AQShning Toshkentdagi elchixonasidan IT sohasiga qiziqqan maktab o'quvchilari uchun xarajatlari qoplanadigan yozgi oromgoh

AQShning Toshkentdagi elchixonasi tomonidan IT yoki tegishli sohalarga qiziqqan 9 yoki 10-sinf o'quvchilari uchun xarajatlari qoplanadigan 17 kunlik yozgi oromgoh taqdim etiladi. 

Yozgi oromgoh maktab o'quvchilarida IT va tegishli sohalarda ingliz tilini bilish qobiliyatini yanada rivojlantirish va mavjud bilimlarni mustahkamlashga qaratilgan. Dastur professional ingliz tilini takomillashtirish, rivojlanayotgan IT texnologiyalarini o‘zlashtirish va ingliz tilini samarali qo‘llash kabi asosiy yo‘nalishlarga qaratilgan oromgohni taklif etadi.

Dastur davomida Ishtirokchilar quyidagilar erishishi ko'zlangan:

• Ingliz tilini rivojlantirish. Bu texnik lug'atni o'rganish va muloqot ko'nikmalarini mashq qilishni o'z ichiga oladi;
• IT ko'nikmalarini rivojlantirish. Bunda IT bo'yicha bilimlarni shakllantirish uchun amaliy trening va seminarlar o'tkaziladi;
• Jamoada ishlash, yetakchilik va muammolarni hal qilish qobiliyatlarini rivojlantirish.

Yozgi oromgoh 2025-yil 28-iyuldan 15-avgustgacha Toshkent, Buxoro, Samarqand, Nukus va Farg'onada o'tkazilishi rejalashtirilgan.

Dastur haqida batafsil ushbu havola orqali ma'lumot olish mumkin.

• IT yoki tegishli sohalarga qiziqqan 9 yoki 10-sinf o'quvchilari qatnashishi mumkin;
• Nomzodlar hozirda Toshkent, Samarqand, Buxoro, Farg‘ona va Nukus shaharlarida istiqomat qilayotgan bo'lishi kerak;
• Yozma va og'zaki ingliz tilini yaxshi bilish lozim;
• Dastur davomidagi barcha tadbirlarda qatnashish shart.

Muhim: O'quvchilar deyilganda O‘zbekiston Respublikasi Maktabgacha va maktab ta’limi vazirligi tasarrufidagi umumta’lim maktablari yoki ixtisoslashtirilgan maktablarning 9 yoki 10-sinflarida yoxud Prezident, ijod va ixtisoslashtirilgan maktablarni rivojlantirish agentligi (PIIMA) huzuridagi Prezident maktablarida tahsil oladiganlar nazarda tutiladi.

• Dastur davomidagi barcha xarajatlar qoplanadi;
• IT sohasi uchun ingliz tili ko'nikmalarini mustahkamlash;
• Kasbiy ko'nikmalarni rivojlantirish va tengdoshlar bilan aloqa o'rnatish;
• IT sohasi yetakchilaridan qimmatli bilimlarni o'rganish imkoniyati.

Dasturda qatnashishni istaganlar ushbu havola orqali shaxsiy akkaunt ochib ariza topshirishlari mumkin.

Dasturga qabul 2 bosqichda amalga oshiriladi:

1. Onlayn ariza topshiriladi.
2. Suhbat. Saralanganlar onlayn suhbatga taklif qilinadi. Suhbat davomida nomzodlar oʻzlarining til bilimlari va IT sohasiga qiziqishlarini namoyish etish imkoniyatiga ega boʻladilar.

Eslatma: Arizalar to'liq ingliz tilida topshiriladi.

• Dasturga hujjat topshirish uchun oxirgi muddat: 15-may, 2025-yil;
• Email: eng4it@americancouncils.org;
• Tel: (+998) 78–150–71–60;
• Dastur haqidagi savollar bilan Telegram botga murojaat qilish mumkin.