AQShning Warren Wilson kollejida bakalavr bosqichida bepul oʻqish uchun Milepost One grant dasturi

Milepost One Program akademik jihatdan faol boʻlgan talabalarga AQShning Warren Wilson kollejida bakalavr bosqichida bepul oʻqish imkoniyatini taqdim etuvchi grant dasturi hisoblanadi. Ushbu dastur har tomonlama bilimli, lekin kollejda oʻqish uchun moliyaviy jihatdan muammosi boʻlgan talabalarni qoʻllab-quvvatlash uchun tashkil etilgan. Dastur davomida talabalar kontrakt toʻlovidan ozod etiladi va ularga kollej yotoqxonasidan yashash uchun joy beriladi.

Dasturda qatnashish uchun nomzodlar quyidagi talablarga javob berishi lozim:

• Warren Wilson kollejiga 2024-yil kuzgi semestrda oʻqish uchun hujjat topshirgan va qabul qilingan boʻlishi kerak;
• Oʻzlashtirish baholar kamida GPA 3.0 koʻrsatkichga ega boʻlishi lozim;
• Oilasining yillik daromadi $150,000 yoki undan kamroq boʻlishi kerak;
• Dastur boshlangach kollej yotoqxonasida yashashi va Warren Wilson Work Programda ishtirok etishi shart;
• Ushbu hujjatni ariza topshirish muddati tugagunga qadar toʻldirib kollejga joʻnatishi kerak;
• Kollejda kunduzgi taʼlimda oʻqishi va oʻqish davomida oʻzlashtirish koʻrsatkichi GPA 2.5 dan kam boʻlmasligi lozim;
• Ingliz tilini yaxshi bilishi kerak (IELTS min 6.5)

Talablar haqida batafsil ushbu havola orqali maʼlumot olishingiz mumkin

Dasturga qabul qilingan talabalar 

• Warren Wilson kollejida 4 yil davomida kontrakt toʻlovlarsiz oʻqish
• Kollej yotoqxonasida yashash imkoniyatiga ega boʻladilar.

Dasturga ariza topshirish uchun nomzodlar avval Warren Wilson kollejining bakalavr bosqichiga hujjat topshirishlari lozim.

Kollejga ariza topshirish uchun quyidagi ishlarni amalga oshirish kerak:

• Onlayn roʻyxatdan oʻtishi va kerakli maʼlumotlarni toʻldirishi kerak
• Maktab yoki kollej/akademik litseyda olgan baholari
• Moliyaviy yordam uchun ariza shaklini toʻldirishlari lozim
• Til bilish darajasini tasdiqlovchi sertifikat — IELTS 6.5/ TOEFL iBT 79 yoki shunga teng daraja
• Tavsiyanoma va tanlagan kurslariga doir qilgan ishlaridan namuna (ixtiyoriy)

Barcha hujjatlar ingliz tilida boʻlishi va ushbu manzilga elektron pochta orqali joʻnatilishi lozim. Batafsil ushbu havola orqali maʼlumot olishingiz mumkin.

Qoʻshimcha savol va murojaatlar uchun: intladmit@warren-wilson.edu