AQShning Yale universitetida xarajatlari toʻliq qoplanadigan professional rivojlanish dasturi
  • 01/10/2022 Qabul boshlanishi
  • Toʻliq Moliyalash turi
  • AQSh Davlat
  • 07/12/2022 22:00 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Oliy ma'lumotli (magistr), Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

AQSh davlatining Yale universiteti tomonidan tashkillashtirilgan World Fellows Program dasturi professional rivojlanishga moʻljallangan. Dasturda 5 yildan 25 yilgacha ish tajribasiga ega nomzodlar qatnashishlari mumkin. Nomzodlardan ingliz tilini dasturda bemalol oʻqiy oladigan darajada bilish talab qilinadi. Qatnashish uchun maʼlum bir yosh chegarasi belgilanmagan. Ishtirokchilar dasturda toʻliq qatnashishlari kerak va u ular butun kun davomida mashgʻulotlar bilan band qilinadi. Dastur davomida seminarlar, maxsus sessiyalar, kun davomida universitet darslari, prezentatsiyalar, taniqli notiqlar bilan ovqatlanishlar, talabalar bilan uchrashuvlar hamda kechki dasturlar tashkillashtiriladi. Shuningdek, ishtirokchilar tashkillashtirilgan sayohatlarda ham qatnashishlari mumkin.

Oʻqish, turar-joy hamda boshqa shu kabi xarajatlar dastur maʼmuriyati tomonidan toʻliq qoplab beriladi. Oʻqish Yale universitetida boʻlib oʻtadi. Bu dastur magistratura yoki doktorantura bosqichida oʻqish emas, balki professional rivojlanish dasturidir. Shuning uchun ham ishtirokchilarga akademik diplom yoki sertifikat taqdim etilmaydi. Dasturga qabul jarayoni 2022-yil 7-dekabrga qadar davom etadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Nomzodlar professional karyeralarini boshlaganiga 5 yildan 25 yilgacha toʻlgan boʻlishi va oʻzlarini hududiy, milliy yoki xalqaro miqyosda namoyon qila olishi lozim;
  • Dasturda qatnashgan ishtirokchilarning oʻrtacha yoshi 39, ammo dasturda qatnashish uchun maʼlum bir yosh talabi belgilanmagan;
  • Nomzod AQSh fuqarosi boʻlmasligi kerak;
  • Dastur ishtirokchilari ingliz tilini darslarda toʻliq qatnasha oladigan darajada yaxshi bilishlari kerak. Ammo til bilish sertifikati talab qilinmaydi;
  • Gʻolib boʻlgan nomzodlar avgust oyining oʻrtasidan dekabr oyi oʻrtasiga qadar Nyu Hevendagi Yale universitetida boʻlish va darslarga toʻliq ravishda qatnasha olishi lozim;
  • Ishtirokchilar ish faoliyati davomida noodatiy yutuqlarga erishgan boʻlishlari kerak. Shuningdek, ular jamiyatga mintaqaviy, milliy va xalqaro miqyosda keltirgan foydalarini namoyon qilib bera olishlari zarur;
  • Nomzod karyerasining kelajagi yorqin va sezilarli darajada global taʼsirga ega boʻlishi kerak. Bundan tashqari ularning tanqidiy, ijodiy, tadbirkorlik va strategik fikrlash qobiliyatlari ham yaxshi boʻlishi lozim;
  • Dasturda qatnashib unga foyda keltira olishi va oʻqish davomida dasturga oʻz hissasini qoʻshishi kerak;
  • Ishtirokchilar dastur davomida mashgʻulotlarda toʻliq qatnashishi, qoʻshimcha darslar oʻtmasligi va universitet qoidalariga amal qilish talab qilinadi.

Eslatma! Hozirda biror joyda magistratura yoki doktorantura bosqichida tahsil olayotgan nomzodlar dasturga ariza topshira olmaydilar. Dastur professional rivojlanish uchun moʻljallangan boʻlib Yale universitetida boʻlib oʻtadi. Dastur soʻngida akademik diplom yoki sertifikat taqdim etilmaydi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

  • Nyu Hevenda yashash xarajatlarini qoplash uchun alohida mablagʻ ajratiladi;
  • Dastur davomida ishtirokchilar shinam, yaxshi jihozlangan, bir yoki ikki xonali yotoqxona bilan taʼminlanadi;
  • Tibbiy sugʻurtalanadi;
  • Davlatga kelish va ketish xarajatlari qoplab beriladi;
  • Ishtirokchilar dasturda qatnashish uchun oila aʼzolari bilan tashrif buyurishlari mumkin. Ularning oila aʼzolariga ham maʼlum yordamlar koʻrsatiladi.

