AQShning Toshkentdagi elchixonasi tomonidan IT sohasida oʻqiyotgan bakalavr talabalari uchun amaliyot dasturi — Student Internship Program in the Information Systems Center/IT

AQShning Toshkentdagi elchixonasi hozirda Oʻzbekistondagi oliy taʼlim muassasasi bakalavr bosqichining 1-3-kursida oʻqiyotgan talabalar uchun xalqaro tashkilotda amaliyot oʻtash imkoniyatini eʼlon qildi.

Dasturga qabul qilingan talaba Information Systems Center/IT, yaʼni axborot tahlili markazi boʻlimida 6 davomida amaliyot oʻtash imkoniyatiga ega boʻladi.

Ish vaqti: haftasiga 20 soat, yarim stavka — dushanbadan jumagacha.

Amaliyotchining asosiy vazifalari:

• Dasturiy yechimlarga talablarni toʻplash uchun oxirgi foydalanuvchi maʼlumotlarini tahlil qilish;
• Ilovalarni kodlash, sinovdan oʻtkazish va qayta koʻrib chiqish;
• Nosozliklarni tuzatish va ularni bartaraf etish;
• Doimiy xavfsizlik va ish faoliyatini tekshirish;
• Har doim maxfiylik va yuqori darajadagi yaxlitlikni saqlash;
• Boʻlim tomonidan berilgan boshqa vazifalarni bajarish.

Nomzodga qoʻyilgan talablar:

• Nomzod kamida 18 yoshdagi Oʻzbekiston fuqarosi boʻlishi zarur;
• Oʻrta maxsus taʼlimni tamomlagan va hozirda Oʻzbekistondagi oliy taʼlim muassasalaridan birida bakalavrning 1-3-kursida oʻqiyotgan boʻlishi kerak;
• Akademik koʻrsatkichlari yuqori boʻlishi lozim;
• Kompyuter, internetdan foydalanish va xodimlar bilan ishlash koʻnikmasiga ega boʻlishi zarur;
• Ingliz, rus va/yoki oʻzbek tillarini mukammal bilishi shart.

Kasbiy mahorati boʻyicha qoʻyilgan talablar:

• Professional ish muhitida oldingi amaliyot yoki ish tajribasi bor talablarga afzallik beriladi;
• Kompyuter dasturlash tillaridan bir nechtasini, jumladan, Microsoft .NET, C#, CSS, JavaScript, Python, SQL, Visual Basic, R yoki Git kabilarni bilishi lozim;
• Tashabbus koʻrsatish va oʻzining shaxsiy fikriga ega boʻlishi kerak.

Dastur talablari haqida batafsil ushbu havola orqali maʼlumot olish mumkin.

• Dasturga qabul qilingan talaba xalqaro tashkilotda amaliyot oʻtaydi;
• Xalqaro dasturchilar jamoasiga qoʻshilish, bu orqali butun dunyo mamlakatlari va ularning diplomatik aloqalarini qoʻllab-quvvatlovchi loyihalarda oʻz mahoratini oshirish imkoniyatiga ega boʻladi;
• Ingliz tili va kompyuter bilimlarini oshirish, dasturlash bilan bogʻliq turli mashgʻulotlarda faol ishtirok etish orqali loyiha va vaqtni boshqarish qobiliyatlarini rivojlantirish imkoniga ega boʻladi;
• Amaliyot dasturi tugagandan soʻng AQSh elchixonasi tomonidan maxsus sertifikatga ega boʻladi.

Eslatma: Amaliyotchilarga hech qanday imtiyoz yoki kompensatsiya berilmaydi va kelajakda ish bilan taʼminlanishi kafolatlanmaydi. Amaliyotchi talaba oʻz vazifalarini bepul xizmat koʻrsatish shartnomasi boʻyicha bajaradi. 

Batafsil ushbu havola orqali maʼlumot olish mumkin.

Dasturda ishtirok etish uchun kerakli hujjatlar TashkentRecruitment@state.gov elektron manziliga FNSIP 2022/03 — “ISC/IT Internship Program”  mavzusi ostida yuborilishi lozim.

Kerakli hujjatlar:

• Toʻldirilgan ariza shakli;
• Pasport nusxasi;
• Oʻqish joyidan maʼlumotnoma;
• Universitetda oʻqiyotgan fanlar va baholari;
• Tavsiyanoma va sertifikatlar (ixtiyoriy).

Barcha hujjatlar ingliz tilida belgilangan muddatgacha topshirilishi shart.

Saralash jarayoni:

• Suhbat uchun faqat saralangan nomzodlar bilan bogʻlaniladi;
• Tanlangan nomzod taʼlim muassasasining yozma ruxsati va boshqa zarur hujjatlarni taqdim etishi kerak;
• Tanlangan nomzod majburiy tibbiy va xavfsizlik ruxsatnomasiga ega boʻlishi kerak.

Dastur haqida toʻliq ushbu havola orqali maʼlumot olish mumkin.

Qoʻshimcha murojaatlar uchun: +99878 120 54 50;