Avstraliyaning Melburn universitetida magistratura va doktorantura bosqichlarida tahsil olish uchun toʻliq moliyalashtiriladigan Graduate Research Scholarships grant dasturi

Avstraliyaning Melburn universiteti tomonidan magistratura yoki doktorantura bosqichlarida oʻqish uchun 600ga yaqin nomzodlarga moʻljallangan Graduate Research Scholarship dasturini tashkil etilgan. Ushbu dastur orqali talabalar barcha sohalarda tahsil olishlari mumkin.

Dastur magistratura bosqichi uchun 2 yil va doktorantura bosqichi uchun esa 4 yil davom etadi. Dasturda Melburn universitetiga qabul qilingan yoki universitetga kirish talablariga javob beruvchi barcha nomzodlar ishtirok etishi mumkin. Har yili taxminan 600 kishi grantni qo'lga kiritadi.

Graduate Research Scholarshipga qabul qilingan talabalarning oʻqish kontrakt puli qoplananadi va yashash xarajatlari uchun alohida mablagʻ ajratiladi.

Dasturda ishtirok etish uchun quyidagi talablar mavjud:

• Nomzod Melburn universitetiga magistratura yoki doktoranturaga ariza topshirgan va kirish talablariga javob beradigan darajada bo'lishi va ayni vaqtda ushbu bosqichda o'qish uchun qabul qilingan bo'lishi kerak;
• Graduate Research Scholarship dasturida nomzodlar so'nggi erishgan akademik ko'rsatkichlari hamda ilmiy izlanish salohiyatlariga qarab baholanadi;
• Dasturda ishtirok etish uchun ingliz tilini bilish kerak. Dastur yo’nalishiga qarab IELTS sertifikati talab qilinishi mumkin.

Dastur bilan ushbu havola orqali batafsil tanishish mumkin.

Dastur ishtirokchilari quyidagi imkoniyatlarni qoʻlga kiritishadi:

• Magistratura qabul qilingan talabalar 2 yilgacha, doktoranturaga qabul qilingan talabalar esa 4 yilgacha kontrakt toʻlovidan ozod qilinadi;
• Magistratura va doktorantura talabalariga dastur davomida yashash xarajatlari uchun yiliga $38,500 miqdorda pul toʻlab beriladi. Ushbu to'lov kasal bo'lganda va farzand tarbiyasi uchun ajratiladigan pulni ham o'z ichiga oladi;
• Xalqaro talabalarga Avstraliyaga kelib joylashish uchun 3000 dollar miqdordagi mablagʻ ajratiladi;
• Tibbiy sugʻurta xarajatlari qoplab beriladi;
• Ilmiy ishlarini chop etish puli to'lab beriladi. Ushbu to'lov miqdori ilmiy ish turiga qarab magistrantlar uchun maksimum $420 va doktorantlar uchun maksimum $840 gacha bo'ladi.

Dasturning imkoniyatlari haqida batafsil ushbu havola orqali tanishish mumkin.

Dastur uchun hujjat topshirish tartibi:

• Melburn universitetining magistratura yoki doktorantura bosqichlaridan biriga hujjat topshirgan talabalar avtomatik tarzda Graduate Research Scholarship dasturi nomzodiga aylanadi;
• Dastur uchun avval hujjat topshirgan va grant uchun koʻrib chiqilishi keyinga qoldirilgan universitet talabalari joriy yilning 31-oktyabriga qadar ushbu havola orqali ariza topshirishlari mumkin.
• Hozirda Melburn Universitetida oʻqiyotgan talabalar joriy yilning 31-oktyabrgacha ushbu havola orqali roʻyxatdan oʻtishlari mumkin.

Magistratura yoki doktorantura tadqiqot kurslari haqida ushbu havola orqali batafsil tanishish mumkin.

Dasturga ushbu havola orqali ariza topshirish mumkin.

Melburn universitetining Graduate Research Scholarshipsdan tashqari Australian Government Research Training Program (RTP) Scholarships grant dasturi ham mavjud.

Dastur haqida qo'shimcha savollarga ushbu havola orqali javob topish mumkin.

Ushbu grant va uning talablari haqida ushbu havola orqali to'liq ma'lumot olish mumkin.

Universtitet bilan bog'lanish uchun telefon raqam: +61 3 9035 5511