Ayol-qizlar uchun Avstriyada xarajatlari qoplanadigan dastur — OSCE Womenʼs Peace Leadership Programme

Tinchlik oʻrnatish va nizolarni hal qilish sohasida faol boʻlgan ayollar uchun Avstriyada xarajatlari qoplanadigan dastur — OSCE Womenʼs Peace Leadership Programme taqdim etiladi. Dastur uchun 20 nafargacha faol ayol-qizlar tanlab olinishi rejalashtirilgan.

Dasturning maqsadi ishtirokchilarning yetakchilik qobiliyatlarini va amaliy raqamli koʻnikmalarini kuchaytirish orqali kompleks xavfsizlik hamda demokratik barqarorlikni qoʻllab-quvvatlovchi tinchlik tashabbuslarini rivojlantirishdir.

Shuningdek, dastur kasbiy rivojlanishni qoʻllab-quvvatlaydi, professional tarmoqlarga kirish imkonini beradi va yangi imkoniyatlar bilan tanishtiradi.

Ushbu bir yillik dastur 2026-yil may oyidan 2027-yil may oyigacha davom etadi va WIN loyihasi doirasida amalga oshiriladi.

Dastur haqida batafsil ushbu havola orqali maʼlumot olish mumkin.

• OSCE tashkilotiga aʼzo yoki hamkor davlatlar fuqarosi boʻlgan ayol-qizlar qatnashishi mumkin (Oʻzbekiston roʻyxatda bor);
• Tinchlik, xavfsizlik, rivojlanish yoki shunga oʻxshash sohalarda raqamli vositalar bilan ishlash boʻyicha kamida 5 yillik tajribaga ega boʻlish lozim;
• Ingliz tilini yaxshi bilish kerak (ogʻzaki va yozma);
• Raqamli muhitda gender tengligiga qiziqish va unga sodiqlik namoyon etish zarur;
• Hozirda ushbu sohalarda faoliyat olib borayotgan boʻlish lozim.
• Dasturda toʻliq qatnashish soʻraladi. Dastur quyidagi faoliyatlarni oʻz ichiga oladi:
  • 6 ta onlayn seminar (har biri 2 soat);
  • 6 ta onlayn tajriba almashish uchrashuvlari;
  • 2026-yil sentyabr oyida Avstriyada bir haftalik trening.

Muhim: OSCE (Organization for Security and Co-operation in Europe) Kotibiyati, institutlari yoki xodimlari va dasturning avvalgi mavsumlarida qatnashgan ishtirokchilar ushbu dasturga ariza topshira olmaydi.

• Avstriyada treningda qatnashish paytida yoʻl, ovqatlanish va turar joy xarajatlarini qoplash uchun kunlik yashash nafaqasi beriladi;
• Onlayn va oflayn treninglar oʻtkaziladi (tinchlik oʻrnatishda raqamli vositalarning roli, kommunikatsiya va yetakchilik mavzusida);
• Onlayn murabbiylik sessiyalari va oʻzaro tajriba almashish uchrashuvlari olib boriladi;
• Tarmoq tadbirlarida (Networking events) qatnashish;
• Qaror qabul qiluvchilar va boshqa nufuzli ishtirokchilar bilan raqamli vositalar orqali muloqot qilish va hamkorlik oʻrnatish imkoniyati.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Taʼlim maʼlumotlari;
• Ingliz tilini bilish darajasi;
• Asosiy ish faoliyati;
• LinkedIn profili;
• CV (maksimal 10 MB);
• Quyidagi savollarga javob beriladi:
  • Please describe your experience working on digital tools for peace, security, development or related areas;
  • What is your motivation for applying to this call?
  • Optional: Anything else you would like us to know about you?

Eslatma: Arizalar soni juda koʻp boʻlgani sababli faqat saralashdan oʻtgan nomzodlar bilan aloqaga chiqiladi.

• Dasturga hujjat topshirish uchun oxirgi muddat: 31-mart 2026-yil;
• Email: Equality-news@osce.org.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Linkedin;
• Twitter.