AQShning Toshkentdagi elchixonasi tomonidan huquq sohasiga aloqador yo'nalishda oʻqiyotgan bakalavr talabalari uchun amaliyot dasturi

AQShning Toshkentdagi elchixonasi hozirda Oʻzbekistondagi oliy taʼlim muassasasi bakalavr bosqichining 1-3-kursida oʻqiyotgan talabalar uchun xalqaro tashkilotda amaliyot oʻtash imkoniyatini eʼlon qildi.

Dasturga qabul qilingan talaba INL (International Narcotics and Law Enforcement ), yaʼni xalqaro giyohvand moddalar va huquqni muhozafa qilish boʻlimida 6 davomida amaliyot oʻtash imkoniyatiga ega boʻladi.

Ish vaqti: haftasiga 20 soat, yarim stavka — dushanbadan jumagacha.

Amaliyotchining asosiy vazifalari:

• Onlayn va oflayn uchrashuvlar tashkil etish va monitoring vazifalarini rejalashtirish;
• Tashqi majlislarda qaydlar yozib borish;
• Kerakli hollarda yig'ilishlar yoki tadbirlar bo'yicha hisobotlarni tayyorlash;
• Soha bilan bog'liq yangiliklarning muhim voqealari haqida ijtimoiy tarmoqlarda postlar yaratish;
• Doimiy ravishda oylik faoliyat hisoboti mazmunini tuzish;
• Ijtimoiy tarmoqlardagi akkauntlarni monitoring qilish va muhim bayonotlar haqida hisobot berish;
• Bo'lim tomonidan yuklangan boshqa vazifalarni bajarish.

Nomzodga qoʻyilgan talablar:

• Nomzod kamida 18 yoshdagi Oʻzbekiston fuqarosi boʻlishi zarur;
• Oʻrta maxsus taʼlimni tamomlagan va hozirda Oʻzbekistondagi oliy taʼlim muassasalaridan birida bakalavrning 1-3-kursida oʻqiyotgan boʻlishi kerak;
• Akademik koʻrsatkichlari yuqori boʻlishi va amaliyot yakunidan so'ng universitetidagi o'qishni davom ettirishi lozim;
• Kompyuter, internetdan foydalanish va xodimlar bilan ishlash koʻnikmasiga ega boʻlishi zarur;
• Ingliz, rus va/yoki oʻzbek tillarini mukammal bilishi shart.

Kasbiy mahorati boʻyicha qoʻyilgan talablar:

• Nomzodlar Zoom, WebEx yoki MS Teams’da platformasida ishlash bo'yicha mohir bo‘lishi va ijtimoiy tarmoqlarda xabar e’lon qilish tajribasiga ega bo‘lishi kerak;
• Tashabbus koʻrsatish va oʻzining shaxsiy fikriga ega boʻlishi lozim.

Dastur talablari haqida batafsil ushbu havola orqali maʼlumot olish mumkin.

• Dasturga qabul qilingan talaba xalqaro tashkilotda amaliyot oʻtaydi;
• Ingliz tili va kompyuter bilimlarini oshirish, xalqaro narkotika va huquq sohasi bilan bogʻliq turli mashgʻulotlarda faol ishtirok etish orqali loyiha va vaqtni boshqarish qobiliyatlarini rivojlantirish imkoniga ega boʻladi;
• Amaliyot dasturi tugagandan soʻng AQSh elchixonasi tomonidan maxsus sertifikatga ega boʻladi.

Eslatma: Amaliyotchilarga hech qanday imtiyoz yoki kompensatsiya berilmaydi va kelajakda ish bilan taʼminlanishi kafolatlanmaydi. Amaliyotchi talaba oʻz vazifalarini bepul xizmat koʻrsatish shartnomasi boʻyicha bajaradi. 

Batafsil ushbu havola orqali maʼlumot olish mumkin.

Dasturda ishtirok etish uchun kerakli hujjatlar TashkentRecruitment@state.gov elektron manziliga FFNSIP 2022/04 - “the International Narcotics and Law Enforcement Affairs section”  mavzusi ostida yuborilishi lozim.

Kerakli hujjatlar:

• Toʻldirilgan ariza shakli;
• Pasport nusxasi;
• Oʻqish joyidan maʼlumotnoma;
• Universitetda oʻqiyotgan fanlar va baholari;
• Tavsiyanoma va sertifikatlar (ixtiyoriy).

Barcha hujjatlar ingliz tilida belgilangan muddatgacha topshirilishi shart.

Saralash jarayoni:

• Suhbat uchun faqat saralangan nomzodlar bilan bogʻlaniladi;
• Tanlangan nomzod taʼlim muassasasining yozma ruxsati va boshqa zarur hujjatlarni taqdim etishi kerak;
• Tanlangan nomzod majburiy tibbiy va xavfsizlik ruxsatnomasiga ega boʻlishi kerak.

Dastur haqida toʻliq ushbu havola orqali maʼlumot olish mumkin.

Qoʻshimcha murojaatlar uchun: +99878 120 54 50;