Ayol-qizlar uchun Buyuk Britaniyada tibbiyot sohasida grant asosida magistraturada oʻqish imkoniyati —The Eira Francis Davies Scholarship dasturi

The Eira Francis Davies Scholarship dasturi har yili Buyuk Britaniyaning Uels davlatida joylashgan Suansi universitetiga magistrlik darajasi uchun oʻqishga qabul qilingan bir nafar ayol talabaga oʻqish toʻlovlarini toʻliq qoplab berish imkonini beradi. Talaba the Faculty of Medicine, Health and Life Science — Tibbiyot, salomatlik va hayot fanlari fakultetiga magistrlik dasturi boʻyicha oʻqishga qabul qilinishi va rivojlanayotgan davlat fuqarosi boʻlishi lozim. Oʻzbekiston shunday davlatlar qatoriga kiradi.

Ushbu dasturda qatnashish uchun nomzodlar Suansi universitetining quyidagi kurslaridan biriga 2024-yil sentyabr oyi uchun qabul qilingan boʻlishi lozim:

• Biomedical Science (Clinical Biochemistry), MSc
• Biomedical Science (Clinical Microbiology), MSc
• Child Public Health, MSc
• Clinical Psychology and Mental Health, MSc
• Cognitive Neuroscience, MSc
• Genomic Medicine, MSc
• Healthcare Management, MSc
• Health Data Science, MSc
• Health Informatics, MSc
• Long Term and Chronic Conditions Management, MSc
• Medical Radiation Physics, MSc
• Nanomedicine, MSc
• Public Health and Health Promotion, MSc
• Research Methods in Psychology, MSc

Har bir kurs va unga qoʻyilgan talablar bilan kurs nomlariga biriktirilgan havolalar orqali batafsil tanishish mumkin.

Dastur haqida batafsil ushbu havola orqali tanishish mumkin.

Dasturda qatnashish uchun nomzodlardan quyidagilar talab qilinadi:

• Ushbu grant dasturida ayollar qatnasha oladi;
• Ishtirokchilar Jahon Banki tomonidan tuzilgan roʻyxatdagi mamlakat fuqarolari boʻlishlari lozim (Oʻzbekiston bu roʻyxatda bor).
• Ishtirokchilar Buyuk Britaniya baholash tizimi boʻyicha 2:1 (Oʻzbekistonda bu 100 ballik tizimida oʻrtacha 60-70 ballga toʻgʻri keladi) yoki unga teng boʻlgan darajadagi bakalavriat diplomiga ega boʻlishi kerak;
• Nomzodlar Swansea University ning magistrlik darajasi uchun moʻljallangan kurslaridan biriga 2024-yil sentyabr oyi semestri uchun qabul qilingan boʻlishi lozim. Universitet kurslari va ularga hujjat topshirish bilan batafsil ushbu havola orqali tanishish mumkin;
• Dasturga qabul qilinish uchun nomzodlardan ingliz tilini yaxshi bilishlari soʻraladi. Tanlangan kurs yoʻnalishi talabiga qarab kamida IELTS 6.5 soʻralishi mumkin;
• Nomzodlardan arizalari doirasida kuchli akademik qobiliyat, oʻqish uchun moliyaviy reja va Suonsi universitetida tanlagan kurslari uchun qiziqishlarini toʻliq namoyish etishlari soʻraladi;
• Ishtirokchi Suonsi universitetidan boshqa moliyaviy yordam olmagan boʻlishlari lozim (masalan, kontrakt pulini kamaytirish, stipendiya);
• Stipendiat hozirda Swansea Universiteti kollejining talabasi boʻlmasligi kerak.

Dasturga qabul qilinish talablari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imtiyozga ega boʻladi:

• Nomzodning oʻqish toʻlovlari toʻliq qoplab beriladi.

Ushbu dasturga topshirish uchun nomzodlar oldin Suansi universitetining tibbiyot yoʻnalishiga oid kurslaridan biriga qabul qilinishi lozim.

Soʻngra, nomzodlar ushbu havola orqali universitet tomonidan beriladigan grant dasturiga 2024-yil 27-may sоat 03:59ga qadar ariza topshirishlari mumkin.

Dastur ikki bosqichda amalga oshiriladi. Topshirgan arizalari muvaffaqiyatli boʻlgan nomzodlar 2024-yilning 17-21-iyun kunlarida intervyuga chaqiriladi. Umumiy natijalar 2024-yilning 5-iyulida eʼlon qilinadi.

Qoʻshimcha savol va murojaatlar uchun: EFDScholarship@swansea.ac.uk