Avstraliyaning Sidney universitetida magistratura yoki doktorantura bosqichini oʻqish va tadqiqot olib borish uchun xarajatlari toʻliq qoplanadigan Avstraliya hukumati granti

Avstraliya hukumati tomonidan tashkillashtirilgan Australian Government the Research Training Program (RTP) Scholarship dasturi bakalavr darajasini yakunlagan va tadqiqot qilishni maqsad qilgan xalqaro talabalar uchun moʻljallangan boʻlib, grant moliyaviy fondi $143,881 ni tashkil etadi. Har bir talaba uchun  $41,753 miqdorda grant ajratilib, u talabalarning kontrakt puli, yashash va boshqa xarajatlarni oʻz ichiga oladi. Saralash jarayonida nomzodlarning akademik koʻrsatkichlari, tadqiqot boʻyicha tajribasi hamda nashr etilgan ishlari inobatga olinadi. Shuningdek, nomzod Sidney universitetining magistratura (master’s by research) yoki doktorantura bosqichiga qabul qilingan/ushbu universitetdan qabul xatini olgan boʻlishi lozim.

2026-yilda boshlanadigan dasturga qabul jarayoni 2025-yil 10-oktyabrgacha davom etadi.

Dastur haqida ushbu havola orqali batafsil tanishib chiqish mumkin.

Dasturda qatnashish uchun nomzodlarga quyidagi talablar qoʻyilgan:

• Ayni damda tadqiqot olib borayotgan yoki tadqiqot olib borishni boshlagan xalqaro talaba boʻlishi lozim;
• Saralash jarayonida nomzodlarning akademik koʻrsatkichlari, tadqiqot boʻyicha tajribasi hamda nashr etilgan ishlari inobatga olinadi;
• Sidney universitetining magistratura yoki doktorantura bosqichiga qabul qilingan/ushbu universitetdan qabul xatini olgan boʻlishi lozim.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlar mavjud:

• Har bir nomzodga $41,753 miqdorida grant ajratiladi (2025-yil hisobi boʻyicha);
• Sidneyga borish-kelish xarajatlari qoplanadi;
• Sogʻliq sugʻurtasi ham grant tarkibiga kiradi;
• Tezis yozish va koʻchib joylashish xarajatlari qoplanadi.

Dastur foydali tomonlari haqida ushbu havola orqali toʻliq maʼlumot olish mumkin.

Grantga arizalarni qabul qilish 4 davrda davom etadi, hozir esa 2026-yilning 1 va 2 davri uchun qabul boʻlib oʻtyapti. Nomzodlar grantga 2025-yil 10-oktyabrgacha ariza topshirishlari mumkin. Nomzodlar Sidney universitetiga qabul qilingandan soʻng, ushbu grantga ariza topshirish mumkin, soʻng grant Sidney universitetida oʻqish xarajatlarni qoplab beradi.

Dasturga ariza topshirishda quyidagi hujjatlar soʻraladi va jarayon quyidagicha boʻladi:

1.Sidney universiteti tomonidan berilgan talaba identifikatsion raqami (SID):

-9 xonali SID raqamini xatosiz kiriting;

-Notoʻgʻri terilgan SID qabul qilinmaydi.

2. Akademik baholar:

-Bunda universitet akademik baholaridan tashqari hujjatning orqa varagʻiga baholash tizimi haqidagi maʼlumot ham kiritilgan va barcha maʼlumotlar ingliz tilida boʻlishi lozim.

3. Tadqiqot tajribasi (ixtiyoriy):

-Tadqiqot bilan bogʻliq hujjatlar yoki tajriba boʻlgan taqdirda kiritish soʻraladi, lekin majburiy emas;

-Ushbu turdagi hujjat taqdim etilgan taqdirda u berilgan namuna shaklida boʻlishi kerak;

-Berilgan namunada topshirilmagan hujjatlar baholanmaydi.

4. Fayl va fayl nomlari:

-Har bir topshirilgan kategoriyadagi hujjat bir pdf fayli shaklida boʻlishi kerak;

-Har bir fayl 18 belgidan oshmagan nom bilan belgilanishi zarur;

-Ariza topshirish jarayonida faqat shu ikki hujjat soʻraladi. CV, tadqiqot bayonoti va boshqa hujjatlar talab qilinmaydi. Qoʻshimcha hujjatlar kerak boʻlgan taqdirda dastur maʼmuriyati bilan bogʻlanib soʻraladi.

Eslatma! Soʻralgan hujjatlar uchun maxsus namuna berilgan boʻlib, ularni soʻralgan shaklda topshirish lozim.

Dastur boʻyicha eng koʻp beriladigan savollar va ularning javoblari bilan ushbu havola orqali tanishish mumkin.

Avstraliyaning Sidney universiteti haqida ushbu havola orqali maʼlumot olish mumkin.

Dastur boʻyicha qoʻshimcha maʼlumotlarni quyidagi ijtimoiy tarmoqlar orqali ham topish mumkin:

- Twitter;

-Facebook;

-Instagram;

-You tube;

-Javascript.