AQShning Yale universitetidan to'la moliyalashtirilgan holda amaliyot o'tash imkoniyatini taqdim etuvchi Maurice R.Greenberg World Fellows dasturi

Maurice R. Greenberg World Fellows dasturi Yale universitetining Jekson Global masalalar institutiga tegishli to'rt oylik amaliyot dasturi hisoblanadi. Dastur har yili avgust oyining o'rtalaridan dekabr oyining o'rtalariga qadar davom etadi.

Dastur davomida ishtirokchilar o'z dunyoqarashini kengaytirish, o'zaro firk va tajriba almashish, shaxsiy va professional o'sish imkoniyatiga ega bo'ladilar. Shu bilan birga, World Fellows dasturga qabul qilinganlar bepul turar joy va tibbiy sug'urta bilan ta'minlanadi, safar xarajatlari to'liq moliyalashtiriladi.

Dastur non-academic bo'lib, bunda hozir to'liq o'qiyotgan talabalar va olimlar qatnasha olmaydilar. Ushbu dastur dipmosiz bo'lib, hech qanday akademik daraja bilan ta'minlamaydi.

Dasturda avval qatnashganlar haqida batafsil ushbu havola orqali ma'lumot olish mumkin.

Dasturda ishtirok etish uchun nomzodlar quyidagi talablarga javob berishi lozim:

• Nomzod AQSh fuqarosi bo'lmasligi kerak;
• Kamida 5 yillik ish tajribasiga ega, 27 yoshdan katta nomzodlar ishtirok etishi mumkin;
• Yuqori akademik ko'rsatkichga ega bo'lishi lozim;
• Avgust oyining o'rtalaridan dekabr oyining o'rtalariga qadar to'liq Nyu-Xeyvenda joylashgan Yale universitetida yashash imkoniyatiga ega bo'lishi kerak;
• Ingliz tilini yaxshi bilishi kerak;
• Ijtimoiy jihatdan faol, yetakchilik qobiliyatiga ega va ko'plab yutuqlarga erishgan bo'lishi lozim;
• Dastur hozirda to'liq o'qiyotgan talabalar va ishlayotgan olimlar uchun emas.

Dastur talablari haqida batafsil ushbu havola orqali ma'lumot olish mumkin.

Dasturga qabul qilinganlar quyidagi imtiyozlarga ega bo'ladi:

• Safar xarajatlari to'liq moliyalashtiriladi;
• Yashash xarajatlari uchun stipendiya beriladi;
• Turar joy va tibbiy sug'urta bilan ta'minlanadi.

Dasturning manfaatli jihatlari haqida batafsil ushbu havola orqali ma'lumot olish mumkin.

Dasturga ariza topshirish onlayn tarzda bo'lib o'tadi. Nomzodlar avval o'z profillarini yaratadilar va kerakli ma'lumotlarni to'ldiradilar.

Kerakli hujjatlar:

• CV/Rezyume (3 sahifadan oshmasligi shart);
• Personal statement, ya'ni shaxsiy bayonot (1000 so'zdan oshmasligi kerak);
• 3 ta tavsiyanoma;
• Qisqa video bayonot (ixtiyoriy).

Dastur va dasturga ariza topshirish bo'yicha eng ko'p berilgan savollar va ularning javoblari haqida ushbu havola orqali ma'lumot olish mumkin.

Qo'shimcha savollar bo'lsa, ushbu havola orqali so'rash mumkin.

Dasturga qabul qilinganlar 2022-yil aprel oyi oxirigacha email orqali xabardor qilinadi.