Dasturning foydali tomonlari haqida ushbu havola orqali toʻliq maʼlumot olish mumkin.

Hujjat topshirish

Dasturga ariza topshirish jarayoniga oid muhim maʼlumotlar:

  • Ariza topshirish jarayoni toʻliq onlayn tarzda amalga oshiriladi;
  • Roʻyxatdan oʻtish jarayonida hech qanday badal puli talab qilinmaydi;
  • Ariza topshirish muddati yakunlanguniga qadar nomzodlar ariza shakliga oʻzgartirish kiritish va unga qoʻshimcha hujjatlarni yuklash imkoniyatiga ega boʻladilar;
  • Ishtirokchilar rezyume (CV) (maksimum 3 bet), nomzod haqidagi xat (maksimum 1000 ta soʻz), 3 ta tavsiyanoma kabi hujjatlarni yuklashlari zarur. Ariza topshirish davomida tanishtiruv maqsadida qisqa video joylash imkoni ham mavjud. Roʻyxatdan oʻtgandan soʻng, barcha yoʻriqnomalar koʻrsatiladi.

Ariza topshiruvchilar quyidagilarga amal qilishlari kerak:

  • Ariza topshirish jarayonida mobil telefon, tablet, laptop yoki kompyuterdan foydalanish mumkin. Roʻyxatdan oʻtish jarayonida Google Chrome va Mozilla Firefox internet brouzerlaridan foydalanish tavsiya qilinadi. Ammo boshqa zamonaviy brouzerlardan ham foydalanishga ruxsat beriladi;
  • Birdan ortiq akkaunt orqali roʻyxatdan oʻtish mumkin emas;
  • Agar ariza topshirish jarayonida muammo yuzaga kelsa, boshqa kompyuter yoki veb-brouzerdan kirib koʻrish tavsiya qilinadi;
  • Texnik muammolar yuzaga kelgan taqdirda maʼmuriyat yordam bera olmaydi.

Roʻyxatdan oʻtish jarayoni quyidagicha:

  1. Ariza shakliga e-mail manzili hamda ism-sharifi yoziladi;
  2. E-mail manzilizga joʻnatilgan PIN-kod kiritiladi;
  3. Shaxsiy akkauntga kirish uchun shaxsiy paroli yaratiladi.

Eslatma! Dastur natijalari aprel oyining soʻnggiga qadar e-mail orqali eʼlon qilinadi. Oʻqish avgust oyining oʻrtalaridan dekabr oyining oʻrtasiga qadar davom etadi. Dastur soʻngida ishtirokchilar diplom yoki sertifikat bilan taʼminlanmaydi. Chunki bu magistratura yoki doktorantura emas, balki professional rivojlanish dasturidir. Dasturda qatnashish jarayonida universitet tomonidan imtihonlar olinmaydi hamda diplom transkripsiyalari talab qilinmaydi.

Dasturga ariza topshirish jarayoni haqida ushbu havola orqali toʻliq maʼlumot olish mumkin.

Dasturga ushbu havola orqali roʻyxatdan oʻtish mumkin.

Qoʻshimcha maʻlumotlar

Dasturga roʻyxatdan oʻtish jarayonida muammolar yuzaga kelgan taqdirda ushbu havola orqali javob topish mumkin.

Dastur boʻyicha qoʻshimcha savollar tugʻilgan taqdirda ushbu havola orqali savollarni yozib qoldirish mumkin.

Yale universiteti haqidagi qoʻshimcha maʼlumotlarni ushbu havola orqali topish mumkin.

Nyu Haven shahri haqida ushbu havola orqali qoʻshimcha maʼlumot olish mumkin.

Maʼlumot uchun:

Pochta manzili: International Leadership Center
Yale University
P.O. Box 208359
New Haven, CT 06520-8359.

Tel: (203) 432-1910.

Fax: (203) 432-9886.

Dastur haqida quyidagi ijtimoiy tarmoqlar orqali ham maʼlumot olish mumkin:

-Facebook;

-Instagram;

-Twitter;

-LinkedIn;

-Youtube.

AQSh
AQShning Yale universitetida xarajatlari toʻliq qoplanadigan professional rivojlanish dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar