Avstraliya hukumati tomonidan tadqiqotchi talabalar uchun yiliga 32,000 dollargacha moliyalashtiriladigan grant dasturi

17/03/2023 Qabul boshlanishi
Grant Moliyalash turi
Avstraliya Davlat
29.09.2023 Oxirgi muddat

Muhim tafsilotlar

Kimlar uchun

Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Research Training Program (RTP) Stipend scholarship (research) dasturi CQUniversity Australia tomonidan xalqaro va mahalliy talabalar uchun tashkillashtirilgan.

Dastur Avstraliya hukumati tomonidan moliyalashtirilib, dastur gʻoliblariga umumiy miqdorda $32,000 pul mablagʻi ajratiladi. Ajratilgan mablagʻ ishtirokchilarning kundalik hamda oʻqish xarajatlari uchun sarflanadi.

Grant 3 yilgacha davom etadi va unda oʻz tadqiqot rejasiga ega, uni davom ettirmoqchi va kelajakda ilmiy izlanish bilan shugʻullanmoqchi boʻlgan talabalar ishtirok etishlari mumkin. Dastur saralash jarayonida nomzodning akademik koʻrsatkichlari hamda tadqiqot loyihasiga oid maʼlum bir jihatlar inobatga olinadi.

Grantga ariza topshirish jarayoni 2023-yil 29-sentabrgacha davom etadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Research Training Program (RTP) dasturida oʻz tadqiqot rejasiga ega, uni davom ettirmoqchi va kelajakda ilmiy izlanish bilan shugʻullanmoqchi boʻlgan nomzodlar qatnashishlari mumkin;
Grantni qoʻlga kiritish uchun nomzodlar CQUniversity RHD coursega qabul qilingan boʻlishi zarur (bu jarayon, dastlabki bosqichda hujjatlar va ilmiy ish haqidagi maʼlumotlarni joʻnatish, ikkinchi bosqichda esa ilmish ish haqida batafsil maʼlumot berishni oʻz ichiga oladi):
Grant asosan dastur ishtirokchilarining tadqiqot mobaynidagi kundalik va oʻqish xarajatlarini qoplab berish uchun ajratilgan boʻlib, agarda nomzodning grant uchun ajratilgan mablagʻning 75 foizidan ortiq qoʻshimcha qoʻllab-quvvatlovchi daromad manbai (faqatgina kundalik xarajatlar uchun, boshqa daromad manbalari bundan mustasno) boʻlsa, bunday nomzodlar grantga daʼvogarlik qila olmaydi;
Dasturga ariza topshirayotgan vaqtda ishtirokchilar boshqa grant yoki shu kabi dasturlar tomonidan stipendiya olayotgan boʻlmasliklari lozim.

Eslatma! Ariza topshirish jarayonida soʻralgan barcha hujjatlar topshirilishi shart. Yakunlanmagan arizalar koʻrib chiqilmaydi.

Dastur talablari bilan batafsil ushbu havola orqali tanishish mumkin.

Foydali tomonlari

Dasturning quyidagi foydali tomonlari mavjud:

Grant gʻoliblari RTP Stipend Scholarships tomonidan har yili $32,000 gacha miqdorda oʻqish va kundalik xarajatlarini qoplash uchun pul mablagʻi bilan taʼminlanadi. Ushbu mablagʻ har ikki haftada universitet toʻlov tizimi orqali yetkazib beriladi;
Grant tomonidan ajratilgan mablagʻ ishtirokchining 3 yil, yaʼni tadqiqotni amalga oshirish jarayonidagi barcha oʻqish va kundalik xarajatlarini qoplab beradi.

Eslatma! Dastur uchun ajratilgan mablagʻni olish uchun alohida ariza shakli toʻldirish talab qilinmaydi.

Hujjat topshirish

Grant uchun toʻgʻridan toʻgʻri ariza topshirilmaydi. Avvalambor, tadqiqot loyihasi ilmiy rahbarlar tomonidan koʻrib chiqib tasdiqlanishi lozim. Undan soʻng, ilmiy rahbarlar tavsiyasiga asoslanib, ehtimoliy nomzodlar School of Graduate Research tomonidan ariza topshirish uchun jalb qilinadi. Grant gʻoliblari esa elektron pochta orqali eʼlon qilinadi.

Dastur saralash jarayoni quyidagicha amalga oshiriladi:

Akademik yutuq, koʻrsatkichlari hamda yozish mahorati (0-20 ball);
Tadqiqot loyihasining sifati va CQUniversity tadqiqot sohalariga koʻra dolzarbligi (0-15 ball);
Tadqiqotning negizi, muhimlik darajasi, tajriba doirasi va amalga oshirilish muhiti (0-15 ball).

Dastur saralash jarayoni haqida qoʻshimcha maʼlumotlarni ushbu havola orqali topish mumkin.

Rasmiy havola Hujjat topshirish