Ayol-qizlar uchun 8 haftalik akademik mentorlik dasturi — Unite Girls Research Fellowship

Ayol-qizlar uchun 8 haftalik akademik mentorlik dasturi — Unite Girls Research Fellowship taqdim etiladi.

Ushbu dastur yosh ayol-qizlarni ilmiy tadqiqot asoslari bilan tanishtirish hamda ularga mustaqil ilmiy maqola yozishda yoʻl-yoʻriq koʻrsatish uchun moʻljallangan.

Dastur Pioneer Academics va Lumiere Education kabi dasturlarni tamomlagan mentorlar tomonidan olib boriladi. Ularning barchasi Middlebury College va University of Texas at Austin kabi universitetlar bilan bogʻliq professorlar rahbarligida ilmiy tadqiqot olib borgan.

Dasturning asosiy maqsadlari:

• Yosh ayol-qizlarga tadqiqotning asosiy koʻnikmalarini oʻrgatish;
• Akademik yozuv va tanqidiy fikrlash qobiliyatlarini rivojlantirish;
• Mustaqil izlanish olib borishda ishonchni mustahkamlash;
• Dalillarga asoslangan fikrlashni ragʻbatlantirish;
• Ishtirokchilarni kelajakdagi akademik va professional imkoniyatlarga tayyorlash.

Dastur 2026-yilning mart oyining oʻrtasidan may oyining oʻrtasigacha 8 hafta davomida oʻtkazilishi rejalashtirilgan. Dastur yakunida har bir ishtirokchi original ilmiy maqola yozib tugatadi va oʻz ishini rasmiy taqdimot orqali namoyish etadi.

Dastur haqida batafsil ushbu havola orqali maʼlumot olish mumkin.

• 15-20 yosh oraligʻidagi ayol-qizlar qatnashishi mumkin (ushbu yosh oraligʻidan tashqaridagi arizalar ham individual tarzda koʻrib chiqilishi mumkin);
• Ingliz tilini C1 yoki undan yuqori darajada bilish lozim
• Tadqiqot va akademik rivojlanishga kuchli qiziqish koʻrsatish kerak;
• 2 oy davomida mustaqil ilmiy maqola yozishni yakunlashga tayyor va masʼuliyatli boʻlish lozim;
• Nomzodlar tanqidiy fikrlash, mustaqil ishlash va jiddiy akademik ish yaratishga tayyor boʻlishlari kerak;
• Yuqori motivatsiyaga ega va masʼuliyatli ishtirokchilar tanlab olinadi.

Eslatma: Agar talabgorning til bilish darajasi pastroq boʻlsa ham ariza topshirish mumkin. Chunki har bir nomzod alohida baholanadi.

Dastur davomida ishtirokchilar quyidagi imkoniyatga ega boʻladilar:

• Dasturda bepul qatnashish;
• Ilmiy tadqiqot qanday ishlashini oʻrganish;
• Aniq va tushunarli tadqiqot savolini ishlab chiqish;
• Mustaqil tadqiqot olib borish;
• Toʻliq ilmiy maqola yozish;
• Yakuniy taqdimotda oʻz tadqiqot natijalarini taqdim etish.

Dasturga qiziqqanlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Ingliz tilini bilish darajasi va uni tasdiqlovchi sertifikat;
• Insho savollariga javob berish:
  • Why do you want to join the Unite Girls Research Fellowship?
  • Describe one issue or problem that genuinely interests or concerns you. Why does it matter?
  • If you could research anything for the next two months, what would you choose and why?
  • This fellowship requires consistent work for 8 weeks. Describe a time when you committed to a long-term goal and completed it. What did you learn?
  • How many hours per week can you realistically dedicate to this program?
• Yozma ish namunasi (insho, maqola, maktab topshirigʻi va boshqalar);
• Dastur boʻyicha savollar.

Muhim: Nomzodlarga imkon qadar erta ariza topshirish tavsiya etiladi, chunki erta yuborilgan arizalar ustuvor tarzda koʻrib chiqilishi mumkin.

• Dasturga hujjat topshirish uchun oxirgi muddat: 6-mart 2026-yil;
• Saralangan nomzodlar suhbat (intervyu) bosqichiga taklif qilinadi;
• Savollar yoki qoʻshimcha maʼlumot uchun Telegram orqali murojaat qilish mumkin.