Avstraliyaning birinchi raqamli universiteti bo'lgan Australian National Universityda Xalqaro Munosabatlar yo'nalishida magistratura bosqichida mutlaqo bepul o'qish imkoniyatini beruvchi Hedley Bull Scholarship granti

Avstraliyaning Australian National University (ANU) College of Asia & the Pacific oliygohining Xalqaro Munosabatlar bo'limi har yili Hedley Bull Scholarship grant dasturi orqali Xalqaro Munosabatlar yo'nalishida magistratura darajasida o'qimoqchi bo'lgan 4 nafar talabalarga universitetda bepul o'qish imkoniyatini taqdim etadi. Grant dasturi talabaning 2 yillik o'qish pulini to'liq qoplaydi.

Tanlov talabalarning yuqori akademik potensial va yutuqlariga asosan amalga oshiriladi. Talabalar grantni yutishi uchun universitet talablariga mos kelishi lozim.

• Nomzod ANU oliygohida Xalqaro Munosabatlar yo'nalishining magistratura darajasida o'qish talablariga mos kelishi;
• Nomzod bakalavr diplomida kamida GPA 6.0/7.0 ga ega bo'lishi;
• Universitetda o'qish uchun ingliz tilini bilish talablariga mos bo'lishi kerak (IELTS min 6.5);
• Stipendiya boshlanadigan yili 1-semestrdan, ya'ni 2022-yil sentyabrdan o'qishni boshlashi.

Maqbullik shartlari va yo'nalish haqida aniq tasavvurga ega bo'lish uchun Master of International Relations (MIR) haqida batafsil o'qib chiqish tavsiya etiladi.

• Universitetda 24 oy mobaynida o'qish puli to'liq qoplanadi.

Universitet imtiyozlari, uni to'xtatib qo'yish holatlari va talabalarga qo'yilgan majburiyatlar haqida ushbu havola orqali batafsil tanishib chiqish mumkin.

1. Universitetda magistratura darajasida o'qish uchun online ariza to'ldiriladi. Quyidagi barcha hujjatlar ingliz tilida taqdim etilishi lozim:

• Bakalavr diplomining rangli nusxasi;
• Bakalavr baholari (transcripts);
• Motivatsion xat (supporting statement);
• Tavsiyanomalar;
• Qo'shimcha covering letter (motivatsion xat) - stipendiyaga da'vogarlik qilish uchun ariza to'ldirish vaqtida taqdim etilishi lozim. Nomzod xatda grant dasturiga qiziqishi va nega aynan unga grant taqdim etilishi kerakligi haqida yozishi kerak.

Tanlov jarayonida, nomzodning qo'shimcha motivatsion xati va magistratura uchun topshirgan hujjatlari birgalikda ko'rib chiqiladi.

Master of International Relations (MIR) yo'nalishi haqida batafsil ma'lumot.

Qo'shimcha savol va murojaatlar uchun: bell.postgrad@anu.edu.au 

Grant uchun tanlov natijalari 2022-yil yanvar oyining boshida e'lon qilinishi rejalashtirilgan.