Avstriyada bakalavr va magistratura talabalari uchun oyiga €1,462 maosh to‘lanadigan Scientific Internship amaliyot dasturi

Avstriyaning IST tadqiqot instituti tabiiy fanlar, kompyuter fanlari, matematika va shunga tegishli boʻlgan boshqa yoʻnalishlar boʻyicha bakalavr va magistratura bosqichini tugatgan yoki davom ettirayotgan talabalar uchun ilmiy amaliyot dasturini eʼlon qiladi. Dastur tadqiqot va kasbiy rivojlanish uchun qulay muhitni yaratish bilan birga yosh olimlarni keyingi bosqichlarga tayyorlash uchun ish faoliyatlarini oshiradigan xizmatlarni taklif qiladi. Amaliyot dasturi 1 yil muddatgacha tayinlanadi va dastur davomida ishtirokchilarga shartnoma asosida €1,462 miqdorda oylik haq toʻlanadi.

Dasturga yilning istalgan vaqtida ariza topshirish mumkin! Faqatgina amaliyot oʻtash mumkin boʻlgan muddat ariza topshirilgan vaqtdan 2 oy keyin boʻlishi shart. 

Dastur haqida ushbu havola orqali toʻliq maʼlumot olish mumkin.

• Nomzodlar tabiiy fanlar, kompyuter fanlari, matematika yoki boshqa dasturga tegishli soha boʻyicha bakalavr yoki magistraturani yaqinda tugatgan yoki oʻqiyotgan boʻlishi kerak. Dastur doirasidagi tadqiqot yoʻnalishlari haqida ushbu havola orqali batafsil maʼlumot olish mumkin;
• Nomzod dasturning topshirayotgan yoʻnalishi boʻyicha kuchli qiziqishi hamda bilimga ega boʻlishi kerak;
• Nomzod dasturning topshirayotgan yoʻnalishi boʻyicha tajriba va texnik koʻnikmaga ega boʻlishi ustunlik beradi;
• Boshqa tashkilotda ishlab yoki boshqa dastur tomonidan moliyalashtirib turib dasturda qatnashish mumkin emas.

Dastur haqida ushbu havola orqali toʻliq maʼlumot olish mumkin.

• Oylik €1,462 haq toʻlanadi;
• Yoʻl xarajatlari qoplab beriladi;
• Tibbiy sugʻurta va turar-joy bilan taʼminlanadi;
• Xalqaro tashkilotda ishlash va tajriba almashish imkoni mavjud.

Dasturga ariza topshirish jarayoni quyidagicha:

1. Mavjud tadqiqot guruhlaridan oʻzingiz qiziqqan yoʻnalishni aniqlang;
2. Mos yoʻnalishni tanlab boʻlgach grandschool@ist.ac.at orqali tadqiqot rahbari yoki tarkibdagi olim bilan bogʻlaning. Bunda quyidagi maʼlumotlarni yuborish soʻraladi:
   • Dasturga qiziqishingiz, jamoada ishlashingizga boʻlgan ishtiyoqingiz haqida qisqacha maʼlumot beruvchi motivatsion xat;
   • CV (PDF formatda)
   • Amaliyot oʻtashingiz mumkin boʻlgan muddatlar (kamida ariza topshirilgan vaqtdan 2 oy keyingi muddat yozilishi shart).

Eslatma: Dasturga yilning istalgan vaqtida ariza topshirish mumkin! Faqatgina amaliyot oʻtash mumkin boʻlgan muddat ariza topshirilgan vaqtdan 2 oy keyin boʻlishi shart. Oxirigacha yetkazilmagan arizalar qabul qilinmaydi. Faqatgina saralab olingan nomzodlar bilan bogʻlaniladi.

Arizalari maʼqul topilgan nomzodlarga tadqiqot rahbarlarining yordamchisi tomonidan keyingi bosqich haqida xabar beriladi.

Dastur maʼmuriyati qoʻshimcha savollar boʻlgan taqdirda ushbu havola orqali murojaat qilish mumkin.

PhD darajasiga ega boʻlgan nomzodlar ushbu havola orqali murojaat qilishlari mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-X;

-Facebook;

-YouTube;

-Instagram.