dasturga ikki xil tilda ariza topshirish imkoniyati mavjud:

• Ingliz tilidagi ariza shakli;
• Oʻzbek tilidagi ariza shakli.

Hujjat topshirishda quyidagilar soʻraladi:

• Shaxsiy maʼlumotlar;
• Nomzod faoliyat olib borayotgan tashkilot haqida maʼlumotlar;
• Shaxsiy bayonot:
  • Nomzodning kasbiy maʼlumoti va hozirgi ishi haqida qisqacha maʼlumot (150 ta soʻz);
  • Seminar-treningda ishtirok etish talabgor va uning tashkiloti uchun qanday ahamiyatga ega ekanligi haqida (250 ta soʻz);
  • Ishtirokchining seminar-treningdan kutayotgan natijalari va maqsadi (250 ta soʻz).
• Rezyume;
• Tashkilot rahbaridan ishtirokchini qoʻllab-quvvatlash maktubi.

• Dasturga hujjat topshirish boʻyicha oxirgi muddat: 15-dekabr, 2024-yil;
• Tel: +998 781205450;
• Faks: +998 781206335.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• YouTube;
• Telegram.