Avstraliyadagi Macquarie universitetida bakalavriat va magistratura bosqichida o’qish uchun oʻzbekistonlik talabalar uchun maxsus grant

Avstraliyadagi Macquarie universiteti oʻzbekistonlik bakalavriat va magistratura talabalari uchun 10,000 Avstraliya dollari miqdoridagi grant taqdim etadi.

Grant 2024-2025 oʻquv yilida Macquarie universitetida oʻqimoqchi boʻlgan iqtidorli talabalar uchun amal qiladi va unga hujjat topshirish yil davomida ochiq.

Ushbu grantdan asosiy maqsad iqtidorli xalqaro talabalarni mamlakatga jalb qilish, universitetning taʼlim sohasidagi mavqeyini oshirish va tadqiqotlarni ragʻbatlantirish orqali mamlakatda turli sohalarda oʻzgarishlar qilishdan iborat.

Maʼlumot uchun: Macquarie universiteti 1964-yilda tashkil etilgan boʻlib, universitetning akademik va tadqiqotchilari chuqur bilimga ega va ular bergan bilimlar natijasida universitet bitiruvchilari yaxshi ishlarni egallab jamiyatga foyda keltirishmoqda. Universitetning kampusi mamlakatining eng eʼtirof etilgan kampuslaridan biri hisoblanadi.

Dastur haqida batafsil ushbu havola orqali maʼlumot olish mumkin.

• Dasturda oʻzbekistonlik bakalavriat va magistratura talabalari qatnashishi mumkin;
• Ingliz tilini dasturda qatnashish darajasida bilish lozim;
• Nomzod Macquarie universitetidagi yoʻnalishlardan biriga oʻqishga qabul qilinishi kerak;
• Grantni yutgan talabalar bir vaqtning oʻzida boshqa stipendiya dasturlarida ishtirok etishi mumkin emas.

Muhim: Yuqoridagilar nomzodlarga qoʻyilgan umumiy talablardir. Shuning uchun yoʻnalishlarga qoʻyilgan ichki talablar bilan ham tanishib chiqish lozim.

• Har yili 10,000 Avstraliya dollari miqdorida stipendiya beriladi (har semestr uchun 5,000 Avstraliya dollari);
• Yillik oʻqish toʻlovlarining taxminan 25 foizi qoplanadi.

Eslatma: Ushbu stipendiya kursning toʻliq muddati uchun amal qiladi.

Dasturda qatnashishni istaganlar ushbu havola orqali universitetning rasmiy veb-saytidan roʻyxatdan oʻtib ariza topshirishlari mumkin.

Muhim: Nomzodning Macquarie universitetiga qabul qilingani toʻgʻrisida xat kelsa, qabul qilishning oxirgi muddatigacha boshlangʻich toʻlov toʻlanishi kerak.

• Arizalar yil davomida qabul qilinadi. Biroq grantlar soni cheklanganligi uchun nomzodlar arizalarni iloji boricha ertaroq topshirishlari kerak;
• Grantning nomzodga mos turini topish bu yerda;
• Toʻlov va xarajatlar haqida batafsil bu yerda;
• Email: study@mq.edu.au;
• Tel: +61 2 9850 7346.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• YouTube;
• Linkedin.